ການກວດກາລັດ-ຕ້ານການສໍ້ລາດບັງຫຼວງພົບ 700 ກວ່າເປົ້າໝາຍ
ຜ່ານການຈັດຕັ້ງປະຕິບັດຢ່າງກົງໄປກົງມາ ແລະ ເຂັ້ມງວດຂອງຄະນະກວດກາສູນກາງພັກ ອັນເຮັດໃຫ້ 5 ປີຜ່ານມາ ສາມາດກວດພົບ 734 ເປົ້າໝາຍ ທີ່ໄດ້ສ້າງຜົນເສຍຫາຍແກ່ພັກ-ລັດ ກໍ່ຄືຂັດຂວາງການພັດທະນາເສດຖະກິດ-ສັງຄົມ ຕາມແນວທາງນະໂຍບາຍປ່ຽນແປງໃໝ່ ເຊິ່ງປັດຈຸບັນ ພັກ ແລະ ລັດຖະບານເອງ ໄດ້ສຸມໃສ່ຢ່າງຕັ້ງໜ້າ ເພື່ອແກ້ໄຂບັນຫາອາດຍາສິດ-ຕ້ານການສໍ້ລາດບັງຫຼວງຢ່າງຈິງຈັງ ແລະ ເປັນລະບົບຄົບຊຸດ ແນໃສ່ສ້າງຄວາມເຂັ້ມແຂງພາຍໃນພັກ ໂດຍສະເພາະແມ່ນ ການຊຸກຍູ້ໃຫ້ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງລັດຖະບານ ປະສົບຜົນສຳເລັດຕາມແຜນການວາງໄວ້.
ກອງປະຊຸມໃຫຍ່ ຄັ້ງທີ III ຂອງອົງຄະນະພັກ ຄະນະກວດກາສູນກາງພັກ ຈັດຂຶ້ນວັນທີ 28 ກັນຍາ 2016 ຢູ່ທີ່ຄະນະກວດກາສູນກາງພັກ ໂດຍການເປັນປະທານຂອງສະຫາຍ ບຸນທອງ ຈິດມະນີ ກຳມະການກົມການເມືອງສູນກາງພັກ ເລຂາທິການສູນກາງພັກ ຮອງນາຍົກລັດຖະມົນຕີ ປະທານຄະນະກວດກາສູນກາງພັກ ໃຫ້ກຽດເຂົ້າຮ່ວມກອງປະຊຸມຂອງສະຫາຍ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະຊາຊົນປະຕິວັດລາວ ພ້ອມດ້ວຍບັນດາສະຫາຍຜູ້ຕາງໜ້າຈາກກະຊວງ ອົງການກ່ຽວຂ້ອງ ແຂກຖືກເຊີນ ແລະ ສະມາຊິກພັກອ້ອມຂ້າງຄະນະກວດກາສູນກາງພັກ.
