ສະຫລອງວັນຊາດ ມາເລເຊຍ ຄົບຮອບ 59 ປີ
ຂປລ. ສະຖານທູດມາເລຍເຊຍ ປະຈຳລາວ ເປັນເຈົ້າພາບຈັດງານລ້ຽງສະເຫລີມສະຫລອງວັນຊາດ ມາເລເຊຍ ຄົບຮອບ 59 ປີ ແລະ ວັນສ້າງຕັ້ງສາຍພົວພັນການທູດ ລາວ-ມາເລເຊຍ ຄົບຮອບ 50 ປີ ຢ່າງຍິ່ງໃຫຍ່ ໃນວັນທີ 5 ຕຸລາ 2016 ທີ່ນະຄອນຫລວງວຽງຈັນ, ໃຫ້ກຽດເຂົ້າຮ່ວມງານ ໂດຍທ່ານ ສະເຫລີມໄຊ ກົມມະສິດ ລັດຖະມົນຕີກະຊວງການຕ່າງປະເທດ, ບັນດາຮອງລັດຖະມົນຕີ, ທູຕານຸທຸດ ແລະ ອົງການຈັດຕັ້ງສາກົນເຂົ້າຮ່ວມ.
ທ່ານ ດາໂຕະ ຕັນໄຕ ເຮັງ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ມາເລເຊຍ ປະຈຳລາວ ໄດ້ກ່າວເຖິງ ວິວັດທະນາການຂອງການພັດທະນາ, ການເຕີບໃຫຍ່ຂະຫຍາຍຕົວຢ່າງຕໍ່ເນື່ອງ ຂອງເມລາເຊຍ ເກືອບ 6 ທົດສະວັດຜ່ານມາ ເຊິ່ງປັດຈຸບັນ ມາເລເຊຍ ກ້າວເຂົ້າສູ່ປີທີ 7 ຂອງການດຳເນີນງານຂອງໂຄງການປ່ຽນແປງແຫ່ງຊາດ ທີ່ຊ່ວຍໃຫ້ມາເລເຊຍ ປະສົບຜົນສຳເລັດ ໃນການຈະເລີນເຕີບໂຕ ໃນຮູບແບບທີ່ມີຄວາມສົມບູນຢ່າງຍືນຍົງ ແລະ ຄົບວົງຈອນ.
ທ່ານທູດ ຍັງໄດ້ກ່າວຕື່ມວ່າ: ຕະຫລອດ ໄລຍະ 50 ປີ ແຫ່ງການສ້າງຕັ້ງສາຍພົວພັນການທູດ ລາວ-ມາເລເຊຍ ໄດ້ມີຄວາມສຳພັນຢ່າງໃກ້ສິດ ແລະ ຮ່ວມມືກັນຕະຫລອດມາ ໃນດ້ານການຄ້າ ແລະ ການລົງທຶນ. ປັດຈຸບັນ ມາເລເຊຍ ຈັດເປັນອັນດັບທີ 8 ຂອງນັກລົງທຶນຕ່າງປະເທດ ທີ່ມາລົງທຶນໃນ ສປປ ລາວ ເມື່ອທຽບໃສ່ປີ 2010 ແມ່ນຢູ່ໃນອັນດັບ 10 ເຊິ່ງມູນຄ່າການຄ້າສອງຝ່າຍ ໄດ້ສືບຕໍ່ຂະຫຍາຍຕົວເປັນຕົ້ນແມ່ນ ເສດຖະກິດພິເສດ ແລະ ເຂດເສດຖະກິດສະເພາະ, ທະນາຄານ ແລະ ບໍລິການດ້ານການເງິນ, ປະກັນໄພ, ທ່ອງທ່ຽວ, ການຜະລິດ, ການສຶກສາ, ບໍ່ແຮ່, ກໍ່ສ້າງ, ໄຟຟ້າພະລັງງານນ້ຳ, ກະສິກຳ, ການຄ້າ, ທີ່ປຶກສາ ແລະ ອື່ນໆຕື່ມອີກ.
ທີ່ມາ: KPL
ທ່ານ ດາໂຕະ ຕັນໄຕ ເຮັງ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ມາເລເຊຍ ປະຈຳລາວ ໄດ້ກ່າວເຖິງ ວິວັດທະນາການຂອງການພັດທະນາ, ການເຕີບໃຫຍ່ຂະຫຍາຍຕົວຢ່າງຕໍ່ເນື່ອງ ຂອງເມລາເຊຍ ເກືອບ 6 ທົດສະວັດຜ່ານມາ ເຊິ່ງປັດຈຸບັນ ມາເລເຊຍ ກ້າວເຂົ້າສູ່ປີທີ 7 ຂອງການດຳເນີນງານຂອງໂຄງການປ່ຽນແປງແຫ່ງຊາດ ທີ່ຊ່ວຍໃຫ້ມາເລເຊຍ ປະສົບຜົນສຳເລັດ ໃນການຈະເລີນເຕີບໂຕ ໃນຮູບແບບທີ່ມີຄວາມສົມບູນຢ່າງຍືນຍົງ ແລະ ຄົບວົງຈອນ.
ທ່ານທູດ ຍັງໄດ້ກ່າວຕື່ມວ່າ: ຕະຫລອດ ໄລຍະ 50 ປີ ແຫ່ງການສ້າງຕັ້ງສາຍພົວພັນການທູດ ລາວ-ມາເລເຊຍ ໄດ້ມີຄວາມສຳພັນຢ່າງໃກ້ສິດ ແລະ ຮ່ວມມືກັນຕະຫລອດມາ ໃນດ້ານການຄ້າ ແລະ ການລົງທຶນ. ປັດຈຸບັນ ມາເລເຊຍ ຈັດເປັນອັນດັບທີ 8 ຂອງນັກລົງທຶນຕ່າງປະເທດ ທີ່ມາລົງທຶນໃນ ສປປ ລາວ ເມື່ອທຽບໃສ່ປີ 2010 ແມ່ນຢູ່ໃນອັນດັບ 10 ເຊິ່ງມູນຄ່າການຄ້າສອງຝ່າຍ ໄດ້ສືບຕໍ່ຂະຫຍາຍຕົວເປັນຕົ້ນແມ່ນ ເສດຖະກິດພິເສດ ແລະ ເຂດເສດຖະກິດສະເພາະ, ທະນາຄານ ແລະ ບໍລິການດ້ານການເງິນ, ປະກັນໄພ, ທ່ອງທ່ຽວ, ການຜະລິດ, ການສຶກສາ, ບໍ່ແຮ່, ກໍ່ສ້າງ, ໄຟຟ້າພະລັງງານນ້ຳ, ກະສິກຳ, ການຄ້າ, ທີ່ປຶກສາ ແລະ ອື່ນໆຕື່ມອີກ.
ທີ່ມາ: KPL
No comments