ຄະນະກຳມາທິການວັດທະນະທຳ-ສັງຄົມຄົ້ນຄວ້າ ວຽກງານສຳຄັນ ປະຈໍາປີ 2016
ຂປລ. ກອງປະຊຸມຄົບຄະນະກຳມາທິການວັດທະນະທຳ-ສັງຄົມ(ກວທສ)ໄດ້ດຳເນີນ ໃນລະຫວ່າງວັນທີ 13-14 ຕຸລາ 2016 ທີ່ສະພາແຫ່ງຊາດ ໂດຍການເປັນປະທານຂອງທ່ານ ສົມພູ ດວງສະຫວັນ ປະທານກຳມາທິການວັດທະນະທຳ-ສັງຄົມ, ໃຫ້ກຽດເຂົ້າຮ່ວມຂອງທ່ານ ບຸນປອນ ບຸດຕະນະວົງກຳ ຮອງປະທານສະພາແຫ່ງຊາດ ທັງເປັນຜູ້ຊີ້ນຳຂົງເຂດວັດທະນະທຳ-ສັງຄົມ ພ້ອມດ້ວຍບັນດາສະມາຊິກສະພາແຫ່ງຊາດ ທີ່ເປັນກຳມະການສັງກັດກຳມາທິການ, ປະທານ-ຮອງປະທານກຳມາທິການ, ທ່ານຮອງລັດຖະ ມົນຕີ, ຫົວໜ້າ-ຮອງຫົວໜ້າກົມ, ຫົວໜ້າ-ຮອງຫົວໜ້າພະແນກ ຕະຫລອດຮອດພະນັກງານວິຊາການ ທີ່ກ່ຽວຂ້ອງເຂົ້າຮ່ວມ.
ກອງປະຊຸມຄັ້ງນີ້, ເພື່ອເຜີຍແຜ່ກ່ຽວກັບພາລະບົດບາດ, ສິດ ແລະ ໜ້າທີ່, ລະບອບແບບແຜນວິທີເຮັດວຽກ ແລະ ລະບອບການປະສານງານຂອງ ກວທສ ສະພາແຫ່ງຊາດ ຊຸດທີ VIII; ຄົ້ນຄວ້າປະກອບຄຳຄິດຄຳເຫັນ ຕໍ່ຮ່າງຍຸດທະສາດຮອດປີ 2025, ແຜນພັດທະນາ 5 ປີ (2016-2020), ແຜນການປະຈໍາປີ 2017 ແລະ ການເຄື່ອນໄຫວຂອງ ກວທສ ແຕ່ກອງປະຊຸມຄັ້ງປະຖົມມະລຶກຂອງສະພາແຫ່ງຊາດ ຊຸດທີ VIII ເຖິງປັດຈຸບັນ ນັບທັງແຜນການເຄື່ອນໄຫວ 2 ເດືອນທ້າຍປີ 2016. ພ້ອມນັ້ນ, ກອງປະຊຸມໄດ້ຮັບຟັງການລາຍງານແຜນພັດທະນາ 5 ປີ ແລະ ວຽກງານຈຸດສຸມຂອງຂະແໜງການ ເຊິ່ງຕິດພັນກັບຄາດໝາຍສູ້ຊົນ ໃນແຜນພັດທະນາເສດຖະກິດ-ສັງຄົມແຫ່ງຊາດ ຄັ້ງທີ VIII; ຄວາມພ້ອມຂອງຮ່າງກົດ ໝາຍວ່າດ້ວຍສື່ມວນຊົນ ທີ່ຈະນຳເຂົ້າຜ່ານກອງປະຊຸມສະໄໝສາມັນເທື່ອທີ 1 ຂອງສະພາແຫ່ງຊາດ ຊຸດທີ VIII; ປຶກສາຫາລືກ່ຽວກັບຂອດການປະສານສົມທົບ ລະຫວ່າງ ກວທສ ກັບຂະແໜງການທີ່ກ່ຽວຂ້ອງນັບທັງສູນກາງ ແລະ ທ້ອງຖິ່ນ.
ທ່ານ ບຸນປອນ ບຸດຕະນະວົງ ໄດ້ມີຄຳເຫັນໂອ້ລົມ ແລະ ເນັ້ນໜັກໃສ່ບາງບັນຫາທີ່ສຳຄັນ ເພື່ອພ້ອມກັນສຸມໃສ່ແກ້ໄຂໃນຕໍ່ໜ້າ ໂດຍສະເພາະການເປັນເສນາທິການ ໃຫ້ແກ່ຄະນະປະຈຳສະພາແຫ່ງຊາດ ຕ້ອງຮັບປະກັນຄວາມຖືກຕ້ອງ, ຈະແຈ້ງທາງດ້ານຂໍ້ມູນຫລັກຖານ ແລະ ຮັບປະກັນຄຸນນະພາບດ້ານເນື້ອໃນ ໂດຍສອດຄ່ອງກັບລະບຽບກົດໝາຍ ແລະ ຄວາມເປັນຈິງ; ເພີ່ມທະວີເອົາໃຈໃສ່ສ້າງ ແລະ ປັບປຸງກົດໝາຍໃຫ້ສຳເລັດຕາມແຜນການ ທັງຮັບປະກັນດ້ານເນື້ອໃນໃຫ້ຄົບຖ້ວນ, ຈະແຈ້ງ, ຮັດກຸມ ແລະ ສອດຄ່ອງກັບສະພາບຄວາມເປັນຈິງ ທັງສາມາດເຊື່ອມໂຍງກັບພາກພື້ນ. ການຕົກລົງບັນຫາສຳຄັນຂອງຊາດຕ້ອງອີງໃສ່ແນວທາງນະໂຍບາຍຂອງພັກ ແລະ ກົດໝາຍຂອງລັດເປັນຕົ້ນຕໍ, ສອດຄ່ອງກັບລະບຽບຫລັກການຂອງພາກພື້ນ ແລະ ສາກົນ; ເພີ່ມທະວີເອົາໃຈໃສ່ປະຕິບັດພາລະບົດບາດ ດ້ານການຕິດຕາມກວດກາໂດຍມີຈຸດສຸມ ແລະ ເປັນລະບົບ ເພື່ອຊຸກຍູ້ການຈັດຕັ້ງປະຕິບັດກົດໝາຍ, ນິຕິກຳລຸ່ມກົດໝາຍ, ແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ ມີຜົນສຳເລັດ.
