ເຫດຜົນການເກັບເງິນຄ່າຜ່ານທາງເລກທີ 16 ແຂວງຈຳປາສັກ
ຫຼາຍທ່ານທີ່ຊົມໃຊ້ເສັ້ນທາງເລກທີ 16 (ແຕ່ສົ້ນຂົວຂ້າມນ້ຳຂອງປາກເຊ ແຂວງຈຳປາສັກ ໄປຫາຊາຍແດນດ່ານວັງເຕົາ-ຊ່ອງເມັກ) ແລະ ເສັ້ນທາງ 14 ກ (ແຕ່ເສັ້ນທາງເລກທີ 16 ໄປຫາສະຖານທີ່ທ່ອງທ່ຽວວັດພູຈຳປາສັກ) ໄດ້ມີຈຸດເກັບເງິນຄ່າຜ່ານທາງ ທັງໆທີ່ການເກັບເງິນຄ່າທາງ ລັດຖະບານໄດ້ຍົກເລີກມາຫຼາຍປີແລ້ວ ຕໍ່ກັບບັນຫາດັ່ງກ່າວນີ້ ໄດ້ສ້າງຄວາມສົນໃຈບໍ່ຫຼາຍກໍ່ໜ້ອຍໃຫ້ນັກຂັບຂີ່ ແຕ່ຄວາມຈິງແລ້ວ ການເກັບເງິນຄ່າຜ່ານທາງສອງເສັ້ນທາງດັ່ງກ່າວ ແມ່ນຍ້ອນລັດເຮົາໃຫ້ບໍລິສັດເອກະຊົນພາຍໃນສຳປະທານ ໃນຮູບແບບໃຫ້ບໍລິສັດລົງທຶນປັບປຸງສ້ອມແປງ ແລະ ກໍ່ສ້າງເສັ້ນທາງດັ່ງກ່າວ ເພື່ອເຮັດໃຫ້ເສັ້ນທາງສາມາດໄປມາມີຄວາມສະດວກຫຼາຍຂຶ້ນກວ່າເກົ່າ ໃນເມື່ອບໍລິສັດລົງທຶນໄປແລ້ວ ກໍ່ຕ້ອງການເກັບທຶນຄືນ ດ້ວຍຮູບແບບເກັບເງິນນຳພາຫະນະລົດໃຫຍ່ ທີ່ໃຊ້ເສັ້ນທາງດັ່ງກ່າວທັງຂາໄປ ແລະ ຂາກັບເປັນໄລຍະເວລາ 45 ປີ ແຕ່ມີນະໂຍບາຍຕໍ່ປະຊາຊົນ ແລະ ພະນັກງານລັດເຂດໃກ້ຄຽງ.
ອີງຕາມຂໍ້ມູນທີ່ທ່ານ ອຸດອນ ແກ້ວດວງດີ ຜູ້ອຳນວຍການບໍລິສັດ ດວງດີກໍ່ສ້າງ-ຂົວທາງ ຈຳກັດ ສຳພາດລົງໜັງສືພິມຈຳປາໃໝ່ ເມື່ອທ້າຍເດືອນສິງຫາ 2016 ຮູ້ວ່າ: ກ່ຽວກັບການເກັບເງິນຜ່ານທາງ ແມ່ນປະຕິບັດຕາມການຕົກລົງຂອງລັດຖະບານ ພາຍຫຼັງທີ່ໄດ້ຮັບອະນຸຍາດສຳປະທານກໍ່ສ້າງຂະຫຍາຍເສັ້ນທາງເລກທີ 16 ກຳນົດ 45 ປີ (ລວມທັງປີລົງມືກໍ່ສ້າງ) ບໍລິສັດໄດ້ດຳເນີນກໍ່ສ້າງ ແລະ ຂະຫຍາຍເສັ້ນທາງດັ່ງກ່າວ ມາແຕ່ທ້າຍປີ 2011 ການກໍ່ສ້າງນັ້ນ ໃນແລວທາງເກົ່າໄດ້ມີການເລີກຮື້ຖິ້ມ ແລະ ປູຢາງໃໝ່ ປັດຈຸບັນ ເສັ້ນທາງສາຍນີ້ ບ່ອນກວ້າງສຸດ 18 ແມັດ ແລະ ແຄບສຸດ 16 ແມັດ ພ້ອມນີ້ຍັງໄດ້ສ້າງຂົວເພີ່ມຕື່ມອີກ 4 ແຫ່ງ ຍາວ 250 ແມັດ ເບື້ອງຕົ້ນຄາດຄະເນວ່າຈະລົງທຶນປະມານ 30 ລ້ານໂດລາສະຫະລັດ ຫຼື ປະມານ 240 ຕື້ກີບ ແຕ່ເຮັດຕົວຈິງມູນຄ່າຫຼາຍກວ່ານັ້ນຍ້ອນວ່າມີວຽກເພີ່ມ.
