ສື່ມວນຊົນລາວເຂົ້າໃຈແຈ້ງກ່ຽວກັບວຽກງານສະຖິຕິທາງການ
ຂປລ. ໃນວັນທີ 10 ຕຸລາ 2016 ສູນຖະຖິຕິແຫ່ງຊາດ, ກະຊວງແຜນການ ແລະ ການລົງທຶນ ໄດ້ຈັດພິທີຖະແຫລງຂ່າວ ເພື່ອໃຫ້ບັນດາສື່ມວນຊົນໄດ້ເຂົ້າໃຈ ແລະ ຮັບຊາບກ່ຽວກັບ ການຜະລິດສະຖິຕິທາງການ ຂອງສູນສະຖິຕິແຫ່ງຊາດ ໄປສູ່ຜູ້ນຳໃຊ້ສະຖິຕິທຸກພາກສ່ວນ ທັງພາກລັດ ແລະ ເອກະຊົນ ທັງພາຍໃນ ແລະ ຕ່າງປະເທດ ໃຫ້ຖືກຕ້ອງ ແລະ ຊັດເຈນ. ໂດຍການຖະແຫລງຂອງທ່ານ ສະໃໝຈັນ ບຸບຜາ ຫົວໜ້າສູນສະຖິຕິແຫ່ງຊາດ, ມີບັນດາສື່ມວນຊົນ ແລະ ພາກສ່ວນກ່ຽວຂ້ອງເຂົ້າຮ່ວມ.
ທ່ານ ສະໃໝຈັນ ບຸບຜາ ໄດ້ສະເໜີ 3 ບັນຫາ ໃນການຖະແຫລງຂ່າວຄັ້ງນີ້ ເຊັ່ນ: ຜົນຜະລິດຂອງສູນສະຖິຕິແຫ່ງຊາດ ທີ່ມີຢູ່ໃນປັດຈຸບັນ ເຊິ່ງຈະເນັ້ນໃສ່ການຜະລິດສະຖິຕິປະຈຳປີ ແລະ ບັນດາການສຳຫລວດຕ່າງໆ, ໄລຍະເວລາຂອງການລາຍງານສະຖິຕິ ແລະ ທິດທາງແຜນການກ່ຽວກັບການປັບປຸງຜົນຜະລິດສະຖິຕິໃນຕໍ່ໜ້າ. ພ້ອມດຽວກັນນີ້ ທ່ານ ສະໃໝຈັນ ບຸບຜາ ຍັງໄດ້ໃຫ້ຮູ້ວ່າ: ວຽກງານສະຖິຕິແມ່ນມີຄວາມສຳຄັນ ຕໍ່ການກຳນົດນະໂຍບາຍ, ການວາງແຜນພັດທະນາເສດຖະກິດ-ສັງຄົມ ໃນແຕ່ລະໄລຍະຂອງພັກ ແລະ ລັດຖະບານ. ສະຖິຕິເປັນຕົວວັດແທກອ້າງອີງກ່ຽວກັບຜົນສຳເລັດ, ຂໍ້ຄົງຄ້າງ, ການປະເມີນຄວາມຄືບໜ້າ, ທັງເປັນພື້ນຖານຂອງການຄິດໄລ່ ການເບິ່ງອະນາຄົດຂອງການພັດທະນາປະເທດຊາດ. ນອກຈາກນີ້, ສະຖິຕິຍັງເປັນບ່ອນອີງໃຫ້ແກ່ການຕິດຕາມ, ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ການປະເມີນເປົ້າໝາຍສະຫະສະຫວັດດ້ານການພັດທະນາ, ຕິດຕາມເປົ້າໝາຍການພັດທະນາແບບຍືນຍົງ ແລະ ການສ້າງຍຸດທະສາດ ຮອດປີ 2025 ແລະ ວິໃສທັດ ຮອດປີ 2030.
