ອົງຄະນະພັກ ສານປະຊາຊົນສູງສຸດ ໄຂກອງປະຊຸມໃຫຍ່ ຄັ້ງທີ III ຢ່າງເປັນທາງການ
ຂປລ. ກອງປະຊຸມໃຫຍ່ ຄັ້ງທີ III ຂອງອົງຄະນະພັກ ສານປະຊາຊົນສູງສຸດ ໄດ້ໄຂຂຶ້ນ ຢ່າງເປັນທາງການ ໃນວັນທີ 4 ຕຸລາ 2016 ນີ້ ທີ່ນະຄອນຫລວງວຽງຈັນ, ໂດຍການເປັນ ປະທານຂອງສະຫາຍ ຄໍາພັນ ສິດທິດໍາພາ ກໍາມະການ ສູນກາງພັກ, ເລຂາຄະນະພັກ ສານປະຊາຊົນສູງສຸດ. ເປັນກຽດເຂົ້າຮ່ວມໂດຍ ສະຫາຍ ພັນຄໍາ ວິພາວັນ ຜູ້ປະຈໍາການ ຄະນະເລຂາທິການ ສູນກາງພັກ, ຮອງປະທານປະເທດ, ພ້ອມດ້ວຍຜູ້ແທນສົມບູນ 83 ສະຫາຍ, ຍິງ 22 ສະຫາຍ ທີ່ຕາງໜ້າ ສະມາຊິກພັກທັງໝົດ 125 ສະຫາຍ ເຂົ້າຮ່ວມ. ກອງປະຊຸມໃຫຍ່ດັ່ງກ່າວ, ຜູ້ແທນໄດ້ເປັນເຈົ້າການ ຄົ້ນຄວ້າພິຈາລະນາຄືນ ການຈັດຕັ້ງປະຕິບັດ ມະຕິກອງປະຊຸມໃຫຍ່ ຄັ້ງທີ IX ຂອງພັກ ກໍຄືການຈັດຕັ້ງປະຕິບັດ ມະຕິກອງປະຊຸມໃຫຍ່ ຄັ້ງທີ II ຂອງຕົນຜ່ານມາ, ພ້ອມທັງຈະຮັບຮອງເອົາ ຄາດໝາຍສູ້ຊົນ ແລະ ໜ້າທີ່ວຽກງານໃນຊຸມປີຕໍ່ໜ້າ.
ສະຫາຍ ຄໍາພັນ ສິດທິດໍາພາ ຕາງໜ້າຄະນະພັກ ສານປະຊາຊົນສູງສຸດ ລາຍງານຕໍ່ ກອງປະຊຸມໃຫຍ່ຄັ້ງທີ III ອົງຄະນະພັກຂອງຕົນ ວ່າ: 5 ປີ ຜ່ານມາຄະນະພັກ ສານປະຊາຊົນສູງສຸດ ໄດ້ຊີ້ນໍາ-ນໍາພາ ຈັດຕັ້ງປະຕິບັດ ໜ້າທີ່ການເມືອງຂອງຕົນ ຢ່າງມີຄວາມ ຮັບຜິດຊອບສູງ ແລະ ດ້ວຍຜົນສໍາເລັດຫລາຍອັນ ເພື່ອປະຕິບັດ ໄດ້ຕາມຄໍາຂັວນທີ່ວ່າ “ ບໍລິການດ້ວຍຄວາມ ຍີ້ມແຍ້ມແຈ່ມໃສ ຊ່ວຍແກ້ໄຂຄະດີ ໄດ້ບາດກ້າວໜຶ່ງ ເຮັດວຽກດ້ວຍ ຄວາມຊື່ສັດສຸຈະລິດ ຄືບາດກ້າວທໍາອິດ ຂອງການຕັດສິນຄະດີ ທີ່ຖືກຕ້ອງເປັນທໍາ”. ພ້ອມນັ້ນ, ຜ່ານມາໄດ້ເຮັດໃຫ້ ການພິຈາລະນາ ຕັດສິນຄະດີ ມີຄວາມວ່ອງໄວ ແລະ ມີຄຸນນະພາບ ນັບມື້ນັບສູງຂຶ້ນ. ເຊິ່ງສະແດງອອກ 5 ປີຜ່ານມາ ມີຄະດີເຂົ້າມາສານ ທຸກຂັ້ນທັງໝົດ 37,840 ກວ່າເລື່ອງ, ໄດ້ແກ້ໄຂແລ້ວ 36.070 ກວ່າເລື່ອງ, ເທົ່າກັບ 95,32%, ທຽບໃສ່ ມະຕິກອງປະຊຸມໃຫຍ່ ຄັ້ງທີ II ປະຕິບັດໄດ້ລື່ນຄາດໝາຍ ທີ່ວາງໄວ້ 10,32%. ຄະດີຍັງຄ້າງ 4,68% ເຊິ່ງສາມາດໄຈ້ແຍກ ຄະດີຢູ່ສານປະຊາຊົນ ແຕ່ລະຂັ້ນ ຄື: ຄະດີລວມຢູ່ສານຂັ້ນຕົ້ນ ທັງໝົດ 29.780 ເລື່ອງ, ແກ້ໄຂໄປແລ້ວ 28.470 ກວ່າເລື່ອງ, ເທົ່າກັບ 95,71%, ຍັງຄ້າງ 4,29% ຄະດີຢູ່ສານຂັ້ນອຸທອນ ທັງໝົດທັງໝົດ 5.560 ກວ່າເລື່ອງ, ແກ້ໄຂໄປແລ້ວ 5.220 ກວ່າເລື່ອງ, ເທົ່າກັບ 93,97%, ຍັງຄ້າງເທົ່າກັບ 6,03% ຄະດີເປັນຂັ້ນ ລົບລ້າງທັງໝົດ 2.500 ກວ່າເລື່ອງ, ແກ້ໄຂໄປແລ້ວ 2.370 ກວ່າເລື່ອງ, ເທົ່າກັບ 94,80 ເລື່ອງ, ຍັງຄ້າງ 5,20% ໃນນີ້ ຢູ່ສານປະຊາຊົນສູງສຸດ 1.490 ກວ່າເລື່ອງ, ແກ້ໄຂໄປແລ້ວ 1.420 ກວ່າເລື່ອງ ກວມ 94,85% ຍັງຄ້າງ 5,15%.
