ສະຫລອງວັນ ນັກທຸລະກິດຫວຽດນາມ ຍ້ອງຍໍ ບໍລິສັດ-ບຸກຄົນດີເດັ່ນ
ໃນຕອນຄ່ຳ ວັນທີ 13 ຕຸລານີ້ ຢູ່ນະຄອນຫລວງວຽງຈັນ, ສະມາຄົມ ນັກທຸລະກິດຫວຽດນາມ ຢູ່ ສປປ ລາວ ໄດ້ຈັດພິທີ ສະເຫລີມສະຫລອງ ວັນນັກທຸລະກິດ ຫວຽດນາມ ຄົບຮອບ 12 ປີ 13/10/2004-13/10/2016, ໂດຍມີ ທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ພ້ອມດ້ວຍແຂກຖືກເຊີນ ເຂົ້າຮ່ວມຢ່າງຫລວງຫລາຍ. ເຊິ່ງໃນໂອກາດດັ່ງກ່າວ, ໄດ້ມີການມອບ ໃບຍ້ອງຍໍ ໃຫ້ວິສາຫະກິດ ແລະ ບໍລິສັດດີເດັ່ນ 15 ພາກສ່ວນ, ພ້ອມດ້ວຍ 16 ນັກທຸລະກິດສ່ວນບຸກຄົນດີເດັ່ນ ປະສົບຜົນສຳເລັດ ແລະ ປະກອບສ່ວນເຂົ້າໃນ ການສ້າງສາພັດທະນາ ປະເທດຊາດ.
ທ່ານ ສົມຫວັງ ວົງວິໄລ ປະທານສະມາຄົມ ນັກທຸລະກິດ ຫວຽດນາມ ກ່າວວ່າ: ນັບແຕ່ປີ 2010 ຫລື ໄລຍະ 6 ປີ ຜ່ານມາ ການດຳເນີນທຸລະກິດ ຂອງຫວຽດນາມຢູ່ລາວ ໄດ້ເລີ່ມເຕີບໃຫຍ່ ຂະຫຍາຍຕົວ ຢ່າງບໍ່ຢຸດຢັ້ງ ແລະ ມີສະມາຊິກ 300 ກວ່າຄົນ, ເຊິ່ງມີການລົງທຶນ ຂອງຫວຽດນາມ ຢູ່ລາວ ປະມານ 5 ຕື້ໂດລາສະຫະລັດ, ປັດຈຸບັນ ຫວຽດນາມ ໄດ້ເປັນອັບດັບ 3 ຂອງການລົງທຶນຕ່າງປະເທດຢູ່ລາວ. ຕະຫລອດໄລຍະ ການລົງທຶນຢູ່ລາວ ບັນດາຫົວໜ່ວຍທຸລະກິດ ຂອງຫວຽດນາມ ໄດ້ປະຕິບດຕາມລະບຽບ ກົດໝາຍຂອງລາວ ພ້ອມປະຕິບັດ ພັນທະອາກອນ ໃຫ້ງົບປະມານຂອງລັດ ຢ່າງຄົບຖ້ວນ ແລະ ສ້າງວຽກເຮັດງານທຳ ໃຫ້ແກ່ຄົນລາວ ຈຳນວນຫລວງຫລາຍ. ສຳລັບຫົວໜ່ວຍທຸລະກິດ ທີ່ໄດ້ປະກອບສ່ວນພັນທະ ທີ່ພົ້ນເດັ່ນປະກອບມີ ບໍລິສັດ ຢູນິເທລ, ທະນາຄານ ອຸດສາຫະກຳ ການຄ້າຫວຽດນາມ, ທະນາຄານຮ່ວມທຸລະກິດ ລາວ-ຫວຽດ, ຊາຄອມແບັງ, ທະນາຄານການຄ້າ ຫຸ້ນສ່ວນກອງທັບ, ບໍລິສັດ ເປໂຕຣເມັກ, ຮວາງແອງ ອັດຕະປື ແລະ ອື່ນໆ.
ທ່ານນາງ ເຂັມມະນີ ພົນເສນາ ລັດຖະມົນຕີ ກະຊວງອຸດສາຫະກຳ ແລະ ການຄ້າ ໄດ້ສະແດງຄວາມຊົມເຊີຍ ຕໍ່ບັນດານັກທຸລະກິດ ຫວຽດນາມ ທັງໝົດທີ່ເຂົ້າມາ ລົງທຶນຢູ່ລາວ, ປັດຈຸບັນ ເຫັນວ່າມີຫລາຍກວ່າ 300 ບໍລິສັດ ອັນໄດ້ປະກອບສ່ວນສຳຄັນ ເຂົ້າໃນການພັດທະນາ ເສດຖະກິດ-ສັງຄົມ ຂອງລາວເປັນຢ່າງດີ. ຜ່ານມາ ພາກລັດໄດ້ ສະໜັບສະໜູນ ແລະ ເອືື້ອອຳນວຍ ໃຫ້ທຸກພາກສ່ວນ ຫົວໜ່ວຍທຸລະກິດ ກໍຄື ຫວຽດນາມອ້າຍນ້ອງ ເຂົ້າມາລົງທຶນຢູ່ລາວ ອັນໄດ້ໃຫ້ລາວ ສາມາດເຊື່ອມໂຍງກັບ ພາກພື້ນ ແລະ ສາກົນ. ພ້ອມນັ້ນ, ທ່ານນາງ ເຂັມມະນີ ພົນເສນາ ໄດ້ເນັ້ນໃຫ້ສະມາຄົມ ນັກທຸລະກິດຫວຽດນາມ ມີການຮ່ວມມືປະສານສົມທົບ ກັບສະພາການຄ້າ ເພື່ອສ້າງເງື່ອນໄຂ ອຳນວຍຄວາມສະດວກໃຫ້ພາກທຸລະກິດ ສອງປະເທດ. ສິ່ງສຳຄັນ ນັກທຸລະກິດຫວຽດນາມ ຕ້ອງເປັນແບບຢ່າງທີ່ດີ ແກ່ນັກທຸລະກິດລາວ ແລະ ພ້ອມກັນກ້າວໄປ ດ້ວຍຜົນສຳເລັດ.
