ລາວ-ຫວຽດນາມ ຮັດແໜ້ນການຮ່ວມມືສອງຝ່າຍ
ໃນໂອກາດທີ່ທ່ານ ຈິງ ດິງ ຢຸ້ງ ຮອງນາຍົກລັດຖະມົນຕີ ສສ ຫວຽດນາມ ພ້ອມດ້ວຍຄະນະ ໄດ້ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ລະຫວ່າງວັນທີ 5-6 ຕຸລາ 2016 ຄະນະຜູ້ແທນດັ່ງກ່າວ ກໍ່ໄດ້ເຂົ້າຮ່ວມພິທີພົບປະສອງຝ່າຍກັບຄະນະຜູ້ແທນຂັ້ນສູງ ສປປ ລາວ ເຊິ່ງນຳໂດຍທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ໃນວັນທີ 5 ຕຸລາ ຢູ່ສຳນັກງານນາຍົກລັດຖະມົນຕີ.
ທ່ານ ສອນໄຊ ສີພັນດອນ ໄດ້ກ່າວວ່າ: 9 ເດືອນຜ່ານມາ ສປປ ລາວ ຍັງສືບຕໍ່ຮັກສາສະຖຽນລະພາບດ້ານການເມືອງຢ່າງໜັກແໜ້ນ ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍ ເສດຖະກິດມີການຂະຫຍາຍຕົວຢ່າງຕໍ່ເນື່ອງ ແລະ ໝັ້ນທ່ຽງໃນລະດັບ 6,9% ໃນສົກປີ 2015-2016 (ບໍ່ບັນລຸຕາມແຜນການ) ຍ້ອນຂະແໜງກະສິກຳ ບໍລິການ ພາສີ ແລະ ການນຳເຂົ້າຫຼຸດແຜນການ ລາຍຮັບສະເລ່ຍ 2.027 ໂດລາສະຫະລັດ ຫຼື ປະມານ 16,21 ລ້ານກີບຕໍ່ຄົນຕໍ່ປີ ການລົງທຶນພາຍໃນ ແລະ ຕ່າງປະເທດບັນລຸ 1.222 ໂຄງການ ມູນຄ່າ 3.134 ລ້ານໂດລາສະຫະລັດ ຫຼື ປະມານ 25.072 ຕື້ກີບ.
ສະເພາະການລົງທຶນຂອງຫວຽດນາມຢູ່ລາວ ໄດ້ຂະຫຍາຍຕົວຕໍ່ເນື່ອງ ໂດຍມີການອະນຸມັດລົງທຶນເຖິງ 3,7 ຕື້ໂດລາສະຫະລັດ ຈັດຢູ່ແຖວໜ້າຈາກ 53 ປະເທດທີ່ເຂົ້າມາລົງທຶນຢູ່ລາວ.
ເພື່ອສືບຕໍ່ຮັດແໜ້ນສາຍພົວພັນແບບພິເສດ ແລະ ການຮ່ວມມືຮອບດ້ານ ລະຫວ່າງສອງປະເທດ ລາວ-ຫວຽດນາມ ໃນຕໍ່ໜ້າ ພາຍຫຼັງການພົບປະສອງຝ່າຍແລ້ວ ກໍ່ໄດ້ມີການລົງນາມສັນຍາເອກະສານ 5 ສະບັບຄື: ບົດບັນທຶກຊ່ວຍຈຳລະຫວ່າງລັດຖະບານ ສປປ ລາວ ແລະ ລັດຖະບານ ສສ ຫວຽດນາມ ກ່ຽວກັບການຮ່ວມມືພັດທະນາໂຄງການໄຟຟ້ານ້ຳຕົກຢູ່ລາວ ແລະ ການ-ຊື້ຂາຍກະແສໄຟຟ້າ ລະຫວ່າງ 2 ປະເທດ ຮອດປີ 2030 ໂຄງການກໍ່ສ້າງສຳນັກຄະນະກຳມະການຮ່ວມມືລາວ-ຫວຽດນາມ ໂຄງການກໍ່ສ້າງສະຖາບັນເສດຖະກິດ-ການເງິນດົງຄ້ຳຊ້າງ ໄລຍະ 3 ໂຄງການສ້າງສູນພາສາຫວຽດນາມ ຢູ່ມະຫາວິທະຍາໄລສຸພານຸວົງ ແລະ ມະຫາວິທະຍາໄລຈຳປາສັກ ແລະ ໂຄງການສ້າງແຜນແມ່ບົດຊົນລະປະທານຢູ່ແຂວງຫົວພັນ ແລະ ແຂວງຊຽງຂວາງ ຕື່ມອີກ.