ຕະຫຼອດໄລຍະສຳປະທານ ບໍລິສັດຍັງມີຄວາມຮັບຜິດຊອບໃນການປົກປັກຮັກສາ ແລະ ຄ່າສ້ອມແປງ ເພື່ອໃຫ້ເສັ້ນທາງສວຍງາມໄປຕະຫຼອດ ໂດຍທີ່ລັດບໍ່ມີສ່ວນກ່ຽວຂ້ອງໃນການໃຊ້ຈ່າຍ ຕໍ່ກັບນະໂຍບາຍຕໍ່ປະຊາຊົນ ພະນັກງານ ທະຫານ ຕຳຫຼວດທີ່ຢູ່ໃກ້ຄຽງ ແລະ ນຳໃຊ້ເສັ້ນທາງດັ່ງກ່າວເປັນປະຈຳນັ້ນ ບໍລິສັດມີນະໂຍບາຍພິເສດຕ່າງຫາກ ພ້ອມນີ້ ຍັງມີນະໂຍບາຍຕໍ່ການນຳພັກ-ລັດ ລົດໂຮງໝໍ ລົດສົ່ງນັກຮຽນ ລົດທະຫານທີ່ມີປ້າຍທະຫານ ແລະ ລົດຕຳຫຼວດທີ່ມີປ້າຍຕຳຫຼວດ ສ່ວນພະນັກງານລັດເມືອງໂພນທອງ ທີ່ທຽວເສັ້ນທາງດັ່ງກ່າວໄປເຮັດວຽກຢູ່ເມືອງປາກເຊ ກໍ່ມີນະໂຍບາຍເສຍລາຍເດືອນ ພະນັກງານທຽວໄປປະຈຳ ເຊັ່ນ: ຢູ່ຕໍ່ເຂດ ແລະ ພະນັກງານເມືອງໂພນທອງ ຈຳປາສັກ ແລະ ເມືອງປາກເຊ ກໍ່ມີນະໂຍບາຍເຊັ່ນດຽວກັນ.
ທີ່ມາ: vientianemai
ອີງຕາມຂໍ້ມູນທີ່ທ່ານ ອຸດອນ ແກ້ວດວງດີ ຜູ້ອຳນວຍການບໍລິສັດ ດວງດີກໍ່ສ້າງ-ຂົວທາງ ຈຳກັດ ສຳພາດລົງໜັງສືພິມຈຳປາໃໝ່ ເມື່ອທ້າຍເດືອນສິງຫາ 2016 ຮູ້ວ່າ: ກ່ຽວກັບການເກັບເງິນຜ່ານທາງ ແມ່ນປະຕິບັດຕາມການຕົກລົງຂອງລັດຖະບານ ພາຍຫຼັງທີ່ໄດ້ຮັບອະນຸຍາດສຳປະທານກໍ່ສ້າງຂະຫຍາຍເສັ້ນທາງເລກທີ 16 ກຳນົດ 45 ປີ (ລວມທັງປີລົງມືກໍ່ສ້າງ) ບໍລິສັດໄດ້ດຳເນີນກໍ່ສ້າງ ແລະ ຂະຫຍາຍເສັ້ນທາງດັ່ງກ່າວ ມາແຕ່ທ້າຍປີ 2011 ການກໍ່ສ້າງນັ້ນ ໃນແລວທາງເກົ່າໄດ້ມີການເລີກຮື້ຖິ້ມ ແລະ ປູຢາງໃໝ່ ປັດຈຸບັນ ເສັ້ນທາງສາຍນີ້ ບ່ອນກວ້າງສຸດ 18 ແມັດ ແລະ ແຄບສຸດ 16 ແມັດ ພ້ອມນີ້ຍັງໄດ້ສ້າງຂົວເພີ່ມຕື່ມອີກ 4 ແຫ່ງ ຍາວ 250 ແມັດ ເບື້ອງຕົ້ນຄາດຄະເນວ່າຈະລົງທຶນປະມານ 30 ລ້ານໂດລາສະຫະລັດ ຫຼື ປະມານ 240 ຕື້ກີບ ແຕ່ເຮັດຕົວຈິງມູນຄ່າຫຼາຍກວ່ານັ້ນຍ້ອນວ່າມີວຽກເພີ່ມ.
ຕະຫຼອດໄລຍະສຳປະທານ ບໍລິສັດຍັງມີຄວາມຮັບຜິດຊອບໃນການປົກປັກຮັກສາ ແລະ ຄ່າສ້ອມແປງ ເພື່ອໃຫ້ເສັ້ນທາງສວຍງາມໄປຕະຫຼອດ ໂດຍທີ່ລັດບໍ່ມີສ່ວນກ່ຽວຂ້ອງໃນການໃຊ້ຈ່າຍ ຕໍ່ກັບນະໂຍບາຍຕໍ່ປະຊາຊົນ ພະນັກງານ ທະຫານ ຕຳຫຼວດທີ່ຢູ່ໃກ້ຄຽງ ແລະ ນຳໃຊ້ເສັ້ນທາງດັ່ງກ່າວເປັນປະຈຳນັ້ນ ບໍລິສັດມີນະໂຍບາຍພິເສດຕ່າງຫາກ ພ້ອມນີ້ ຍັງມີນະໂຍບາຍຕໍ່ການນຳພັກ-ລັດ ລົດໂຮງໝໍ ລົດສົ່ງນັກຮຽນ ລົດທະຫານທີ່ມີປ້າຍທະຫານ ແລະ ລົດຕຳຫຼວດທີ່ມີປ້າຍຕຳຫຼວດ ສ່ວນພະນັກງານລັດເມືອງໂພນທອງ ທີ່ທຽວເສັ້ນທາງດັ່ງກ່າວໄປເຮັດວຽກຢູ່ເມືອງປາກເຊ ກໍ່ມີນະໂຍບາຍເສຍລາຍເດືອນ ພະນັກງານທຽວໄປປະຈຳ ເຊັ່ນ: ຢູ່ຕໍ່ເຂດ ແລະ ພະນັກງານເມືອງໂພນທອງ ຈຳປາສັກ ແລະ ເມືອງປາກເຊ ກໍ່ມີນະໂຍບາຍເຊັ່ນດຽວກັນ.
ທີ່ມາ: vientianemai
No comments