ສະຫລອງວັນວິທະຍາສາດແຫ່ງຊາດຄົບຮອບ 3 ປີ
ຂປລ. ເນື່ອງໃນໂອກາດ ວັນວິທະຍາສາດແຫ່ງຊາດ (12 ຕຸລາ) ຄົບຮອບ 3 ປີ ຄະນະພັກ, ຄະນະນຳກະຊວງວິທະຍາສາດ ແລະ ເຕັກໂນໂລຊີ ທ່ານ ບໍ່ວຽງຄຳ ວົງດາລາ ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ ໄດ້ຖະແຫລງຂ່າວ ຕໍ່ບັນດາສື່ມວນ ໃນວັນທີ 11 ຕຸລາ 2016 ກ່ຽວກັບຄວາມໝາຍຄວາສຳຄັນຂອງວັນດັ່ງກ່າວ.
ການສະເຫລີມສະຫລອງ ວັນວິທະຍາສາດແຫ່ງຊາດ 12 ຕຸລາ ຈັດຂຶ້ນເພື່ອປະກອບສ່ວນສຳຄັນ ເຂົ້າໃນການພັດທະນາເສດຖະກິດ-ສັງຄົມ ແລະ ຫັນປະເທດ ໃຫ້ເປັນອຸດສາຫະກຳ ແລະ ທັນສະໄໝ ສ້າງເສດຖະກິດແຫ່ງພູມປັນຍາ. ໃນຊຸມປີຜ່ານມາ ສາມາດບັນລຸຜົນງານຫລາຍດ້ານ ອັນພົ້ນເດັ່ນແມ່ນ ໄດ້ຄົ້ນຄວ້າ, ສ້າງ ແລະ ປັບປຸງຍຸດທະສາດ ການພັດທະນາວຽກວິທະຍາສາດ ແລະ ເຕັກໂນໂລຊີ ຮອດ ປີ 2025 ແລະ ວິໃສທັດ ຮອດ ປີ 2030, ພ້ອມທັງກຳນົດແຜນພັດທະນາວິທະຍາສາດ ແລະ ເຕັກໂນໂລຊີ ໄລຍະ 5 ປີ (2016-2020) ເຊິ່ງເປັນແຜນພັດທະນາ ທີ່ມີຄວາມສາມາດເຊື່ອມສານກັບການພັດທະນາ ໃນຂົງເຂດພາກພື້ນ ແລະ ສາກົນໃນໄລຍະໃໝ່. ໄດ້ຄົ້ນຄວ້າສ້າງກົດໝາຍ ແລະ ບັນດານິຕິກຳຈຳນວນໜຶ່ງ. ຄຽງຄູ່ກັນນັ້ນ, ຂະແໜງການວິທະຍາສາດ ແລະ ເຕັກໂນໂລຊີ ຍັງໄດ້ເພີ່ມທະວີວຽກງານໂຄສະນາເຜີຍແຜ່ ແນວທາງນະໂຍບາຍຂອງພັກ ແລະ ລັດຖະບານ ກ່ຽວກັບວຽກງານວິທະຍາສາດ ແລະ ເຕັກໂນໂລຊີ ດ້ວຍຫລາຍຮູບການ, ເປັນຕົ້ນ ແມ່ນສ້າງກິດຈະກຳທາງວິທະຍາສາດ ໃນໂອກາດສະເຫລີມສະຫລອງວັນວິທະຍາສາດແຫ່ງຊາດ, ປັບປຸງຍົກລະດັບຖານຂໍ້ມູນ ແລະ ສ້າງເວັບໄຊຂອງກະຊວງ, ໃຫ້ການບໍລິການຫ້ອງສະ ໝຸດວິທະຍາສາດ ແລະ ເຕັກໂນໂລຊີ, ໜັງສືພິມວິທະຍາສາດ ແລະ ການພັດທະນາ, ວາລະສານເຄື່ອງໝາຍການຄ້າ ອອກຮັບໃຊ້ມວນຊົນຢ່າງຕໍ່ເນື່ອງ, ຈັດປະຊຸມສຳມະນາ-ວິຊາການ ແລະ ງານວາງສະແດງວິທະຍາສາດ ເຕັກໂນໂລຊີ ແລະ ນະວັດຕະກຳຫລາຍຄັ້ງ ເພື່ອເປັນຂໍ້ມູນຄວາມຮູ້ ໃຫ້ແກ່ນັກວິຊາການ, ນັກຮຽນຮູ້, ປັນຍາຊົນຕື່ມອີກ.
