ນວ ເລັ່ງຜະລິດກະສິກຳເປັນສິນຄ້າ ເພື່ອຄ້ຳປະກັນສະບຽງອາຫານ

ແນ­ໃສ່​ເຮັດ​ໃຫ້​ວຽກ​ງານ​ການ​ຄົ້ນ­ຄວ້າ​ກະ­ສິ­ກຳ ແລະ​ປ່າ­ໄມ້ ຂອງ​ສະ​ຖາ​ບັນ​ຄົ້ນ­ຄວ້າ​ກະ­ສິ­ກຳ ແລະ​ປ່າ­ໄມ້​ແຫ່ງ​ຊາດ​ເປັນ​ໄປ​ຕາມ ແຜນ­ການ ແລະ​ແນວ­ທາງ​ຂອງ ລັດ­ຖະ­ບານ, ນະ­ຄອນ­ຫຼວງ​ວຽງ ຈັນ ໄດ້​ເລັ່ງ​ຜະ­ລິດ​ກະ­ສິ­ກຳ​ໃຫ້ ກາຍ­ເປັນ​ສິນ­ຄ້າ​ທັງ​ນີ້​ກໍ​ເພື່ອ​ຄ້ຳ­ປະ­ກັນ​ສະ­ບຽງ​ອາ­ຫານ​ໃນ​ອະ­ນາ­ຄົດ.


ອີງ​ຕາມ​ຂໍ້​ມູນ​ແຜນ­ການ​ພັດ ທະ​ນາ​ຂົງ­ເຂດ​ເສດ­ຖະ­ກິດ​ຮູ້​ວ່າ: ຂະ­ແໜງ​ກະ­ສິ­ກຳ-ປ່າ­ໄມ້, ນະ­ຄອນ ຫຼວງ​ວຽງ​ຈັນ​ໃນ​ສົກ​ປີ 2015-2016, ຕ້ອງ​ໄດ້​ສືບ­ຕໍ່​ຮັກ­ສາ​ລະ­ດັບ​ຄົງ​ຕົວ​ຂອງ​ອັດ­ຕາ​ສະ­ເລ່ຍ​ຜົນ ຜະ­ລິດ​ສະ­ບຽງ​ອາ­ຫານ​ຕໍ່​ຫົວ​ຄົນ ໃຫ້​ຢູ່​ໃນ​ລະ­ດັບ​ທີ່​ແນ່­ນອນ​ຄື: ຜະ ລິດ​ໃຫ້​ໄດ້​ເຂົ້າ 350-400 ກິ​ໂລ​ຕໍ່ ຄົນ, ຕໍ່​ປີ ແລະ​ຕ້ອງ​ສູ້​ຊົນ​ແກ້​ໄຂ​ໃຫ້ ໄດ້​ໂດຍ​ພື້ນ­ຖານ​ກ່ຽວ​ກັບ​ຄວາມ​ຕ້ອງ­ການ​ພືດ​ຜັກ​ສົດ 90-100 ກິ​ໂລ​ຕໍ່​ຄົນ, ຕໍ່​ປີ, ໝາກ​ໄມ້​ສົດ 40-50 ກິ​ໂລ​ຕໍ່​ຄົນ, ຕໍ່​ປີ, ສຳ­ລັບ​ທາດ ຊີ້ນ,ປາ,ໄຂ່ 55,5 ກິ​ໂລ​ຕໍ່​ຄົນ, ຕໍ່ ປີ ແລະ​ພ້ອມ​ດຽວ​ກັນ​ນັ້ນ​ຈະ​ຕ້ອງ ສູ້​ຊົນ​ເຮັດ​ໃຫ້​ລະ­ດັບ​ການ​ຂະ ຫຍາຍ​ຕົວ​ຂອງ​ຝູງ​ສັດ​ໃຫ້​ບັນ­ລຸ​ໄດ້ 35% ຕໍ່​ປີ.

ສຳ­ລັບ​ຜົນ​ຂອງ​ການ­ຈັດ­ຕັ້ງ ປະ­ຕິ­ບັດ ໂຄງ­ການ​ຄ້ຳ­ປະ­ກັນ​ສະ ບຽງ​ອາ­ຫານ ແລະ​ໂຄງ­ການ​ສົ່ງ ເສີມ​ການ​ຜະ­ລິດ​ເປັນ​ສິນ­ຄ້າ​ຕະຫຼອດ​ໄລ­ຍະ​ຜ່ານ​ມາ ໂດຍ​ສະ­ເພາະ ການ​ຜະ­ລິດ​ເຂົ້າ ແລະ​ສັດ ມາ​ຮອດ ປະ­ຈຸ​ບັນ​ການ​ປູກ​ເຂົ້າ​ອິນ​ຊີ​ແມ່ນ​ມີ 10 ກຸ່ມ, 583 ຄອບ­ຄົວ​ໃນ​ນີ້​ເມືອງ ສັງ​ທອງ​ເຂົ້າ​ຮ່ວມ​ໂຄງ­ການ​ສາ ມາດ​ປູກ​ໄດ້ 870 ເຮັກ­ຕາ,ໃນ​ນັ້ນ ໄດ້​ຜ່ານ​ການ​ກວດ­ກາ​ຢັ້ງ­ຢືນ​ຈາກ ກົມ​ປູກ­ຝັງ​ມີ 284 ຄອບ­ຄົວ, ເນື້ອ ທີ່ 396,6 ເຮັກ­ຕາ ແລະ​ຜົນ​ຜະ­ລິດ 1.7 68,83 ໂຕນ, ສ່ວນ​ການ ປູກ​ພືດ​ຜັກ​ອິນ​ຊີ​ແມ່ນ​ມີ​ເນື້ອ­ທີ່ ການ​ຜະ­ລິດ 176,9 ເຮັກ­ຕາ ແລະ ໄດ້​ປະ­ຕິ­ບັດ​ຢູ່​ໃນ 6 ເມືອງ​ຄື: ເມືອງ​ຫາດ​ຊາຍ​ຟອງ, ໄຊ​ເສດ​ຖາ, ສີ​ໂຄດ​ຕະ­ບອງ, ນາ​ຊາຍ​ທອງ, ໄຊທາ­ນີ ແລະ​ເມືອງ​ປາກ​ງື່ມ, ປະ­ຈຸ ບັນ​ມີ​ຄອບ­ຄົວ​ປູກ​ພືດ​ຜັກ ແລະ​ໄມ້ ກິນ​ໝາກ​ອິນ​ຊີ​ຈຳ­ນວນ 17 ກຸ່ມ, ມີ 313 ຄອບ­ຄົວ ແລະ​ສາ­ມາດ ຜະ­ລິດ​ພືດ​ຜັກ​ກິນ​ໃບ, ກິນ​ຫົວ, ກິນ​ໝາກ, ຜັກ​ກິນ​ດອກ ແລະ​ໝາກ​ໄມ້ ຈຳ­ນວນ​ໜຶ່ງ.

ທີ່ມາ: www.sedthakid.la/