ແນວໃດກໍດີ 5 ປີຕໍ່ໜ້າ ຄືຮອດປີ 2020 ສູ້ຊົນການພັດທະນາ ວຽກງານສານ ໃຫ້ໜັກແໜ້ນ, ເຂັ້ມແຂງ, ເປັນລະບົບທີ່ສອດຄ່ອງ ແລະ ແທດເໝາະກັບ ສະພາບຄວາມເປັນຈິງ ຂອງການພັດທະນາ ເສດຖະກິດ-ສັງຄົມ ຂອງປະເທດເຮົາ ຮັບປະກັນໃຫ້ການຈັດຕັ້ງ ຂອງສານປະຊາຊົນ ສາມາດບໍລິການຮັບໃຊ້ ປະຊາຊົນໄດ້ສະດວກ, ປະຊາຊົນເຂົ້າຫາ ຂະບວນການດໍາເນີນ ຄະດີຢູ່ສານ ໄດ້ຢ່າງງ່າຍດາຍ, ການດໍາເນີນຄະດີວ່ອງໄວ ຕ້ອງຮັບປະກັນ ພິຈາລະນາຄະດີ ໃຫ້ສໍາເລັດຕາມກົດໝາຍ ກໍານົດໄວ້ ຄື: ຄະດີແພ່ງຂັ້ນຕົ້ນ 9 ເດືອນ, ຂັ້ນອຸທອນ 4 ເດືອນ, ຂັ້ນລົບລ້າງ 3 ເດືອນ ແລະ ຂັ້ນຮື້ຟື້ນ 2 ເດືອນ ແລະ ແກ້ໄຂຄະດີໃຫ້ໄດ້ 85% ຕາມແຜນການທີ່ວາງອອກ.
ກອງປະຊຸມ ຈະໄດ້ດໍາເນີນ ໄປເປັນເວລາ 1 ວັນ ແລະ ຍັງຈະໄດ້ປ່ອນບັດເລືອກຕັ້ງ ເອົາຄະນະບໍລິຫານງານພັກ ສານປະຊາຊົນສູງສຸດ ຊຸດໃໝ່ຈໍານວນ 7 ສະຫາຍ.