ບາງຕອນບົດລາຍງານໃຫ້ຮູ້ວ່າ: ຜ່ານການປະຕິບັດງານຕົວຈິງ 5 ປີຜ່ານມາ ຄະນະກວດກາສູນກາງພັກ ສາມາດຕິດຕາມກວດກາພັກ ໄດ້ພົບເຫັນສະມາຊິກພັກທີ່ມີການລະເມີດກົດໝາຍຂອງພັກ ກົດໝາຍລັດ ແລະ ຖືກປະຕິບັດລະບຽບວິໄນລະດັບຕ່າງໆຄື: ຄະນະພັກແຂວງ ຖືກກ່າວເຕືອນ 1 ແຂວງ ຕິເຕືອນຄະນະພັກເມືອງ 7 ເມືອງ ຕິເຕືອນ 3 ໜ່ວຍພັກ ກ່າວເຕືອນ 3 ໜ່ວຍພັກ ຍຸບການຈັດຕັ້ງ 3 ໜ່ວຍພັກ ສະມາຊິກພັກຖືກລົງໂທດວິໄນ 1.806 ສະຫາຍ/ຍິງ 173 ສະຫາຍ ໃນນີ້ ໃຫ້ອອກຈາກການເປັນສະມາຊິກພັກ 1.007 ສະຫາຍ ການກວດກາລັດ ແລະ ຕ້ານການສໍ້ລາດບັງຫຼວງ ກວດພົບ 734 ເປົ້າໝາຍ ສ້າງຄວາມເສຍຫາຍ 4.145,86 ຕື້ກີບ 70,77 ລ້ານໂດລາສະຫະລັດ 381,68 ລ້ານບາດ ແລະ 539.518 ຢວນ ໃນນີ້ ສາມາດເກັບກູ້ຄືນໄດ້ 790,43 ຕື້ກີບ 10,91 ລ້ານໂດລາ 36,19 ລ້ານບາດ ແລະ 539.518 ຢວນ ກວດພົບເຫັນການລັກລອບຂຸດຄົ້ນຊື້-ຂາຍໄມ້ຜິດກົດໝາຍ 303.193.297 ແມັດກ້ອນ ໄດ້ຮັບຄຳຮ້ອງ ແລະ ຄຳສະເໜີໃນທົ່ວປະເທດ 3.640 ສະບັບ ຄົ້ນຄວ້າແກ້ໄຂໄດ້ 2.719 ສະບັບ ໂດຍຂໍ້ສະເໜີທີ່ພົ້ນເດັ່ນ ແມ່ນບັນຫາພົວພັນຂໍ້ຂັດແຍ່ງດ້ານທີ່ດິນ ເຮືອນ ການດຳເນີນທຸລະກິດ ແລະ ຄວາມບໍ່ພໍໃຈຕໍ່ກັບການຕັດສິນຂອງສານ ເປັນຕົ້ນ ຄຽງຄູ່ກັນນັ້ນ ຄະນະກວດກາສູນກາງພັກ ຍັງໄດ້ເອົາໃຈໃສ່ຈັດຕັ້ງປະຕິບັດວຽກງານກໍ່ສ້າງພັກ ການປັບປຸງກົງຈັກການຈັດຕັ້ງ-ກໍ່ສ້າງ ພະນັກງານວຽກງານກວດກາ-ປ້ອງກັນພາຍໃນ ວຽກງານອົງການຈັດຕັ້ງມະຫາຊົນ ວຽກງານຫ້ອງການ ແລະ ວຽກງານພົວພັນຕ່າງປະເທດຕື່ມອີກ.
ໂອກາດນີ້ ກອງປະຊຸມຍັງໄດ້ມີການປ່ອນບັດຄັດເລືອກເອົາຄະນະບໍລິຫານພັກຊຸດໃໝ່ ຈຳນວນ 15 ສະຫາຍ.
ທີ່ມາ: vientianemai
ກອງປະຊຸມໃຫຍ່ ຄັ້ງທີ III ຂອງອົງຄະນະພັກ ຄະນະກວດກາສູນກາງພັກ ຈັດຂຶ້ນວັນທີ 28 ກັນຍາ 2016 ຢູ່ທີ່ຄະນະກວດກາສູນກາງພັກ ໂດຍການເປັນປະທານຂອງສະຫາຍ ບຸນທອງ ຈິດມະນີ ກຳມະການກົມການເມືອງສູນກາງພັກ ເລຂາທິການສູນກາງພັກ ຮອງນາຍົກລັດຖະມົນຕີ ປະທານຄະນະກວດກາສູນກາງພັກ ໃຫ້ກຽດເຂົ້າຮ່ວມກອງປະຊຸມຂອງສະຫາຍ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະຊາຊົນປະຕິວັດລາວ ພ້ອມດ້ວຍບັນດາສະຫາຍຜູ້ຕາງໜ້າຈາກກະຊວງ ອົງການກ່ຽວຂ້ອງ ແຂກຖືກເຊີນ ແລະ ສະມາຊິກພັກອ້ອມຂ້າງຄະນະກວດກາສູນກາງພັກ.
