5 ເດືອນຜ່ານມາ ລັດຖະບານແກ້ໄຂ ຫລາຍບັນຫາສຳຄັນ ຂອງຊາດ
ຂປລ. ພາຍຫລັງການຮັບຮອງ ແລະ ແຕ່ງຕັ້ງ ທ່ານ ທອງລຸນ ສີສຸລິດ ເປັນນາຍົກລັດຖະມົນຕີ ຜູ້ທີ 7 ຂອງ ສປປ ລາວ, ໃນຖານະຫົວໜ້າ ລັດຖະບານ ທ່ານນາຍົກ ໄດ້ມີການເຄື່ອນໄຫວ ຊີ້ນຳໆພາຢ່າງຕັ້ງໜ້າ ເພື່ອປັບປຸງແກ້ໄຂ ຫລາຍບັນຫາສຳຄັນຂອງຊາດ ໄດ້ຮັບຜົນສຳເລັດດີ ໃນຫລາຍດ້ານ ເຊິ່ງໄລຍະ 5 ເດືອນຜ່ານມາ ໂດຍສະເພາະ ການປັບປຸງ ການຄຸ້ມຄອງລັດ-ຄຸ້ມຄອງສັງຄົມ ໃຫ້ເຂົ້າສູ່ລະບົບລະບຽບ ແລະ ສອດຄ່ອງກັບກົດໝາຍ ນັບທັງນິຕິກຳ ທີ່ກ່ຽວຂ້ອງ.
ທ່ານ ນາຍົກລັດຖະມົນຕີ ຍັງໄດ້ຊີ້ນຳ ໃຫ້ແກ້ໄຂບັນຫາຫຍຸ້ງຍາກ ທາງດ້ານເສດຖະກິດ, ລວມທັງຄວາມບໍ່ສົມດູນ ຂອງເສດຖະກິດ ມະຫາພາກ ແລະ ການຂາດດູນ ທາງດ້ານງົບປະມານ; ເອົາໃຈໃສ່ແກ້ໄຂບັນຫາ ການນຳໃຊ້ ຊັບພະຍາກອນ ທຳມະຊາດ ທີ່ຟຸມເຟືອຍ ແລະ ມີປະສິດທິຜົນຕ່ຳ ໃນໄລຍະຜ່ານມານັ້ນ ເປັນຕົ້ນ ການຕັດໄມ້ທຳລາຍປ່າ, ການຂຸດຄົ້ນບໍ່ແຮ່ ດ້ວຍການອອກຄຳສັ່ງ ເລກທີ 15/ນຍ; ແກ້ໄຂບັນຫາຫຍຸ້ງຍາກ ດ້ານລາຄາໄຟຟ້າ ຕາມຄຳສັ່ງເລກທີ 18/ນຍ ແລະ ນຳພາເປັນເຈົ້າພາບທີ່ດີ ຈັດກອງປະຊຸມ ສຸດຍອດອາຊຽນ ຄັ້ງທີ 28, 29 ແລະ ກອງປະຊຸມ ປິ່ນອ້ອມອື່ນໆ ໄດ້ຮັບຜົນສຳເລັດ ອັນຈົບງາມ.
ລັດຖະບານ ຍັງໄດ້ຮັບຮອງເອົາ ບັນດາທິດທາງ ການພັດທະນາ ຂົງເຂດວຽກງານ ການສຶກສາ ແລະ ກິລາ ໂດຍສະເພາະ ບັນດານະໂຍບາຍ, ຍຸດທະສາດ ແລະ ນິຕິກຳຕ່າງໆ ເປັນຕົ້ນແມ່ນ ວິໄສທັດການພັດທະນາ ການສຶກສາ ແລະ ກິລາ ຮອດປີ 2030, ຍຸດທະສາດ ການພັດທະນາ ວຽກງານການສຶກສາ ແລະ ກິລາ ຮອດ 2025, ຍຸດທະສາດການພັດທະນາ ຊັບພະຍາກອນມະນຸດ ຮອດປີ 2025 ແລະ ອື່ນໆ ເຊິ່ງລ້ວນແຕ່ ເປັນທິດທາງຈຸດສຸມ ແລະ ເປົ້າໝາຍການສ້າງສາ ພັດທະນາປະເທດຊາດ ໃຫ້ກ້າວຂຶ້ນເທື່ອລະກ້າວ.
ທ່ານ ນາຍົກລັດຖະມົນຕີ ໄດ້ຍົກໃຫ້ເຫັນ ຜົນສຳເລັດດັ່ງກ່າວ, ໃນໂອກາດເຂົ້າຮ່ວມ ການສະເຫລີມສະຫລອງ ວັນຄູແຫ່ງຊາດ 7 ຕຸລາ 2016 ທີ່ຫໍວັດທະນະທຳ ນະຄອນຫລວງວຽງຈັນ, ພ້ອມທັງ ໃຫ້ກຽດພົບປະໂອ້ລົມ ຕໍ່ການນຳ ຂະແໜງສຶກສາ ນອກຈາກເນັ້ນໃຫ້ ເອົາໃຈໃສ່ພັດທະນາຄູ ຢ່າງມີຄຸນນະພາບ ແລະ ປະລິມານ ເພື່ອສະໜອງຄວາມ ຮຽກຮ້ອງຕ້ອງການ ໄລຍະໃໝ່ແລ້ວ ຍັງຢ້ຳໃຫ້ມີການຊຸກຍູ້ ແລະ ສົ່ງເສີມ ໃຫ້ຄູໄດ້ມີໂອກາດ ສຶກສາຄົ້ນຄວ້າ ແລະ ຍົກລະດັບຄວາມຮູ້ ຄວາມສາມາດ ໃຫ້ຫລາຍຂຶ້ນກວ່າເກົ່າ.