ສະຫາຍ ຄໍາພັນ ສິດທິດໍາພາ ຕາງໜ້າຄະນະພັກ ສານປະຊາຊົນສູງສຸດ ລາຍງານຕໍ່ ກອງປະຊຸມໃຫຍ່ຄັ້ງທີ III ອົງຄະນະພັກຂອງຕົນ ວ່າ: 5 ປີ ຜ່ານມາຄະນະພັກ ສານປະຊາຊົນສູງສຸດ ໄດ້ຊີ້ນໍາ-ນໍາພາ ຈັດຕັ້ງປະຕິບັດ ໜ້າທີ່ການເມືອງຂອງຕົນ ຢ່າງມີຄວາມ ຮັບຜິດຊອບສູງ ແລະ ດ້ວຍຜົນສໍາເລັດຫລາຍອັນ ເພື່ອປະຕິບັດ ໄດ້ຕາມຄໍາຂັວນທີ່ວ່າ “ ບໍລິການດ້ວຍຄວາມ ຍີ້ມແຍ້ມແຈ່ມໃສ ຊ່ວຍແກ້ໄຂຄະດີ ໄດ້ບາດກ້າວໜຶ່ງ ເຮັດວຽກດ້ວຍ ຄວາມຊື່ສັດສຸຈະລິດ ຄືບາດກ້າວທໍາອິດ ຂອງການຕັດສິນຄະດີ ທີ່ຖືກຕ້ອງເປັນທໍາ”. ພ້ອມນັ້ນ, ຜ່ານມາໄດ້ເຮັດໃຫ້ ການພິຈາລະນາ ຕັດສິນຄະດີ ມີຄວາມວ່ອງໄວ ແລະ ມີຄຸນນະພາບ ນັບມື້ນັບສູງຂຶ້ນ. ເຊິ່ງສະແດງອອກ 5 ປີຜ່ານມາ ມີຄະດີເຂົ້າມາສານ ທຸກຂັ້ນທັງໝົດ 37,840 ກວ່າເລື່ອງ, ໄດ້ແກ້ໄຂແລ້ວ 36.070 ກວ່າເລື່ອງ, ເທົ່າກັບ 95,32%, ທຽບໃສ່ ມະຕິກອງປະຊຸມໃຫຍ່ ຄັ້ງທີ II ປະຕິບັດໄດ້ລື່ນຄາດໝາຍ ທີ່ວາງໄວ້ 10,32%. ຄະດີຍັງຄ້າງ 4,68% ເຊິ່ງສາມາດໄຈ້ແຍກ ຄະດີຢູ່ສານປະຊາຊົນ ແຕ່ລະຂັ້ນ ຄື: ຄະດີລວມຢູ່ສານຂັ້ນຕົ້ນ ທັງໝົດ 29.780 ເລື່ອງ, ແກ້ໄຂໄປແລ້ວ 28.470 ກວ່າເລື່ອງ, ເທົ່າກັບ 95,71%, ຍັງຄ້າງ 4,29% ຄະດີຢູ່ສານຂັ້ນອຸທອນ ທັງໝົດທັງໝົດ 5.560 ກວ່າເລື່ອງ, ແກ້ໄຂໄປແລ້ວ 5.220 ກວ່າເລື່ອງ, ເທົ່າກັບ 93,97%, ຍັງຄ້າງເທົ່າກັບ 6,03% ຄະດີເປັນຂັ້ນ ລົບລ້າງທັງໝົດ 2.500 ກວ່າເລື່ອງ, ແກ້ໄຂໄປແລ້ວ 2.370 ກວ່າເລື່ອງ, ເທົ່າກັບ 94,80 ເລື່ອງ, ຍັງຄ້າງ 5,20% ໃນນີ້ ຢູ່ສານປະຊາຊົນສູງສຸດ 1.490 ກວ່າເລື່ອງ, ແກ້ໄຂໄປແລ້ວ 1.420 ກວ່າເລື່ອງ ກວມ 94,85% ຍັງຄ້າງ 5,15%.
ແນວໃດກໍດີ 5 ປີຕໍ່ໜ້າ ຄືຮອດປີ 2020 ສູ້ຊົນການພັດທະນາ ວຽກງານສານ ໃຫ້ໜັກແໜ້ນ, ເຂັ້ມແຂງ, ເປັນລະບົບທີ່ສອດຄ່ອງ ແລະ ແທດເໝາະກັບ ສະພາບຄວາມເປັນຈິງ ຂອງການພັດທະນາ ເສດຖະກິດ-ສັງຄົມ ຂອງປະເທດເຮົາ ຮັບປະກັນໃຫ້ການຈັດຕັ້ງ ຂອງສານປະຊາຊົນ ສາມາດບໍລິການຮັບໃຊ້ ປະຊາຊົນໄດ້ສະດວກ, ປະຊາຊົນເຂົ້າຫາ ຂະບວນການດໍາເນີນ ຄະດີຢູ່ສານ ໄດ້ຢ່າງງ່າຍດາຍ, ການດໍາເນີນຄະດີວ່ອງໄວ ຕ້ອງຮັບປະກັນ ພິຈາລະນາຄະດີ ໃຫ້ສໍາເລັດຕາມກົດໝາຍ ກໍານົດໄວ້ ຄື: ຄະດີແພ່ງຂັ້ນຕົ້ນ 9 ເດືອນ, ຂັ້ນອຸທອນ 4 ເດືອນ, ຂັ້ນລົບລ້າງ 3 ເດືອນ ແລະ ຂັ້ນຮື້ຟື້ນ 2 ເດືອນ ແລະ ແກ້ໄຂຄະດີໃຫ້ໄດ້ 85% ຕາມແຜນການທີ່ວາງອອກ.
ກອງປະຊຸມ ຈະໄດ້ດໍາເນີນ ໄປເປັນເວລາ 1 ວັນ ແລະ ຍັງຈະໄດ້ປ່ອນບັດເລືອກຕັ້ງ ເອົາຄະນະບໍລິຫານງານພັກ ສານປະຊາຊົນສູງສຸດ ຊຸດໃໝ່ຈໍານວນ 7 ສະຫາຍ.
No comments