ໂຮມຊຸມນຸມ ສະຫລອງວັນຄູແຫ່ງຊາດຢູ່ເມືອງທ່າແຕງ
ຂປລ.ອາທິດຜ່ານມານີ້ ເມືອງທ່າແຕງ ແຂວງເຊກອງ ໄດ້ຈັດພິທີໂຮມຊຸມນຸມສະເຫຼີມສະຫຼອງວັນຄູແຫ່ງຊາດ 7 ຕຸລາ ຂຶ້ນຢູ່ທີ່ເດີ່ນກິລາຂອງເມືອງດັ່ງກ່າວ, ໂດຍມີ ທ່ານ ຄຳສອນ ກອນເຍີ ກຳມະການພັກແຂວງ ເລຂາພັກເມືອງເຈົ້າເມືອງທ່າແຕງ, ມີຄະນະປະຈຳພັກເມືອງ, ກຳມະການພັກເມືອງ, ຄູອາຈານ ແລະ ນ້ອງນັກຮຽນເຂົ້າຮ່ວມຢ່າງຫຼວງຫຼາຍ.
ທ່ານ ນາງ ດວງຈັນ ເທບບົວລະບັດ ກຳມະການພັກເມືອງ ຫົວໜ້າຫ້ອງການສຶກສາທິການ ແລະ ກິລາເມືອງທ່າແຕງຕາງໜ້າຄະນະນໍາການສຶກສາ ແລະ ການນໍາພັກ-ລັດ: ໄດ້ສະແດງຄວາມປິຕິຊົມຊື່ນ ແລະ ເອກອ້າງທະນົງໃຈທີ່ໄດ້ມີການສະເຫຼີມສະຫຼອງວັນຄູແຫ່ງຊາດ 7 ຕຸລາ 2016 ນີ້, ເຊິ່ງໄດ້ຫວນຄືນເຖິງມູນເຊື້ອການກໍາເນີດ ຂອງວັນຄູແຫ່ງຊາດ ດ້ວຍຄວາມອາໄລ ຮັກຢ່າງສຸດຊຶ້ງ ແລະ ຂໍຈົດຈຳຈາລຶກບຸນຄຸນ, ຄຸນງາມຄວາມດີອັນໃຫ່ຍຫຼວງ ຂອງຄູເຊິ່ງຄູແມ່ນລູກຜູ້ປະເສີດ ຂອງປະຊາຊົນບັນດາເຜົ່າທີ່ນຳເອົາຄວາມຮູ້, ຄວາມສາມາດ, ສະຫຼາດສ່ອງໃສ ແລະ ຄວາມສົມບູນພູນສຸກມາສູ່ປະຊາຊົນບັນດາເຜົ່າ ໂດຍຊື່ສຽງຂອງຄູໄດ້ຕິດພັນກັບຂະບວນການວິວັດແຫ່ງການພັດທະນາປະເທດຊາດມາໂດຍຕະຫຼອດຈົນຮອດທຸກວັນນີ້,
ທ່ານ ຫົວໜ້າຫ້ອງການສຶກສາທິການ ແລະ ກິລາເມືອງທ່າແຕງກ່າວຕື່ມວ່າ: ການພັດທະນາການສຶກສາ ຢູ່ເມືອງທ່າແຕງ ໃນໄລຍະຜ່ານມາມີການຂະຫຍາຍຕົວຢ່າງຕໍ່ເນື່ອງທັງປະລິມານ ແລະ ຄຸນນະພາບໂດຍມີໂຮງຮຽນ 13 ແຫ່ງ ໄດ້ກາຍເປັນໂຮງຮຽນຕົວແບບ ແລະ ອີກ 7 ແຫ່ງກາຍເປັນໂຮງຮຽນສີຂຽວຄື: ໂຮງຮຽນປະຖົມຫົວເຊ, ປະແຫຼງເໜືອ, ໜອງນົກ, ດອນຊາ, ຫ້ວຍຊາຍ, ບ້ານຫຼີກ ແລະ ໂຮງຮຽນປະຖົມຈຸນລາ.
ໂອກາດດັ່ງກ່າວນີ້ ໄດ້ມອບໃບຍ້ອງຍໍ ປະເພດຢ່າງຕ່າງໆໃຫ້ແກ່ພະນັກງານ-ຄູອາຈານ ໃນການປະກອບສ່ວນໃນວຽກງານ ປະກາດເມືອງຈົບຊັ້ນມັດທະຍົມບຳລຸງຕອນຕົ້ນ ຈໍາວນວ 6 ສະຫາຍ, ຍິງ 3 ສະຫາຍ, ແລະ ຍ້ອງຍໍການປະກອບສ່ວນໃນວຽກງານການສຶກສາຈຳນວນ 98 ສະຫາຍ, ຍິງ 41 ສະຫາຍ ໂດຍແມ່ນ ທ່ານ ຄຳສອນ ກອນເຍີ ກຳມະການພັກແຂວງ ເລຂາພັກເມືອງ ເຈົ້າເມືອງທ່າແຕງ ແລະ ທ່ານ ນາງ ດວງຈັນ ເທບບົວລະບັດ ກຳມະການພັກເມືອງ ຫົວໜ້າຫ້ອງການສຶກສາທິການ ແລະ ກິລາເມືອງເປັນຜູ້ ກ່າວມອບຢ່າງສົມກຽດ.