ທີ່ມາ: KPL
ກອງປະຊຸມຄັ້ງນີ້, ເພື່ອເຜີຍແຜ່ກ່ຽວກັບພາລະບົດບາດ, ສິດ ແລະ ໜ້າທີ່, ລະບອບແບບແຜນວິທີເຮັດວຽກ ແລະ ລະບອບການປະສານງານຂອງ ກວທສ ສະພາແຫ່ງຊາດ ຊຸດທີ VIII; ຄົ້ນຄວ້າປະກອບຄຳຄິດຄຳເຫັນ ຕໍ່ຮ່າງຍຸດທະສາດຮອດປີ 2025, ແຜນພັດທະນາ 5 ປີ (2016-2020), ແຜນການປະຈໍາປີ 2017 ແລະ ການເຄື່ອນໄຫວຂອງ ກວທສ ແຕ່ກອງປະຊຸມຄັ້ງປະຖົມມະລຶກຂອງສະພາແຫ່ງຊາດ ຊຸດທີ VIII ເຖິງປັດຈຸບັນ ນັບທັງແຜນການເຄື່ອນໄຫວ 2 ເດືອນທ້າຍປີ 2016. ພ້ອມນັ້ນ, ກອງປະຊຸມໄດ້ຮັບຟັງການລາຍງານແຜນພັດທະນາ 5 ປີ ແລະ ວຽກງານຈຸດສຸມຂອງຂະແໜງການ ເຊິ່ງຕິດພັນກັບຄາດໝາຍສູ້ຊົນ ໃນແຜນພັດທະນາເສດຖະກິດ-ສັງຄົມແຫ່ງຊາດ ຄັ້ງທີ VIII; ຄວາມພ້ອມຂອງຮ່າງກົດ ໝາຍວ່າດ້ວຍສື່ມວນຊົນ ທີ່ຈະນຳເຂົ້າຜ່ານກອງປະຊຸມສະໄໝສາມັນເທື່ອທີ 1 ຂອງສະພາແຫ່ງຊາດ ຊຸດທີ VIII; ປຶກສາຫາລືກ່ຽວກັບຂອດການປະສານສົມທົບ ລະຫວ່າງ ກວທສ ກັບຂະແໜງການທີ່ກ່ຽວຂ້ອງນັບທັງສູນກາງ ແລະ ທ້ອງຖິ່ນ.
ທ່ານ ບຸນປອນ ບຸດຕະນະວົງ ໄດ້ມີຄຳເຫັນໂອ້ລົມ ແລະ ເນັ້ນໜັກໃສ່ບາງບັນຫາທີ່ສຳຄັນ ເພື່ອພ້ອມກັນສຸມໃສ່ແກ້ໄຂໃນຕໍ່ໜ້າ ໂດຍສະເພາະການເປັນເສນາທິການ ໃຫ້ແກ່ຄະນະປະຈຳສະພາແຫ່ງຊາດ ຕ້ອງຮັບປະກັນຄວາມຖືກຕ້ອງ, ຈະແຈ້ງທາງດ້ານຂໍ້ມູນຫລັກຖານ ແລະ ຮັບປະກັນຄຸນນະພາບດ້ານເນື້ອໃນ ໂດຍສອດຄ່ອງກັບລະບຽບກົດໝາຍ ແລະ ຄວາມເປັນຈິງ; ເພີ່ມທະວີເອົາໃຈໃສ່ສ້າງ ແລະ ປັບປຸງກົດໝາຍໃຫ້ສຳເລັດຕາມແຜນການ ທັງຮັບປະກັນດ້ານເນື້ອໃນໃຫ້ຄົບຖ້ວນ, ຈະແຈ້ງ, ຮັດກຸມ ແລະ ສອດຄ່ອງກັບສະພາບຄວາມເປັນຈິງ ທັງສາມາດເຊື່ອມໂຍງກັບພາກພື້ນ. ການຕົກລົງບັນຫາສຳຄັນຂອງຊາດຕ້ອງອີງໃສ່ແນວທາງນະໂຍບາຍຂອງພັກ ແລະ ກົດໝາຍຂອງລັດເປັນຕົ້ນຕໍ, ສອດຄ່ອງກັບລະບຽບຫລັກການຂອງພາກພື້ນ ແລະ ສາກົນ; ເພີ່ມທະວີເອົາໃຈໃສ່ປະຕິບັດພາລະບົດບາດ ດ້ານການຕິດຕາມກວດກາໂດຍມີຈຸດສຸມ ແລະ ເປັນລະບົບ ເພື່ອຊຸກຍູ້ການຈັດຕັ້ງປະຕິບັດກົດໝາຍ, ນິຕິກຳລຸ່ມກົດໝາຍ, ແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ ມີຜົນສຳເລັດ.
ທີ່ມາ: KPL
No comments