ພະຍາດ ອະຫິວາ ລະບາດໜັກ ຢູ່ໄຮຕິ ເສຍຊີວິດ 12 ຄົນ

ຂປລ. ຕາມ​ຂ່າວ ຕ່າງປະ​ເທດ, ວັນ​ທີ12 ຕຸລາ2016, ພະຍາດ ອະຫິວາ ພວມ ລະບາດ ຢ່າງໜັກ ໃນໄຮຕິ ເຮັດໃຫ້ ມີຜູ້ເສຍຊີວິດ 12 ຄົນ ແລະ ຕິດ​ເຊື້ອອີກ 100 ກວ່າ​ຄົນ ພາຍຫລັງ ຮັບຜົນກະທົບ ຈາກ ພາຍຸ ​ເຮີ​ລິ​ເຄນ ​ແມ​ທິວ ເຮັດ​ໃຫ້ ມີ​ຜູ້​ເສຍ​ຊີວິດ1.000 ກວ່າ​ຄົນ​. ປັດຈຸບັນ ປະຊາຊົນ1,4 ລ້ານຄົນ ພວມ ຕ້ອງ​ການ ​ຄວາມ​ຊ່ວຍ​ເຫລືອ ດ້ານ ​ມະນຸດສະທຳ ໂດຍສະເພາະ ດ້ານສະບຽງ​ອາຫານ, ນໍ້າ​ດື່ມ, ຢາ​ປິ່ນປົວ ພະຍາດ ແລະ ການຊ່ວຍເຫລືອ ອື່ນໆ ຈາກ ປະຊາ​ຄົມ​ໂລກ.