ສະນັ້ນ, ເພື່ອເຮັດໃຫ້ລະບົບສະຖິຕິແຫ່ງຊາດ ໄດ້ຮັບການປັບປຸງ ແລະ ມີຄວາມເຂັ້ມແຂງ, ສາມາດຕອບສະ ໜອງຂໍ້ມູນສະຖິຕິທາງການ ໃຫ້ໄດ້ຕາມຄວາມຕ້ອງການພື້ນຖານ ຜູ້ບໍລິຫານຂອງສູນສະຖິຕິແຕ່ລະຂັ້ນ ຕ້ອງໄດ້ເອົາໃຈໃສ່ໃນການເກັບກຳ, ສັງລວມ, ການຜະລິດຂໍ້ມູນສະຖິຕິ, ການລາຍງານຂໍ້ມູນສະຖິຕິທາງການ, ການເຜີຍແຜ່ຂໍ້ມູນສະ ຖິຕິທາງການ ແລະ ການປະສານງານ ຮ່ວມມືກັບພາກສ່ວນຕ່າງໆ ທັງພາຍໃນ ແລະ ພາຍນອກ ຢ່າງກ້ວາງຂວາງ.
ທີ່ມາ: KPL
ທ່ານ ສະໃໝຈັນ ບຸບຜາ ໄດ້ສະເໜີ 3 ບັນຫາ ໃນການຖະແຫລງຂ່າວຄັ້ງນີ້ ເຊັ່ນ: ຜົນຜະລິດຂອງສູນສະຖິຕິແຫ່ງຊາດ ທີ່ມີຢູ່ໃນປັດຈຸບັນ ເຊິ່ງຈະເນັ້ນໃສ່ການຜະລິດສະຖິຕິປະຈຳປີ ແລະ ບັນດາການສຳຫລວດຕ່າງໆ, ໄລຍະເວລາຂອງການລາຍງານສະຖິຕິ ແລະ ທິດທາງແຜນການກ່ຽວກັບການປັບປຸງຜົນຜະລິດສະຖິຕິໃນຕໍ່ໜ້າ. ພ້ອມດຽວກັນນີ້ ທ່ານ ສະໃໝຈັນ ບຸບຜາ ຍັງໄດ້ໃຫ້ຮູ້ວ່າ: ວຽກງານສະຖິຕິແມ່ນມີຄວາມສຳຄັນ ຕໍ່ການກຳນົດນະໂຍບາຍ, ການວາງແຜນພັດທະນາເສດຖະກິດ-ສັງຄົມ ໃນແຕ່ລະໄລຍະຂອງພັກ ແລະ ລັດຖະບານ. ສະຖິຕິເປັນຕົວວັດແທກອ້າງອີງກ່ຽວກັບຜົນສຳເລັດ, ຂໍ້ຄົງຄ້າງ, ການປະເມີນຄວາມຄືບໜ້າ, ທັງເປັນພື້ນຖານຂອງການຄິດໄລ່ ການເບິ່ງອະນາຄົດຂອງການພັດທະນາປະເທດຊາດ. ນອກຈາກນີ້, ສະຖິຕິຍັງເປັນບ່ອນອີງໃຫ້ແກ່ການຕິດຕາມ, ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ການປະເມີນເປົ້າໝາຍສະຫະສະຫວັດດ້ານການພັດທະນາ, ຕິດຕາມເປົ້າໝາຍການພັດທະນາແບບຍືນຍົງ ແລະ ການສ້າງຍຸດທະສາດ ຮອດປີ 2025 ແລະ ວິໃສທັດ ຮອດປີ 2030.
ສະນັ້ນ, ເພື່ອເຮັດໃຫ້ລະບົບສະຖິຕິແຫ່ງຊາດ ໄດ້ຮັບການປັບປຸງ ແລະ ມີຄວາມເຂັ້ມແຂງ, ສາມາດຕອບສະ ໜອງຂໍ້ມູນສະຖິຕິທາງການ ໃຫ້ໄດ້ຕາມຄວາມຕ້ອງການພື້ນຖານ ຜູ້ບໍລິຫານຂອງສູນສະຖິຕິແຕ່ລະຂັ້ນ ຕ້ອງໄດ້ເອົາໃຈໃສ່ໃນການເກັບກຳ, ສັງລວມ, ການຜະລິດຂໍ້ມູນສະຖິຕິ, ການລາຍງານຂໍ້ມູນສະຖິຕິທາງການ, ການເຜີຍແຜ່ຂໍ້ມູນສະ ຖິຕິທາງການ ແລະ ການປະສານງານ ຮ່ວມມືກັບພາກສ່ວນຕ່າງໆ ທັງພາຍໃນ ແລະ ພາຍນອກ ຢ່າງກ້ວາງຂວາງ.
ທີ່ມາ: KPL
No comments