4 ເລື່ອງທີ່ຄວນຫລີກລ່ຽງ ໃນການກິນໝາກໄມ້ ເພາະຈະໃຫ້ໂທດ
ຄົນສ່ວນໃຫຍ່ຄິດວ່າໝາກໄມ້ທີ່ເຮົາກິນໄປນັ້ນໃຫ້ແຕ່ປະໂຫຍດ ເພາະມີວິຕາມິນຕ່າງໆ ທີ່ຊ່ວຍເສີມສ້າງໃຫ້ຮ່າງກາຍແຂງແຮງ ແລະ ຄິດວ່າກິນໝາກໄມ້ແລ້ວເຮັດໃຫ້ບໍ່ຕຸ້ຍ ແລະ ສຸຂະພາບດີ, ແຕ່ຄວາມຈິງແລ້ວ ທ່ານຮູ້ບໍ່ວ່າໝາກໄມ້ກໍສາມາດໃຫ້ໂທດກັບຮ່າງກາຍຂອງຄົນເຮົາໄດ້ເຊັ່ນດຽວກັນ. ເຮົາຄວນແບ່ງແຍກປະເພດຂອງໝາກໄມ້ ເພາະໝາກໄມ້ບາງຊະນິດ ກໍບໍ່ເໝາະສຳລັບຜູ້ທີ່ປ່ວຍເປັນພະຍາດຕ່າງໆເຊັ່ນ:
- ຜູ້ປ່ວຍໂລກເບົາຫວານ ຄວນຫລີກລ່ຽງໝາກໄມ້ ທີ່ມີລົດຫວານ ຫຼື ໝາກໄມ້ ບາງຊະນິດອາດມີລົດຊາດສົ້ມນຳຫວານນຳ ກໍຄວນຫລີກລ່ຽງ ຫຼື ກິນພຽງເລັກນ້ອຍເທົ່ານັ້ນ.
- ແມ່ຍິງທີ່ກຳລັງຖືພາ ຄວນຫລີກລ່ຽງການກິນໝາກໄມ້ ທີ່ນອກລະດູ ເພາະວ່າມີຄວາມສ່ຽງສູງຫຼາຍ ທີ່ຈະໄດ້ຮັບສານເຄມີຈາກການໃຊ້ ຮໍໂມນ, ປຸ໋ຍ, ຢາຂ້າແມງໄມ້ ໃນລະດັບຫຼາຍກ່ວາປົກກະຕິ ຈົນອາດຈະສົ່ງຜົນຕໍ່ລູກໃນທ້ອງໄດ້, ນອກຈາກນີ້, ຍັງຄວນຫລີກລ່ຽງໝາກໄມ້ດິບ ແລະ ໝາກໄມ້ແປຮູບອີກດ້ວຍ.
- ໃນໜ້າຮ້ອນ ຄວນຫລີກລ່ຽງການກິນໝາກໄມ້ທີ່ມີລິດຮ້ອນ ໂດຍສະເພາະກັບຜູ້ສູງອາຍຸ ເພາະຈະເຮັດໃຫ້ອຸນຫະພູມຮ່າງກາຍສູງຈົນເກີນໄປ ເຊັ່ນ: ລຳໄຍ, ໝາກຖົ່ວລຽນ ແລະ ອາຫານທີ່ມີລົດຊາດເຜັດໆ.
- ຜູ້ທີ່ກຳລັງໄດ້ຮັບການບຳບັດຮັກສາກ່ຽວກັບໂລກໝາກໄຂ່ຫຼັງ ຄວນຫລີກລ່ຽງການກິນໝາກເຟືອງ ເພາະອາດມີອາການແຊກຊ້ອນໄດ້ ເພາະໃນໝາກເຟືອງຈະມີສານຊະນິດໜື່ງທີ່ ເອີ້ນວ່າ ອອກຊາເລດ ທີ່ອາດຈະເຮັດໃຫ້ເກີດພາວະໄຕວາຍໄດ້ ເຊິ່ງມີອັນຕະລາຍເຖິງຊິວິດກໍເປັນໄດ້.
ເຖີງແມ່ນວ່າໝາກໄມ້ແຕ່ລະຊະນິດ ຈະມີວິຕາມິນທີ່ແຕກຕ່າງກັນໄປ ມີທັງວິຕາມິນເອ, ຊີ, ອີ, ບີ1, ບີ2, ບີ6 ເບຕ້າແຄໂຣທີນ ແລະ ທາດເຫຼັກ ແຕ່ບາງຊະນິດກໍມີ ປະລິມານນ້ຳຕານ ແລະ ແປ້ງສູງ ລວມທັງລົດຊາດທີ່ແຕກຕ່າງກັນ, ສິ່ງເຫລົ່ານີ້ ອາດຈະເປັນປັດໃຈ ເຮັດໃຫ້ ເກີດໂລກຕ່າງໆນຳມາໄດ້ ຫາກກິນຫຼາຍເກີນໄປ.