ທີ່ມາ: KPL
ທ່ານ ສົມຫວັງ ວົງວິໄລ ປະທານສະມາຄົມ ນັກທຸລະກິດ ຫວຽດນາມ ກ່າວວ່າ: ນັບແຕ່ປີ 2010 ຫລື ໄລຍະ 6 ປີ ຜ່ານມາ ການດຳເນີນທຸລະກິດ ຂອງຫວຽດນາມຢູ່ລາວ ໄດ້ເລີ່ມເຕີບໃຫຍ່ ຂະຫຍາຍຕົວ ຢ່າງບໍ່ຢຸດຢັ້ງ ແລະ ມີສະມາຊິກ 300 ກວ່າຄົນ, ເຊິ່ງມີການລົງທຶນ ຂອງຫວຽດນາມ ຢູ່ລາວ ປະມານ 5 ຕື້ໂດລາສະຫະລັດ, ປັດຈຸບັນ ຫວຽດນາມ ໄດ້ເປັນອັບດັບ 3 ຂອງການລົງທຶນຕ່າງປະເທດຢູ່ລາວ. ຕະຫລອດໄລຍະ ການລົງທຶນຢູ່ລາວ ບັນດາຫົວໜ່ວຍທຸລະກິດ ຂອງຫວຽດນາມ ໄດ້ປະຕິບດຕາມລະບຽບ ກົດໝາຍຂອງລາວ ພ້ອມປະຕິບັດ ພັນທະອາກອນ ໃຫ້ງົບປະມານຂອງລັດ ຢ່າງຄົບຖ້ວນ ແລະ ສ້າງວຽກເຮັດງານທຳ ໃຫ້ແກ່ຄົນລາວ ຈຳນວນຫລວງຫລາຍ. ສຳລັບຫົວໜ່ວຍທຸລະກິດ ທີ່ໄດ້ປະກອບສ່ວນພັນທະ ທີ່ພົ້ນເດັ່ນປະກອບມີ ບໍລິສັດ ຢູນິເທລ, ທະນາຄານ ອຸດສາຫະກຳ ການຄ້າຫວຽດນາມ, ທະນາຄານຮ່ວມທຸລະກິດ ລາວ-ຫວຽດ, ຊາຄອມແບັງ, ທະນາຄານການຄ້າ ຫຸ້ນສ່ວນກອງທັບ, ບໍລິສັດ ເປໂຕຣເມັກ, ຮວາງແອງ ອັດຕະປື ແລະ ອື່ນໆ.
ທ່ານນາງ ເຂັມມະນີ ພົນເສນາ ລັດຖະມົນຕີ ກະຊວງອຸດສາຫະກຳ ແລະ ການຄ້າ ໄດ້ສະແດງຄວາມຊົມເຊີຍ ຕໍ່ບັນດານັກທຸລະກິດ ຫວຽດນາມ ທັງໝົດທີ່ເຂົ້າມາ ລົງທຶນຢູ່ລາວ, ປັດຈຸບັນ ເຫັນວ່າມີຫລາຍກວ່າ 300 ບໍລິສັດ ອັນໄດ້ປະກອບສ່ວນສຳຄັນ ເຂົ້າໃນການພັດທະນາ ເສດຖະກິດ-ສັງຄົມ ຂອງລາວເປັນຢ່າງດີ. ຜ່ານມາ ພາກລັດໄດ້ ສະໜັບສະໜູນ ແລະ ເອືື້ອອຳນວຍ ໃຫ້ທຸກພາກສ່ວນ ຫົວໜ່ວຍທຸລະກິດ ກໍຄື ຫວຽດນາມອ້າຍນ້ອງ ເຂົ້າມາລົງທຶນຢູ່ລາວ ອັນໄດ້ໃຫ້ລາວ ສາມາດເຊື່ອມໂຍງກັບ ພາກພື້ນ ແລະ ສາກົນ. ພ້ອມນັ້ນ, ທ່ານນາງ ເຂັມມະນີ ພົນເສນາ ໄດ້ເນັ້ນໃຫ້ສະມາຄົມ ນັກທຸລະກິດຫວຽດນາມ ມີການຮ່ວມມືປະສານສົມທົບ ກັບສະພາການຄ້າ ເພື່ອສ້າງເງື່ອນໄຂ ອຳນວຍຄວາມສະດວກໃຫ້ພາກທຸລະກິດ ສອງປະເທດ. ສິ່ງສຳຄັນ ນັກທຸລະກິດຫວຽດນາມ ຕ້ອງເປັນແບບຢ່າງທີ່ດີ ແກ່ນັກທຸລະກິດລາວ ແລະ ພ້ອມກັນກ້າວໄປ ດ້ວຍຜົນສຳເລັດ.
ທີ່ມາ: KPL
No comments