ບໍລິສັດ ລາວຊຳຊຸງ ທຸ້ມເງິນ145 ລ້ານກີບ ໃສ່ດ້ານການສຶກສາ
ຂປລ. ໃນວັນທີ 13 ຕຸລາ ນີ້ ທີ່ ນະຄອນຫລວງວຽງຈັນ, ບໍລິສັດ ລາວຊຳຊຸງ ເອເລັກໂຕຣນິກ ຈຳກັດ ມອບເງິນ 17.300 ໂດລາສະຫະລັດ ຫລື ປະມານ 145 ລ້ານກີບ ມອບໃຫ້ອົງການຫ່ວງໃຍຮ່ວມໃຈພັດທະນາ (World Renew Laos) ເພື່ອນຳໄປພັດທະນາ ດ້ານການສຶກສາໃນ 2 ແຂວງພາກເໜືອ ຂອງລາວ ຄື: ແຂວງຜົ້ງສາລີ ແລະ ແຂວງຊຽງຂວາງ. ມອບໂດຍທ່ານ ຊຶງໂຮ ຊອຍ, ຜູ້ຈັດການໃຫຍ່ ປະຈຳລາວ ບໍລິສັດ ລາວຊຳຊຸງ ເອເລັກໂຕຣນິກ ຈຳກັດຜູ້ດຽວ ຮັບໂດຍ ທ່ານ ໄມ້ ເຟັນເນມາ ຜູ້ຕາງໜ້າ ຈາກອົງການຫ່ວງໃຍ ຮ່ວມໃຈພັດທະນາ ແລະ ບັນດາສື່ມວນຊົນ ເຂົ້າຮ່ວມເປັນສັກຂີພິຍານ.
ທ່ານ ໄມ້ ເຟັນເນມາ ເຜີຍໃຫ້ຮູ້ວ່າ: ອົງການຫ່ວງໃຍ ຮ່ວມໃຈພັດທະນາ ເປັນໂຄງການໜຶ່ງທີ່ ສະໜັບສະໜູນ ວຽກງານພັດທະນາ ປະເທດລາວ ເຊິ່ງໄດ້ສຸມໃສ່ ວຽກງານສຶກສາ, ສາທາລະນະສຸກ, ສຸຂະພິບານ, ກະສິກຳ ແລະ ຄວາມໝັ້ນຄົງ ທາງດ້ານສະບຽງອາຫານ ແລະ ການສ້າງຄວາມສາມາດ ໃນການເປັນຜູ້ນຳ ຂອງຊຸມຊົນທ້ອງຖິ່ນ ເຊິ່ງ ປັດຈຸບັນ ດຳເນີນໂຄງການຢູ່ 2 ແຂວງ ຄື: ແຂວງຊຽງຂວງ ແລະ ແຂວງຜົ້ງສາລີ. ສຳລັບແຂວງ ຊຽງຂວາງ ມີເມືອງໜອງແຮດ, ເມືອງຄຳ ແລະ ເມືອງຄູນ, ປະກອບມີ 37 ບ້ານ, ຫລາຍກວ່າ14.000 ຄົນ ເຂົ້າຮ່ວມໂຄງການ, ສ່ວນແຂວງຜົ້ງສາລີ ປະກອບມີ 17 ບ້ານ ໃນເມືອງໃໝ່ ເຂົ້າຮ່ວມໂຄງການ ຫລາຍກວ່າ 3.000 ຄົນ.
ທ່ານ ຊຶງໂຮ ຊອຍ ກ່າວວ່າ: ບໍລິສັດ ລາວຊຳຊຸງ ເອເລັກໂຕຣນິກ ຈຳກັດຜູ້ດຽວ ມີຄວາມຸ່ງໝັ້ນ ໃນການສົ່ງເສີມການພັດທະນາ ແບບຍືນຍົງ ລວມເຖິງການປ່ຽນແປງຊີວິດ, ການເປັນຢູ່ຂອງປະຊາຊົນ ໃຫ້ດີຂຶ້ນ ໂດຍສະໜັບສະໜູນ ດ້ານການສຶກສາ, ສຸຂະອະນາໄມ ແລະ ພັດທະນາຊຸມຊົນ ດ້ວຍຫລາຍວິທີ ບໍ່ພຽງແຕ່ເນັ້ນສ້າງຜົນກຳໄລ ໃຫ້ບໍລິສັດເທົ່ານັ້ນ ແຕ່ຍັງຄືນກຳໄລ ໃຫ້ກັບສັງຄົມອີກດ້ວຍ.
ທີ່ມາ: KPL
ທ່ານ ໄມ້ ເຟັນເນມາ ເຜີຍໃຫ້ຮູ້ວ່າ: ອົງການຫ່ວງໃຍ ຮ່ວມໃຈພັດທະນາ ເປັນໂຄງການໜຶ່ງທີ່ ສະໜັບສະໜູນ ວຽກງານພັດທະນາ ປະເທດລາວ ເຊິ່ງໄດ້ສຸມໃສ່ ວຽກງານສຶກສາ, ສາທາລະນະສຸກ, ສຸຂະພິບານ, ກະສິກຳ ແລະ ຄວາມໝັ້ນຄົງ ທາງດ້ານສະບຽງອາຫານ ແລະ ການສ້າງຄວາມສາມາດ ໃນການເປັນຜູ້ນຳ ຂອງຊຸມຊົນທ້ອງຖິ່ນ ເຊິ່ງ ປັດຈຸບັນ ດຳເນີນໂຄງການຢູ່ 2 ແຂວງ ຄື: ແຂວງຊຽງຂວງ ແລະ ແຂວງຜົ້ງສາລີ. ສຳລັບແຂວງ ຊຽງຂວາງ ມີເມືອງໜອງແຮດ, ເມືອງຄຳ ແລະ ເມືອງຄູນ, ປະກອບມີ 37 ບ້ານ, ຫລາຍກວ່າ14.000 ຄົນ ເຂົ້າຮ່ວມໂຄງການ, ສ່ວນແຂວງຜົ້ງສາລີ ປະກອບມີ 17 ບ້ານ ໃນເມືອງໃໝ່ ເຂົ້າຮ່ວມໂຄງການ ຫລາຍກວ່າ 3.000 ຄົນ.
ທ່ານ ຊຶງໂຮ ຊອຍ ກ່າວວ່າ: ບໍລິສັດ ລາວຊຳຊຸງ ເອເລັກໂຕຣນິກ ຈຳກັດຜູ້ດຽວ ມີຄວາມຸ່ງໝັ້ນ ໃນການສົ່ງເສີມການພັດທະນາ ແບບຍືນຍົງ ລວມເຖິງການປ່ຽນແປງຊີວິດ, ການເປັນຢູ່ຂອງປະຊາຊົນ ໃຫ້ດີຂຶ້ນ ໂດຍສະໜັບສະໜູນ ດ້ານການສຶກສາ, ສຸຂະອະນາໄມ ແລະ ພັດທະນາຊຸມຊົນ ດ້ວຍຫລາຍວິທີ ບໍ່ພຽງແຕ່ເນັ້ນສ້າງຜົນກຳໄລ ໃຫ້ບໍລິສັດເທົ່ານັ້ນ ແຕ່ຍັງຄືນກຳໄລ ໃຫ້ກັບສັງຄົມອີກດ້ວຍ.
ທີ່ມາ: KPL
No comments