ໝາກໄມ້ໃຫ້ໄດ້ທັງປະໂຫຍດ ແລະ ໂທດ ດັ່ງນັ້ນ, ກ່ອນທີ່ທ່ານຈະກິນອັນໃດ ກໍຄວນຄຳນຶງເຖີງ ສຸຂະພາບຕົວເອງກ່ອນ ແລະ ທີ່ສຳຄັນທີ່ສຸດ ຄືການກິນໃນປະລິມານທີ່ພໍດີກັບຮ່າງກາຍເຮົາຕ້ອງການ.
ທີ່ມາ: kpl
- ຜູ້ປ່ວຍໂລກເບົາຫວານ ຄວນຫລີກລ່ຽງໝາກໄມ້ ທີ່ມີລົດຫວານ ຫຼື ໝາກໄມ້ ບາງຊະນິດອາດມີລົດຊາດສົ້ມນຳຫວານນຳ ກໍຄວນຫລີກລ່ຽງ ຫຼື ກິນພຽງເລັກນ້ອຍເທົ່ານັ້ນ.
- ແມ່ຍິງທີ່ກຳລັງຖືພາ ຄວນຫລີກລ່ຽງການກິນໝາກໄມ້ ທີ່ນອກລະດູ ເພາະວ່າມີຄວາມສ່ຽງສູງຫຼາຍ ທີ່ຈະໄດ້ຮັບສານເຄມີຈາກການໃຊ້ ຮໍໂມນ, ປຸ໋ຍ, ຢາຂ້າແມງໄມ້ ໃນລະດັບຫຼາຍກ່ວາປົກກະຕິ ຈົນອາດຈະສົ່ງຜົນຕໍ່ລູກໃນທ້ອງໄດ້, ນອກຈາກນີ້, ຍັງຄວນຫລີກລ່ຽງໝາກໄມ້ດິບ ແລະ ໝາກໄມ້ແປຮູບອີກດ້ວຍ.
- ໃນໜ້າຮ້ອນ ຄວນຫລີກລ່ຽງການກິນໝາກໄມ້ທີ່ມີລິດຮ້ອນ ໂດຍສະເພາະກັບຜູ້ສູງອາຍຸ ເພາະຈະເຮັດໃຫ້ອຸນຫະພູມຮ່າງກາຍສູງຈົນເກີນໄປ ເຊັ່ນ: ລຳໄຍ, ໝາກຖົ່ວລຽນ ແລະ ອາຫານທີ່ມີລົດຊາດເຜັດໆ.
- ຜູ້ທີ່ກຳລັງໄດ້ຮັບການບຳບັດຮັກສາກ່ຽວກັບໂລກໝາກໄຂ່ຫຼັງ ຄວນຫລີກລ່ຽງການກິນໝາກເຟືອງ ເພາະອາດມີອາການແຊກຊ້ອນໄດ້ ເພາະໃນໝາກເຟືອງຈະມີສານຊະນິດໜື່ງທີ່ ເອີ້ນວ່າ ອອກຊາເລດ ທີ່ອາດຈະເຮັດໃຫ້ເກີດພາວະໄຕວາຍໄດ້ ເຊິ່ງມີອັນຕະລາຍເຖິງຊິວິດກໍເປັນໄດ້.
ເຖີງແມ່ນວ່າໝາກໄມ້ແຕ່ລະຊະນິດ ຈະມີວິຕາມິນທີ່ແຕກຕ່າງກັນໄປ ມີທັງວິຕາມິນເອ, ຊີ, ອີ, ບີ1, ບີ2, ບີ6 ເບຕ້າແຄໂຣທີນ ແລະ ທາດເຫຼັກ ແຕ່ບາງຊະນິດກໍມີ ປະລິມານນ້ຳຕານ ແລະ ແປ້ງສູງ ລວມທັງລົດຊາດທີ່ແຕກຕ່າງກັນ, ສິ່ງເຫລົ່ານີ້ ອາດຈະເປັນປັດໃຈ ເຮັດໃຫ້ ເກີດໂລກຕ່າງໆນຳມາໄດ້ ຫາກກິນຫຼາຍເກີນໄປ.
ໝາກໄມ້ໃຫ້ໄດ້ທັງປະໂຫຍດ ແລະ ໂທດ ດັ່ງນັ້ນ, ກ່ອນທີ່ທ່ານຈະກິນອັນໃດ ກໍຄວນຄຳນຶງເຖີງ ສຸຂະພາບຕົວເອງກ່ອນ ແລະ ທີ່ສຳຄັນທີ່ສຸດ ຄືການກິນໃນປະລິມານທີ່ພໍດີກັບຮ່າງກາຍເຮົາຕ້ອງການ.
ທີ່ມາ: kpl
No comments