ລັດອະນຸຍາດໃຫ້ເອກະຊົນ ເກັບເງິນຄ່າຜ່ານທາງເລກ 16
ກຸ່ມບໍລິສັດ ດວງດີກໍ່ສ້າງຂົວ-ທາງ ຈຳກັດຜູ້ດຽວ ໄດ້ຮັບອະນຸຍາດຈາກລັດຖະບານ ໃຫ້ສຳປະທານລົງທຶນກ່ອນ ແລະ ເກັບເງິນຄ່າຜ່ານເສັ້ນທາງເລກທີ 16 ແຕ່ຂົວຂ້າມນ້ຳຂອງລາວ-ຍີ່ປຸ່ນ-ບ້ານຄັນແຍງ-ຊາຍແດນວັງເຕົາ-ຊ່ອງເມັກ ເປັນເສັ້ນທາງທຳອິດຂອງລາວ ໃນໄລຍະ 45 ປີ ເພື່ອເກັບທຶນຄືນໃນການລົງທຶນກໍ່ສ້າງຂະຫຍາຍ ແລະ ປົກປັກຮັກສາ-ສ້ອມແປງເສັ້ນທາງດັ່ງກ່າວໃຫ້ມີຄວາມສວຍງາມ ແລະ ທຽວໄປ-ມາ ໃຫ້ມີຄວາມສະດວກຂຶ້ນກວ່າເກົ່າ ເພື່ອຊອກຫາຈຸດດີຈຸດອ່ອນ ພ້ອມທັງຈະຕົບແຕ່ງເສັ້ນທາງໃຫ້ມີຄວາມຈົບງາມ ແລະ ຕິດຕັ້ງຈຸດເກັບເງິນຖາວອນທີ່ທັນສະໄໝ ສາມາດກວດສອບໄດ້ໃຫ້ສຳເລັດທ້າຍເດືອນທັນວາ 2016 ກ່ອນຈະເປີດນຳໃຊ້ເປັນທາງການ.
ທ່ານ ອຸດອນ ແກ້ວດວງດີ ຜູ້ອຳນວຍການກຸ່ມບໍລິສັດ ດວງດີກໍ່ສ້າງຂົວ-ທາງ ຈຳກັດຜູ້ດຽວ ໄດ້ໃຫ້ສຳພາດວັນທີ 2 ຕຸລາ 2016 ວ່າ: ເສັ້ນທາງເລກທີ 16 ມີຄວາມຍາວ 42 ກິໂລແມັດ ໜ້າທາງກວ້າງ 16-18 ແມັດ ຂົວ 4 ແຫ່ງ ຍາວ 250 ແມັດ ໄດ້ດຳເນີນກໍ່ສ້າງ ແລະ ຂະຫຍາຍ ແຕ່ປີ 2011 ໂດຍມີການເລີກຮື້ຖິ້ມ ແລະ ປູຢາງໃໝ່ ໂດຍໃຊ້ທຶນ 30,83 ລ້ານໂດລາສະຫະລັດ ຫຼື ປະມານ 246,64 ຕື້ກີບ ປັດຈຸບັນ ແມ່ນໄດ້ໃຊ້ມາແລ້ວ 5 ປີ ລັດຖະບານຈຶ່ງໄດ້ຕົກລົງໃຫ້ເກັບຄ່າຜ່ານທາງ ໂດຍໄດ້ເລີ່ມທົດລອງເກັບແຕ່ທ້າຍເດືອນສິງຫາ 2016 ເປັນຕົ້ນມາ ແລະ ຈະດຳເນີນໄປເຖິງທ້າຍປີນີ້ ພາຍຫຼັງເກັບໄລຍະໜຶ່ງກໍ່ພົບບັນຫາຫຍຸ້ງຍາກເພາະປະຊາຊົນຍັງບໍ່ເຂົ້າໃຈ ແຕ່ຜ່ານການອະທິບາຍ ແລະ ຊີ້ແຈງຈາກອຳນາດການປົກຄອງເຖິງເຫດຜົນ ມາຮອດປັດຈຸບັນ ເຫັນວ່າປະຊາຊົນມີຄວາມເຂົ້າໃຈ ແລະ ຕື່ນຕົວເສຍເງິນຢ່າງຄົບຖ້ວນ ສຳລັບລົດຜູ້ນຳພັກ-ລັດ ທະຫານ ຕຳຫຼວດ ໂຮງໝໍ ດັບເພີງ ແລະ ລົດຂົນສົ່ງນັກຮຽນແມ່ນບໍ່ໄດ້ເກັບ ສ່ວນພະນັກງານທີ່ທຽວການປະຈຳວັນທີ່ຢູ່ໃກ້ ແລະ ໄກ ກໍ່ມີນະໂຍບາຍໃຫ້ຢ່າງເໝາະສົມ.
ການລົງທຶນເພື່ອສຳປະທານເສັ້ນທາງນີ້ ແມ່ນເປັນສິ່ງທ້າທາຍສົມຄວນ ການເກັບກູ້ທຶນຄືນກໍ່ໃຊ້ເວລາດົນ ສະນັ້ນ ຈຶ່ງຢາກຮຽກຮ້ອງໃຫ້ທຸກຄົນເຂົ້າໃຈນຳກັນວ່າ ການປະກອບສ່ວນເສຍເງິນຄ່າຜ່ານທາງເສັ້ນນີ້ ຖືວ່າເປັນການປະກອບສ່ວນໃຫ້ພັກ-ລັດ ເພາະໄລຍະການເກັບຄ່າ ທາງບໍລິສັດໄດ້ປະຕິບັດພັນທະອາກອນທຸກຢ່າງຕາມລະບຽບ ເມື່ອທາງເປ່ເພກໍ່ໄດ້ສ້ອມແປງ ແລະ ພາຍຫຼັງໝົດອາຍຸສຳປະທານກໍ່ໄດ້ມອບຄືນໃຫ້ລັດ 100% ໂດຍລັດບໍ່ຕ້ອງໄດ້ລົງທຶນກໍ່ສ້າງ ແລະ ບູລະນະຮັກສາເສັ້ນທາງຕາມການຄິດໄລ່ຂອງກະຊວງ ຍທຂ ແລະ ການອະນຸຍາດຂອງລັດຖະບານ ໃນນີ້ມີ 10 ປະເພດລົດ ລາຄາ 5.000-100.000 ກີບຕໍ່ຄັ້ງ ສຳລັບເສັ້ນທາງເລກທີ 14 (ແຕ່ເສັ້ນທາງເລກທີ 16-ສະຖານທີ່ທ່ອງທ່ຽວວັດພູຈຳປາສັກ) ກໍ່ແມ່ນກຸ່ມບໍລິສັດພວກເຮົາເປັນຜູ້ສຳປະທານ ແລະ ໄດ້ເກັບຄ່າທາງຕາມລາຄາຂອງລັດຖະບານຕົກລົງໃຫ້ເຊັ່ນດຽວກັນ.