ທີ່ມາ: vientianemai
ທ່ານ ສອນໄຊ ສີພັນດອນ ໄດ້ກ່າວວ່າ: 9 ເດືອນຜ່ານມາ ສປປ ລາວ ຍັງສືບຕໍ່ຮັກສາສະຖຽນລະພາບດ້ານການເມືອງຢ່າງໜັກແໜ້ນ ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍ ເສດຖະກິດມີການຂະຫຍາຍຕົວຢ່າງຕໍ່ເນື່ອງ ແລະ ໝັ້ນທ່ຽງໃນລະດັບ 6,9% ໃນສົກປີ 2015-2016 (ບໍ່ບັນລຸຕາມແຜນການ) ຍ້ອນຂະແໜງກະສິກຳ ບໍລິການ ພາສີ ແລະ ການນຳເຂົ້າຫຼຸດແຜນການ ລາຍຮັບສະເລ່ຍ 2.027 ໂດລາສະຫະລັດ ຫຼື ປະມານ 16,21 ລ້ານກີບຕໍ່ຄົນຕໍ່ປີ ການລົງທຶນພາຍໃນ ແລະ ຕ່າງປະເທດບັນລຸ 1.222 ໂຄງການ ມູນຄ່າ 3.134 ລ້ານໂດລາສະຫະລັດ ຫຼື ປະມານ 25.072 ຕື້ກີບ.
ສະເພາະການລົງທຶນຂອງຫວຽດນາມຢູ່ລາວ ໄດ້ຂະຫຍາຍຕົວຕໍ່ເນື່ອງ ໂດຍມີການອະນຸມັດລົງທຶນເຖິງ 3,7 ຕື້ໂດລາສະຫະລັດ ຈັດຢູ່ແຖວໜ້າຈາກ 53 ປະເທດທີ່ເຂົ້າມາລົງທຶນຢູ່ລາວ.
ເພື່ອສືບຕໍ່ຮັດແໜ້ນສາຍພົວພັນແບບພິເສດ ແລະ ການຮ່ວມມືຮອບດ້ານ ລະຫວ່າງສອງປະເທດ ລາວ-ຫວຽດນາມ ໃນຕໍ່ໜ້າ ພາຍຫຼັງການພົບປະສອງຝ່າຍແລ້ວ ກໍ່ໄດ້ມີການລົງນາມສັນຍາເອກະສານ 5 ສະບັບຄື: ບົດບັນທຶກຊ່ວຍຈຳລະຫວ່າງລັດຖະບານ ສປປ ລາວ ແລະ ລັດຖະບານ ສສ ຫວຽດນາມ ກ່ຽວກັບການຮ່ວມມືພັດທະນາໂຄງການໄຟຟ້ານ້ຳຕົກຢູ່ລາວ ແລະ ການ-ຊື້ຂາຍກະແສໄຟຟ້າ ລະຫວ່າງ 2 ປະເທດ ຮອດປີ 2030 ໂຄງການກໍ່ສ້າງສຳນັກຄະນະກຳມະການຮ່ວມມືລາວ-ຫວຽດນາມ ໂຄງການກໍ່ສ້າງສະຖາບັນເສດຖະກິດ-ການເງິນດົງຄ້ຳຊ້າງ ໄລຍະ 3 ໂຄງການສ້າງສູນພາສາຫວຽດນາມ ຢູ່ມະຫາວິທະຍາໄລສຸພານຸວົງ ແລະ ມະຫາວິທະຍາໄລຈຳປາສັກ ແລະ ໂຄງການສ້າງແຜນແມ່ບົດຊົນລະປະທານຢູ່ແຂວງຫົວພັນ ແລະ ແຂວງຊຽງຂວາງ ຕື່ມອີກ.
ທີ່ມາ: vientianemai
No comments