ທີ່ມາ: KPL
ທ່ານ ນາງ ດວງຈັນ ເທບບົວລະບັດ ກຳມະການພັກເມືອງ ຫົວໜ້າຫ້ອງການສຶກສາທິການ ແລະ ກິລາເມືອງທ່າແຕງຕາງໜ້າຄະນະນໍາການສຶກສາ ແລະ ການນໍາພັກ-ລັດ: ໄດ້ສະແດງຄວາມປິຕິຊົມຊື່ນ ແລະ ເອກອ້າງທະນົງໃຈທີ່ໄດ້ມີການສະເຫຼີມສະຫຼອງວັນຄູແຫ່ງຊາດ 7 ຕຸລາ 2016 ນີ້, ເຊິ່ງໄດ້ຫວນຄືນເຖິງມູນເຊື້ອການກໍາເນີດ ຂອງວັນຄູແຫ່ງຊາດ ດ້ວຍຄວາມອາໄລ ຮັກຢ່າງສຸດຊຶ້ງ ແລະ ຂໍຈົດຈຳຈາລຶກບຸນຄຸນ, ຄຸນງາມຄວາມດີອັນໃຫ່ຍຫຼວງ ຂອງຄູເຊິ່ງຄູແມ່ນລູກຜູ້ປະເສີດ ຂອງປະຊາຊົນບັນດາເຜົ່າທີ່ນຳເອົາຄວາມຮູ້, ຄວາມສາມາດ, ສະຫຼາດສ່ອງໃສ ແລະ ຄວາມສົມບູນພູນສຸກມາສູ່ປະຊາຊົນບັນດາເຜົ່າ ໂດຍຊື່ສຽງຂອງຄູໄດ້ຕິດພັນກັບຂະບວນການວິວັດແຫ່ງການພັດທະນາປະເທດຊາດມາໂດຍຕະຫຼອດຈົນຮອດທຸກວັນນີ້,
ທ່ານ ຫົວໜ້າຫ້ອງການສຶກສາທິການ ແລະ ກິລາເມືອງທ່າແຕງກ່າວຕື່ມວ່າ: ການພັດທະນາການສຶກສາ ຢູ່ເມືອງທ່າແຕງ ໃນໄລຍະຜ່ານມາມີການຂະຫຍາຍຕົວຢ່າງຕໍ່ເນື່ອງທັງປະລິມານ ແລະ ຄຸນນະພາບໂດຍມີໂຮງຮຽນ 13 ແຫ່ງ ໄດ້ກາຍເປັນໂຮງຮຽນຕົວແບບ ແລະ ອີກ 7 ແຫ່ງກາຍເປັນໂຮງຮຽນສີຂຽວຄື: ໂຮງຮຽນປະຖົມຫົວເຊ, ປະແຫຼງເໜືອ, ໜອງນົກ, ດອນຊາ, ຫ້ວຍຊາຍ, ບ້ານຫຼີກ ແລະ ໂຮງຮຽນປະຖົມຈຸນລາ.
ໂອກາດດັ່ງກ່າວນີ້ ໄດ້ມອບໃບຍ້ອງຍໍ ປະເພດຢ່າງຕ່າງໆໃຫ້ແກ່ພະນັກງານ-ຄູອາຈານ ໃນການປະກອບສ່ວນໃນວຽກງານ ປະກາດເມືອງຈົບຊັ້ນມັດທະຍົມບຳລຸງຕອນຕົ້ນ ຈໍາວນວ 6 ສະຫາຍ, ຍິງ 3 ສະຫາຍ, ແລະ ຍ້ອງຍໍການປະກອບສ່ວນໃນວຽກງານການສຶກສາຈຳນວນ 98 ສະຫາຍ, ຍິງ 41 ສະຫາຍ ໂດຍແມ່ນ ທ່ານ ຄຳສອນ ກອນເຍີ ກຳມະການພັກແຂວງ ເລຂາພັກເມືອງ ເຈົ້າເມືອງທ່າແຕງ ແລະ ທ່ານ ນາງ ດວງຈັນ ເທບບົວລະບັດ ກຳມະການພັກເມືອງ ຫົວໜ້າຫ້ອງການສຶກສາທິການ ແລະ ກິລາເມືອງເປັນຜູ້ ກ່າວມອບຢ່າງສົມກຽດ.
ທີ່ມາ: KPL
No comments