ທີ່ມາ: KPL
ທ່ານ ນາຍົກລັດຖະມົນຕີ ຍັງໄດ້ຊີ້ນຳ ໃຫ້ແກ້ໄຂບັນຫາຫຍຸ້ງຍາກ ທາງດ້ານເສດຖະກິດ, ລວມທັງຄວາມບໍ່ສົມດູນ ຂອງເສດຖະກິດ ມະຫາພາກ ແລະ ການຂາດດູນ ທາງດ້ານງົບປະມານ; ເອົາໃຈໃສ່ແກ້ໄຂບັນຫາ ການນຳໃຊ້ ຊັບພະຍາກອນ ທຳມະຊາດ ທີ່ຟຸມເຟືອຍ ແລະ ມີປະສິດທິຜົນຕ່ຳ ໃນໄລຍະຜ່ານມານັ້ນ ເປັນຕົ້ນ ການຕັດໄມ້ທຳລາຍປ່າ, ການຂຸດຄົ້ນບໍ່ແຮ່ ດ້ວຍການອອກຄຳສັ່ງ ເລກທີ 15/ນຍ; ແກ້ໄຂບັນຫາຫຍຸ້ງຍາກ ດ້ານລາຄາໄຟຟ້າ ຕາມຄຳສັ່ງເລກທີ 18/ນຍ ແລະ ນຳພາເປັນເຈົ້າພາບທີ່ດີ ຈັດກອງປະຊຸມ ສຸດຍອດອາຊຽນ ຄັ້ງທີ 28, 29 ແລະ ກອງປະຊຸມ ປິ່ນອ້ອມອື່ນໆ ໄດ້ຮັບຜົນສຳເລັດ ອັນຈົບງາມ.
ລັດຖະບານ ຍັງໄດ້ຮັບຮອງເອົາ ບັນດາທິດທາງ ການພັດທະນາ ຂົງເຂດວຽກງານ ການສຶກສາ ແລະ ກິລາ ໂດຍສະເພາະ ບັນດານະໂຍບາຍ, ຍຸດທະສາດ ແລະ ນິຕິກຳຕ່າງໆ ເປັນຕົ້ນແມ່ນ ວິໄສທັດການພັດທະນາ ການສຶກສາ ແລະ ກິລາ ຮອດປີ 2030, ຍຸດທະສາດ ການພັດທະນາ ວຽກງານການສຶກສາ ແລະ ກິລາ ຮອດ 2025, ຍຸດທະສາດການພັດທະນາ ຊັບພະຍາກອນມະນຸດ ຮອດປີ 2025 ແລະ ອື່ນໆ ເຊິ່ງລ້ວນແຕ່ ເປັນທິດທາງຈຸດສຸມ ແລະ ເປົ້າໝາຍການສ້າງສາ ພັດທະນາປະເທດຊາດ ໃຫ້ກ້າວຂຶ້ນເທື່ອລະກ້າວ.
ທ່ານ ນາຍົກລັດຖະມົນຕີ ໄດ້ຍົກໃຫ້ເຫັນ ຜົນສຳເລັດດັ່ງກ່າວ, ໃນໂອກາດເຂົ້າຮ່ວມ ການສະເຫລີມສະຫລອງ ວັນຄູແຫ່ງຊາດ 7 ຕຸລາ 2016 ທີ່ຫໍວັດທະນະທຳ ນະຄອນຫລວງວຽງຈັນ, ພ້ອມທັງ ໃຫ້ກຽດພົບປະໂອ້ລົມ ຕໍ່ການນຳ ຂະແໜງສຶກສາ ນອກຈາກເນັ້ນໃຫ້ ເອົາໃຈໃສ່ພັດທະນາຄູ ຢ່າງມີຄຸນນະພາບ ແລະ ປະລິມານ ເພື່ອສະໜອງຄວາມ ຮຽກຮ້ອງຕ້ອງການ ໄລຍະໃໝ່ແລ້ວ ຍັງຢ້ຳໃຫ້ມີການຊຸກຍູ້ ແລະ ສົ່ງເສີມ ໃຫ້ຄູໄດ້ມີໂອກາດ ສຶກສາຄົ້ນຄວ້າ ແລະ ຍົກລະດັບຄວາມຮູ້ ຄວາມສາມາດ ໃຫ້ຫລາຍຂຶ້ນກວ່າເກົ່າ.
ທີ່ມາ: KPL
No comments