ເປີດໂອກາດໃຫ້ວິສາຫະກິດຂອງລາວ ນຳສະເໜີສິນຄ້າອອກສູ່ສາກົນ
 |
| ເວັບໄຊ໌ E-Commerce (www.plaosme.com) ຢ່າງເປັນທາງການຂຶ້ນວັນທີ 30 ສິງຫາ 2017 ທີ່ໂຮງແຮມດອນຈັນພາເລດ ໄດ້ຮັບກຽດເປີດໂດຍທ່ານ ບຸນມີ ມະນີວົງ ຮອງລັດຖະມົນຕີກະຊວງອຸດສາຫະກຳ ແລະ ການຄ້າ ມີພາກສ່ວນກ່ຽວຂ້ອງເຂົ້າຮ່ວມ |
ການສ້າງເວັບໄຊ໌ www.plaosme.com ແມ່ນໄດ້ຮັບທຶນກູ້ຢືມຈາກ ADB ໃນມູນຄ່າ 562.000 ໂດລາສະຫະລັດ ຫຼື ປະມານ 4,6 ຕື້ກວ່າກີບ ເວັບໄຊ໌ນີ້ປະກອບມີ 2 ພາສາ ຄື: ພາສາລາວ ແລະ ອັງກິດ ເຊິ່ງສະໜອງຂໍ້ມູນກ່ຽວກັບຜູ້ຂາຍ ຫຼື ຜູ້ຜະລິດສິນຄ້າ ເງື່ອນໄຂຂອງສັນຍາການຄ້າເສລີ ການຈັດເຝິກອົບຮົມບັນຫາທີ່ຕິດພັນກັບການຄ້າ ແລະ ອື່ນໆ ປັດຈຸບັນມີ 82 ບໍລິສັດ ແລະ 300 ກວ່າ ລາຍການສິນຄ້າທີ່ມາຈົດທະບຽນເປັນສະມາຊິກ ເພື່ອການຄ້າຂາຍຜ່ານລະບົບດັ່ງກ່າວ. ກົມການນຳເຂົ້າ ແລະ ສົ່ງອອກກະຊວງອຸດສາຫະກຳ ແລະ ການຄ້າ ໃນນາມຕາງໜ້າທິມງານ ແລະ ທັງເປັນເຈົ້າການຮັບຜິດຊອບຈັດຕັ້ງປະຕິບັດ ໂຄງການຮ່ວມກັບກົມສົ່ງເສີມວິສາຫະກິດຂະໜາດນ້ອຍ ແລະ ກາງ ສະພາການຄ້າ ແລະ ອຸດສາຫະກຳແຫ່ງຊາດ ແລະ ທະນາຄານພັດທະນາອາຊີ (ADB) ໄດ້ຈັດພິທີເປີດນຳໃຊ້ເວັບໄຊ໌ E-Commerce (www.plaosme.com) ຢ່າງເປັນທາງການຂຶ້ນວັນທີ 30 ສິງຫາ 2017 ທີ່ໂຮງແຮມດອນຈັນພາເລດ ໄດ້ຮັບກຽດເປີດໂດຍທ່ານ ບຸນມີ ມະນີວົງ ຮອງລັດຖະມົນຕີກະຊວງອຸດສາຫະກຳ ແລະ ການຄ້າ ມີພາກສ່ວນກ່ຽວຂ້ອງເຂົ້າຮ່ວມ. ເວັບໄຊ໌ນີ້ ຖືເປັນເວທີໜຶ່ງເປີດໂອກາດໃຫ້ແກ່ບັນດາວິສາຫະກິດຂອງລາວ ສາມາດນຳສະເໜີສິນຄ້າທີ່ຕົນມີອອກສູ່ຕະຫຼາດທີ່ກວ້າງຂວາງກວ່າເກົ່າ ໂດຍສະເພາະ ຕະຫຼາດອາຊຽນ ແລະ ປະເທດພາຄີຂອງອາຊຽນ ປັດຈຸບັນ ຫຼາຍປະເທດໄດ້ວາງແຜນໃນການຍົກລະດັບການນຳໃຊ້ບັນດາສັນຍາການຄ້າເສລີອາຊຽນ ແລະ ອາຊຽນກັບຄູ່ເຈລະຈາ (FTAs) ໃຫ້ຫຼາຍຂຶ້ນ ສະນັ້ນ ການສ້າງເວັບໄຊ໌ດັ່ງກ່າວນີ້ ຈະກາຍເປັນຊ່ອງທາງໜຶ່ງ ເພື່ອສົ່ງເສີມໃຫ້ນັກທຸລະກິດຂອງລາວ ສາມາດເຂົ້າເຖິງ ແລະ ຮູ້ໝູນໃຊ້ FTAs ໃຫ້ຫຼາຍຂຶ້ນ.
ເນື້ອໃນ: ວຽງຈັນໃໝ່
No comments