ທີ່ມາ: vientianemai
ທ່ານ ອຸດອນ ແກ້ວດວງດີ ຜູ້ອຳນວຍການກຸ່ມບໍລິສັດ ດວງດີກໍ່ສ້າງຂົວ-ທາງ ຈຳກັດຜູ້ດຽວ ໄດ້ໃຫ້ສຳພາດວັນທີ 2 ຕຸລາ 2016 ວ່າ: ເສັ້ນທາງເລກທີ 16 ມີຄວາມຍາວ 42 ກິໂລແມັດ ໜ້າທາງກວ້າງ 16-18 ແມັດ ຂົວ 4 ແຫ່ງ ຍາວ 250 ແມັດ ໄດ້ດຳເນີນກໍ່ສ້າງ ແລະ ຂະຫຍາຍ ແຕ່ປີ 2011 ໂດຍມີການເລີກຮື້ຖິ້ມ ແລະ ປູຢາງໃໝ່ ໂດຍໃຊ້ທຶນ 30,83 ລ້ານໂດລາສະຫະລັດ ຫຼື ປະມານ 246,64 ຕື້ກີບ ປັດຈຸບັນ ແມ່ນໄດ້ໃຊ້ມາແລ້ວ 5 ປີ ລັດຖະບານຈຶ່ງໄດ້ຕົກລົງໃຫ້ເກັບຄ່າຜ່ານທາງ ໂດຍໄດ້ເລີ່ມທົດລອງເກັບແຕ່ທ້າຍເດືອນສິງຫາ 2016 ເປັນຕົ້ນມາ ແລະ ຈະດຳເນີນໄປເຖິງທ້າຍປີນີ້ ພາຍຫຼັງເກັບໄລຍະໜຶ່ງກໍ່ພົບບັນຫາຫຍຸ້ງຍາກເພາະປະຊາຊົນຍັງບໍ່ເຂົ້າໃຈ ແຕ່ຜ່ານການອະທິບາຍ ແລະ ຊີ້ແຈງຈາກອຳນາດການປົກຄອງເຖິງເຫດຜົນ ມາຮອດປັດຈຸບັນ ເຫັນວ່າປະຊາຊົນມີຄວາມເຂົ້າໃຈ ແລະ ຕື່ນຕົວເສຍເງິນຢ່າງຄົບຖ້ວນ ສຳລັບລົດຜູ້ນຳພັກ-ລັດ ທະຫານ ຕຳຫຼວດ ໂຮງໝໍ ດັບເພີງ ແລະ ລົດຂົນສົ່ງນັກຮຽນແມ່ນບໍ່ໄດ້ເກັບ ສ່ວນພະນັກງານທີ່ທຽວການປະຈຳວັນທີ່ຢູ່ໃກ້ ແລະ ໄກ ກໍ່ມີນະໂຍບາຍໃຫ້ຢ່າງເໝາະສົມ.
ການລົງທຶນເພື່ອສຳປະທານເສັ້ນທາງນີ້ ແມ່ນເປັນສິ່ງທ້າທາຍສົມຄວນ ການເກັບກູ້ທຶນຄືນກໍ່ໃຊ້ເວລາດົນ ສະນັ້ນ ຈຶ່ງຢາກຮຽກຮ້ອງໃຫ້ທຸກຄົນເຂົ້າໃຈນຳກັນວ່າ ການປະກອບສ່ວນເສຍເງິນຄ່າຜ່ານທາງເສັ້ນນີ້ ຖືວ່າເປັນການປະກອບສ່ວນໃຫ້ພັກ-ລັດ ເພາະໄລຍະການເກັບຄ່າ ທາງບໍລິສັດໄດ້ປະຕິບັດພັນທະອາກອນທຸກຢ່າງຕາມລະບຽບ ເມື່ອທາງເປ່ເພກໍ່ໄດ້ສ້ອມແປງ ແລະ ພາຍຫຼັງໝົດອາຍຸສຳປະທານກໍ່ໄດ້ມອບຄືນໃຫ້ລັດ 100% ໂດຍລັດບໍ່ຕ້ອງໄດ້ລົງທຶນກໍ່ສ້າງ ແລະ ບູລະນະຮັກສາເສັ້ນທາງຕາມການຄິດໄລ່ຂອງກະຊວງ ຍທຂ ແລະ ການອະນຸຍາດຂອງລັດຖະບານ ໃນນີ້ມີ 10 ປະເພດລົດ ລາຄາ 5.000-100.000 ກີບຕໍ່ຄັ້ງ ສຳລັບເສັ້ນທາງເລກທີ 14 (ແຕ່ເສັ້ນທາງເລກທີ 16-ສະຖານທີ່ທ່ອງທ່ຽວວັດພູຈຳປາສັກ) ກໍ່ແມ່ນກຸ່ມບໍລິສັດພວກເຮົາເປັນຜູ້ສຳປະທານ ແລະ ໄດ້ເກັບຄ່າທາງຕາມລາຄາຂອງລັດຖະບານຕົກລົງໃຫ້ເຊັ່ນດຽວກັນ.
ທີ່ມາ: vientianemai
No comments