ຮອງລັດຖະມົນຕີ ຮສສ ລົງຊຸກຍູ້ ວຽກງານຢູ່ 2 ແຂວງພາກເໜືອ
ຂປລ. ໃນວັນທີ 10-13 ຕຸລາ 2016 ນີ້, ທ່ານນາງ ໃບຄໍາ ຂັດທິຍະ ຮອງລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ (ຮສສ) ພ້ອມຄະນະ ໄດ້ລົງເຄື່ອນໄຫວ ຢ້ຽມຢາມ ແລະ ຊຸກຍູ້ ວຽກງານຂະແໜງ ຮສສ ແຂວງຫລວງພະບາງ ແລະ ແຂວງໄຊຍະບູລີ. ໂດຍໄດ້ລົງຢ້ຽມຢາມບ້ານ 3 ສ້າງ ບ້ານເມືອງຂາຍ ແຂວງຫລວງພະບາງ ພ້ອມທັງມອບເຄື່ອງຊ່ວຍເຫລືອ ແກ່ຜູປະສົບໄພພິບັດນໍ້າຖ້ວມ ເປັນເງິນຈຳນວນ 80 ລ້ານກີບ ແລະ ເຄື່ອງອຸປະໂພກ ບໍລິໂພກຈຳນວນໜຶ່ງ ໃຫ້ພະແນກ ຮສສ ແຂວງ ຫລວງພະບາງ ແລະ ໄດ້ມອບເງິນຈຳນວນ 100 ລ້ານກີບ ແລະ ເຄື່ອງອຸປະໂພກ ບໍລິໂພກໃຫ້ແຂວງ ໄຊຍະບູລີ ເພື່ອນຳໄປຊ່ວຍເຫລືອ ໃຫ້ເຖິງມືພໍ່ແມ່ປະຊາຊົນ ທີ່ຖືກຜົນກະທົບ ຈາກໄພທຳມະຊາດ ແລະ ຄອບຄົວຜູ້ທຸກຍາກ.
ໃນລະຫວ່າງ ການຢ້ຽມຢາມ ຫົວໜ້າພະແນກ ຮສສ ທັງສອງແຂວງ ໄດ້ສະຫລຸບລາຍງານ ໃຫ້ຊາບໂດຍຫຍໍ້ ເຖິງຂໍ້ສະດວກ ແລະ ຂໍ້ຫຍຸ້ງຍາກ ໃນການຈັດຕັ້ງປະຕິບັດ ວຽກງານຂອງຂະແໜງ ຮສສ ໃນໄລຍະຜ່ານມາ, ພ້ອມທັງ ໄດ້ສະເໜີບາງບັນຫາ ທີ່ຍັງຄົງຄ້າງ ຕໍ່ທ່ານຮອງລັດຖະມົນຕີ ເພື່ອຂໍທິດຊີ້ນຳ ໃນການປັບປຸງແກ້ໄຂ. ໂອກາດນີ້, ທ່ານນາງ ໃບຄໍາ ຂັດທິຍະ ໄດ້ເນັ້ນໃຫ້ທ້ອງຖິ່ນ ກໍຄື ພະແນກ ຮສສ ແຂວງ ຈົ່ງພ້ອມກັນສືບຕໍ່ ໃນການຈັດຕັ້ງປະຕິບັດ ທີ່ວຽກງານທີ່ພັກ ແລະ ລັດຖະບານ ມອບໝາຍໃຫ້ຢ່າງຕັ້ງໜ້າ ໂດຍສະເພາະ ວຽກງານແຮງງານ ແລະ ວຽກງານປະກັນສັງຄົມ ເພື່ອໃຫ້ປະເທດຊາດ ກໍໍຄື ປະຊາຊົນລາວ ແລະ ຊາວຕ່າງດ້າວ ໃຫ້ຮັບຮູ້ເຂົ້າໃຈ ກ່ຽວກັບການຈັດຕັ້ງປະຕິບັດ ກົດຫມາຍ ແລະ ຄຳສັ່ງຂອງລັດຖະບານ ວາງອອກຢ່າງເຂັ້ມງວດ ແລະ ຮູ້ວາງແຜນຄົນ, ແຜນວຽກແບບໃໝ່, ທັງເຮັດວຽກແບບລວມສູນ ປະຊາທິປະໄຕ ເປັນໝູ່ຄະນະ.
ທີ່ມາ: KPL
ໃນລະຫວ່າງ ການຢ້ຽມຢາມ ຫົວໜ້າພະແນກ ຮສສ ທັງສອງແຂວງ ໄດ້ສະຫລຸບລາຍງານ ໃຫ້ຊາບໂດຍຫຍໍ້ ເຖິງຂໍ້ສະດວກ ແລະ ຂໍ້ຫຍຸ້ງຍາກ ໃນການຈັດຕັ້ງປະຕິບັດ ວຽກງານຂອງຂະແໜງ ຮສສ ໃນໄລຍະຜ່ານມາ, ພ້ອມທັງ ໄດ້ສະເໜີບາງບັນຫາ ທີ່ຍັງຄົງຄ້າງ ຕໍ່ທ່ານຮອງລັດຖະມົນຕີ ເພື່ອຂໍທິດຊີ້ນຳ ໃນການປັບປຸງແກ້ໄຂ. ໂອກາດນີ້, ທ່ານນາງ ໃບຄໍາ ຂັດທິຍະ ໄດ້ເນັ້ນໃຫ້ທ້ອງຖິ່ນ ກໍຄື ພະແນກ ຮສສ ແຂວງ ຈົ່ງພ້ອມກັນສືບຕໍ່ ໃນການຈັດຕັ້ງປະຕິບັດ ທີ່ວຽກງານທີ່ພັກ ແລະ ລັດຖະບານ ມອບໝາຍໃຫ້ຢ່າງຕັ້ງໜ້າ ໂດຍສະເພາະ ວຽກງານແຮງງານ ແລະ ວຽກງານປະກັນສັງຄົມ ເພື່ອໃຫ້ປະເທດຊາດ ກໍໍຄື ປະຊາຊົນລາວ ແລະ ຊາວຕ່າງດ້າວ ໃຫ້ຮັບຮູ້ເຂົ້າໃຈ ກ່ຽວກັບການຈັດຕັ້ງປະຕິບັດ ກົດຫມາຍ ແລະ ຄຳສັ່ງຂອງລັດຖະບານ ວາງອອກຢ່າງເຂັ້ມງວດ ແລະ ຮູ້ວາງແຜນຄົນ, ແຜນວຽກແບບໃໝ່, ທັງເຮັດວຽກແບບລວມສູນ ປະຊາທິປະໄຕ ເປັນໝູ່ຄະນະ.
ທີ່ມາ: KPL
No comments