ບາງຕອນບົດລາຍງານໃຫ້ຮູ້ວ່າ: ຜ່ານການປະຕິບັດງານຕົວຈິງ 5 ປີຜ່ານມາ ຄະນະກວດກາສູນກາງພັກ ສາມາດຕິດຕາມກວດກາພັກ ໄດ້ພົບເຫັນສະມາຊິກພັກທີ່ມີການລະເມີດກົດໝາຍຂອງພັກ ກົດໝາຍລັດ ແລະ ຖືກປະຕິບັດລະບຽບວິໄນລະດັບຕ່າງໆຄື: ຄະນະພັກແຂວງ ຖືກກ່າວເຕືອນ 1 ແຂວງ ຕິເຕືອນຄະນະພັກເມືອງ 7 ເມືອງ ຕິເຕືອນ 3 ໜ່ວຍພັກ ກ່າວເຕືອນ 3 ໜ່ວຍພັກ ຍຸບການຈັດຕັ້ງ 3 ໜ່ວຍພັກ ສະມາຊິກພັກຖືກລົງໂທດວິໄນ 1.806 ສະຫາຍ/ຍິງ 173 ສະຫາຍ ໃນນີ້ ໃຫ້ອອກຈາກການເປັນສະມາຊິກພັກ 1.007 ສະຫາຍ ການກວດກາລັດ ແລະ ຕ້ານການສໍ້ລາດບັງຫຼວງ ກວດພົບ 734 ເປົ້າໝາຍ ສ້າງຄວາມເສຍຫາຍ 4.145,86 ຕື້ກີບ 70,77 ລ້ານໂດລາສະຫະລັດ 381,68 ລ້ານບາດ ແລະ 539.518 ຢວນ ໃນນີ້ ສາມາດເກັບກູ້ຄືນໄດ້ 790,43 ຕື້ກີບ 10,91 ລ້ານໂດລາ 36,19 ລ້ານບາດ ແລະ 539.518 ຢວນ ກວດພົບເຫັນການລັກລອບຂຸດຄົ້ນຊື້-ຂາຍໄມ້ຜິດກົດໝາຍ 303.193.297 ແມັດກ້ອນ ໄດ້ຮັບຄຳຮ້ອງ ແລະ ຄຳສະເໜີໃນທົ່ວປະເທດ 3.640 ສະບັບ ຄົ້ນຄວ້າແກ້ໄຂໄດ້ 2.719 ສະບັບ ໂດຍຂໍ້ສະເໜີທີ່ພົ້ນເດັ່ນ ແມ່ນບັນຫາພົວພັນຂໍ້ຂັດແຍ່ງດ້ານທີ່ດິນ ເຮືອນ ການດຳເນີນທຸລະກິດ ແລະ ຄວາມບໍ່ພໍໃຈຕໍ່ກັບການຕັດສິນຂອງສານ ເປັນຕົ້ນ ຄຽງຄູ່ກັນນັ້ນ ຄະນະກວດກາສູນກາງພັກ ຍັງໄດ້ເອົາໃຈໃສ່ຈັດຕັ້ງປະຕິບັດວຽກງານກໍ່ສ້າງພັກ ການປັບປຸງກົງຈັກການຈັດຕັ້ງ-ກໍ່ສ້າງ ພະນັກງານວຽກງານກວດກາ-ປ້ອງກັນພາຍໃນ ວຽກງານອົງການຈັດຕັ້ງມະຫາຊົນ ວຽກງານຫ້ອງການ ແລະ ວຽກງານພົວພັນຕ່າງປະເທດຕື່ມອີກ.
ໂອກາດນີ້ ກອງປະຊຸມຍັງໄດ້ມີການປ່ອນບັດຄັດເລືອກເອົາຄະນະບໍລິຫານພັກຊຸດໃໝ່ ຈຳນວນ 15 ສະຫາຍ.
ທີ່ມາ: vientianemai
No comments