ສຳລັບວຽກງານພົວພັນ ແລະ ຮ່ວມມືທາງດ້ານວິທະຍາສາດ ແລະ ເຕັກໂນໂລຊີ ກັບຕ່າງປະເທດ ກໍໄດ້ມີການຂະຫຍາຍຕົວຢ່າງກວ້າງຂວາງ ເປັນຕົ້ນ ຮ່ວມມືກໍ່ສ້າງສູນຝຶກອົບຮົມ ພະນັກງານຄຸ້ມຄອງວິທະຍາສາດ-ເຕັກໂນໂລຊີ ລະຫວ່າງ ສປປ ລາວ ແລະ ສສ ຫວຽດນາມ, ຮ່ວມມືດ້ານວິຊາການ ຈັດງານຄາລາວານວິທະຍາສາດ ລາວ-ໄທ ນອກນັ້ນ, ຍັງມີການຮ່ວມມື ດ້ານວິຊາການກັບຫລາຍຝ່າຍ ເຊັ່ນ: ຮ່ວມມືກັບອົງການຄົ້ນຄວ້າ-ພັດທະນາວິທະຍາສາດຂອງພາກພື້ນອາຊີ, ອົງການອຸຍແນັສໂກ ດ້ານວິທະຍາສາດທຳມະຊາດ ແລະ ສິ່ງແວດລ້ອມ, ອົງການພະລັງງານປະລຳມະນູສາກົນ, ອົງການມາດຕະຖານສາກົນ ແລະ ອົງການຊັບສິນທາງປັນຍາຂອງໂລກ ເຊິ່ງເປັນການກອບສ່ວນ ປະຕິບັດພັນທະຂອງສປປ ລາວ ໃນຖານະເປັນປະເທດສະມາຊິກ ຂອງບັນດາການຈັດຕັ້ງດັ່ງກ່າວ ເພື່ອຍາດແຍ່ງເອົາການສະໜັບສະໜູນຊ່ວຍເຫລືອ ດ້ານທຶນຮອນ ແລະ ດ້ານເຕັກນິກວິຊາການໃຫ້ນັບມື້ຫລາຍຂຶ້ນ ແລະ ເປັນເຈົ້າການໃນວົງການວິທະຍາສາດ-ເຕັກໂນໂລຊີ ຂອງສາກົນ ໃຫ້ມີປະສິດທິຜົນ.
ທີ່ມາ: KPL
ການສະເຫລີມສະຫລອງ ວັນວິທະຍາສາດແຫ່ງຊາດ 12 ຕຸລາ ຈັດຂຶ້ນເພື່ອປະກອບສ່ວນສຳຄັນ ເຂົ້າໃນການພັດທະນາເສດຖະກິດ-ສັງຄົມ ແລະ ຫັນປະເທດ ໃຫ້ເປັນອຸດສາຫະກຳ ແລະ ທັນສະໄໝ ສ້າງເສດຖະກິດແຫ່ງພູມປັນຍາ. ໃນຊຸມປີຜ່ານມາ ສາມາດບັນລຸຜົນງານຫລາຍດ້ານ ອັນພົ້ນເດັ່ນແມ່ນ ໄດ້ຄົ້ນຄວ້າ, ສ້າງ ແລະ ປັບປຸງຍຸດທະສາດ ການພັດທະນາວຽກວິທະຍາສາດ ແລະ ເຕັກໂນໂລຊີ ຮອດ ປີ 2025 ແລະ ວິໃສທັດ ຮອດ ປີ 2030, ພ້ອມທັງກຳນົດແຜນພັດທະນາວິທະຍາສາດ ແລະ ເຕັກໂນໂລຊີ ໄລຍະ 5 ປີ (2016-2020) ເຊິ່ງເປັນແຜນພັດທະນາ ທີ່ມີຄວາມສາມາດເຊື່ອມສານກັບການພັດທະນາ ໃນຂົງເຂດພາກພື້ນ ແລະ ສາກົນໃນໄລຍະໃໝ່. ໄດ້ຄົ້ນຄວ້າສ້າງກົດໝາຍ ແລະ ບັນດານິຕິກຳຈຳນວນໜຶ່ງ. ຄຽງຄູ່ກັນນັ້ນ, ຂະແໜງການວິທະຍາສາດ ແລະ ເຕັກໂນໂລຊີ ຍັງໄດ້ເພີ່ມທະວີວຽກງານໂຄສະນາເຜີຍແຜ່ ແນວທາງນະໂຍບາຍຂອງພັກ ແລະ ລັດຖະບານ ກ່ຽວກັບວຽກງານວິທະຍາສາດ ແລະ ເຕັກໂນໂລຊີ ດ້ວຍຫລາຍຮູບການ, ເປັນຕົ້ນ ແມ່ນສ້າງກິດຈະກຳທາງວິທະຍາສາດ ໃນໂອກາດສະເຫລີມສະຫລອງວັນວິທະຍາສາດແຫ່ງຊາດ, ປັບປຸງຍົກລະດັບຖານຂໍ້ມູນ ແລະ ສ້າງເວັບໄຊຂອງກະຊວງ, ໃຫ້ການບໍລິການຫ້ອງສະ ໝຸດວິທະຍາສາດ ແລະ ເຕັກໂນໂລຊີ, ໜັງສືພິມວິທະຍາສາດ ແລະ ການພັດທະນາ, ວາລະສານເຄື່ອງໝາຍການຄ້າ ອອກຮັບໃຊ້ມວນຊົນຢ່າງຕໍ່ເນື່ອງ, ຈັດປະຊຸມສຳມະນາ-ວິຊາການ ແລະ ງານວາງສະແດງວິທະຍາສາດ ເຕັກໂນໂລຊີ ແລະ ນະວັດຕະກຳຫລາຍຄັ້ງ ເພື່ອເປັນຂໍ້ມູນຄວາມຮູ້ ໃຫ້ແກ່ນັກວິຊາການ, ນັກຮຽນຮູ້, ປັນຍາຊົນຕື່ມອີກ.
ສຳລັບວຽກງານພົວພັນ ແລະ ຮ່ວມມືທາງດ້ານວິທະຍາສາດ ແລະ ເຕັກໂນໂລຊີ ກັບຕ່າງປະເທດ ກໍໄດ້ມີການຂະຫຍາຍຕົວຢ່າງກວ້າງຂວາງ ເປັນຕົ້ນ ຮ່ວມມືກໍ່ສ້າງສູນຝຶກອົບຮົມ ພະນັກງານຄຸ້ມຄອງວິທະຍາສາດ-ເຕັກໂນໂລຊີ ລະຫວ່າງ ສປປ ລາວ ແລະ ສສ ຫວຽດນາມ, ຮ່ວມມືດ້ານວິຊາການ ຈັດງານຄາລາວານວິທະຍາສາດ ລາວ-ໄທ ນອກນັ້ນ, ຍັງມີການຮ່ວມມື ດ້ານວິຊາການກັບຫລາຍຝ່າຍ ເຊັ່ນ: ຮ່ວມມືກັບອົງການຄົ້ນຄວ້າ-ພັດທະນາວິທະຍາສາດຂອງພາກພື້ນອາຊີ, ອົງການອຸຍແນັສໂກ ດ້ານວິທະຍາສາດທຳມະຊາດ ແລະ ສິ່ງແວດລ້ອມ, ອົງການພະລັງງານປະລຳມະນູສາກົນ, ອົງການມາດຕະຖານສາກົນ ແລະ ອົງການຊັບສິນທາງປັນຍາຂອງໂລກ ເຊິ່ງເປັນການກອບສ່ວນ ປະຕິບັດພັນທະຂອງສປປ ລາວ ໃນຖານະເປັນປະເທດສະມາຊິກ ຂອງບັນດາການຈັດຕັ້ງດັ່ງກ່າວ ເພື່ອຍາດແຍ່ງເອົາການສະໜັບສະໜູນຊ່ວຍເຫລືອ ດ້ານທຶນຮອນ ແລະ ດ້ານເຕັກນິກວິຊາການໃຫ້ນັບມື້ຫລາຍຂຶ້ນ ແລະ ເປັນເຈົ້າການໃນວົງການວິທະຍາສາດ-ເຕັກໂນໂລຊີ ຂອງສາກົນ ໃຫ້ມີປະສິດທິຜົນ.
ທີ່ມາ: KPL
No comments