ສຳເລັດສ້າງບຸກຄະລາກອນຮັບໃຊ້ສັງຄົມ

ຄະນະ​ເສດຖະສາດ ແລະ ບໍ​ລິຫານ​ທຸລະ​ກິດ ​ໄດ້​ຈັດ​ພິທີ​ສະຫຼຸບຊຸດ​ຮຽນ (2012-2016) ແລະ ເປີດ​ສົກຮຽນ (2016-2017) ແລະ ພິທີ​ມອບ-ຮັບ​ໃບ​ປະ​ກາ​ສະນີ​ຍະ​ບັດ​ສົກຮຽນ 2015-2016 ໄດ້​ຈັດ​ຂຶ້ນ​ໃນ​ວັນ​ທີ 28 ກັນຍາ 2016 ທີ່​ມະຫາວິທະຍາໄລ​ແຫ່ງຊາດ ເປັນ​ກຽດ​ມອບ​ໃບ​ປະ​ກາສະ​ນີ​ຍະ​ບັດ​ຂອງ​ທ່ານ ​ຮສ.​ປອ. ອຸດົມ ພອນ​ຄຳ​ເພັງ ຮອງ​ອະທິການ​ບໍດີ ມະຫາວິທະຍາໄລ​ແຫ່ງຊາດ ພ້ອມ​ດ້ວຍ​ບັນດາ​ອາຈານ ແລະ ນັກ​ສຶກ​ສາ​ເຂົ້າ​ຮ່ວມ.

ທ່ານ ​ຮສ. ນາງ ແສງ​ຈັນ ຈັນທະ​ເສນ ຮອງ​ຄະນະບໍດີ ຄະນະ​ເສດຖະສາດ ແລະ ບໍລິຫານທຸລະ​ກິດ ມະຫາວິທະຍາໄລ​ແຫ່ງຊາດ ​ໄດ້​ກ່າວ​ວ່າ: ສຳລັບ​ນັກ​ສຶກສາ​ທີ່​ຈົບ​ການ​ສຶກ​ສາ​ໃນ​ສົກຮຽນ 2015-2016 ປະກອບ​ມີນັກ​ສຶກສາ​ລະດັບ​ປະລິນຍາ​ຕີ ​ຈົບ​ການສຶກ​ສາ​ທັງ​ໝົດ 767 ຄົນ ເປັນ​ຍິງ 472 ຄົນ ມີ​ນັກ​ສຶກ​ສາ​ລະບົບ​ຕໍ່ເນື່ອງ ຈຳນວນ 61 ຄົນ ໃນ​ນັ້ນ ໄດ້​ຮັບ​ໃບ​ປະກາສະນີຍະບັດ​ແດງ (ກຽດ​ນິຍົມ) ທັງ​ໝົດ 18 ຄົນ ຮັບໃບ​ຍ້ອງຍໍ​ລະດັບ​ຄະນະບໍດີ 162 ຄົນ ສຳລັບ​ລະດັບ​ປະລິນຍາ​ໂທ ​ມີນັກ​ສຶກ​ສາ​ສຳເລັດ​ການ​ສຶກ​ສາທັງ​ໝົດ 173 ຄົນ ເປັນ​ຍິງ 80 ຄົນ ໃນ​ນັ້ນ ໄດ້​ຮັບ​ໃບ​ຍ້ອງຍໍ​ລະດັບ​ອະທິການ​ບໍດີ 1 ຄົນ ແລະ ຮັບໃບ​ຍ້ອງຍໍ​ລະດັບ​ຄະນະບໍດີ 32 ຄົນ.

ທີ່ມາ: vientianemai