ຍີ່ປຸ່ນ ສະໜັບສະໜູນການເຊື່ອມຈອດອາຊຽນ
ກອງປະຊຸມສຸດຍອດອາຊຽນ-ຍີ່ປຸ່ນ ຄັ້ງທີ 19 ຈັດຂຶ້ນວັນທີ 7 ກັນຍາ 2016 ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ ໂດຍເປັນປະທານຂອງທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ມີທ່ານ ຊິນໂຊະ ອາເບະ ນາຍົກລັດຖະມົນຕີຍີ່ປຸ່ນ ບັນດາປະມຸກລັດ ຫົວໜ້າລັດຖະບານຈາກປະເທດສະມາຊິກອາຊຽນເຂົ້າຮ່ວມ ເຊິ່ງບັນດາຜູ້ນຳໄດ້ຕີລາຄາສູງຕໍ່ການຮ່ວມມືອາຊຽນ-ຍີ່ປຸ່ນ ໄດ້ຮັບຜົນສຳເລັດຫຼາຍດ້ານ ໂດຍສະເພາະ ການຈັດຕັ້ງປະຕິບັດຖະແຫຼງການ ວິໄສທັດອາຊຽນ-ຍີ່ປຸ່ນ ວ່າດ້ວຍມິດຕະພາບ-ການຮ່ວມມື ລວມທັງກິດຈະກຳຕ່າງໆ.
ຜູ້ນຳອາຊຽນສະແດງຄວາມຂອບໃຈ ຕໍ່ການປະກອບສ່ວນເຂົ້າໃນການສ້າງຕັ້ງປະຊາຄົມອາຊຽນຂອງຍີ່ປຸ່ນ ໂດຍສະເພາະ ການຊ່ວຍເຫຼືອດ້ານການພັດທະນາຊັບພະຍາກອນມະນຸດ ສ້າງຂີດຄວາມສາມາດໃຫ້ວິສາຫະກິດຂະໜາດນ້ອຍ-ກາງ ການຈັດຕັ້ງປະຕິບັດແຜນແມ່ບົດອາຊຽນ ແລະ ຂໍ້ລິເລີ່ມເພື່ອການເຊື່ອມຈອດອາຊຽນ ໃນກອງປະຊຸມຄັ້ງນີ້ ຍີ່ປຸ່ນໄດ້ໃຫ້ຄຳໝັ້ນສັນຍາຈະສືບຕໍ່ໃຫ້ການຊ່ວຍເຫຼືອ ສະໜັບສະໜູນການເຊື່ອມຈອດອາຊຽນ ລວມທັງການຮັດແຄບຄວາມແຕກໂຕນພາຍໃນອາຊຽນ ໂດຍຜ່ານການຈັດຕັ້ງປະຕິບັດແຜນແມ່ບົດ ເພື່ອການເຊື່ອມຈອດອາຊຽນ 2025 ແລະ ວຽກງານຂໍ້ລິເລີ່ມເພື່ອເຊື່ອມໂຍງອາຊຽນໄລຍະສາມ (2016-2020) ລວມທັງຂໍ້ລິເລີ່ມໃໝ່ຂອງຍີ່ປຸ່ນ ໃນການເປັນຄູ່ຮ່ວມເພື່ອພັດທະນາພື້ນຖານໂຄງລ່າງທີ່ໄດ້ມາດຕະຖານ ແລະ ການສະໜອງທຶນໃຫ້ແກ່ການພັດທະນາພື້ນຖານໂຄງລ່າງໃນພາກພື້ນ.
ຍີ່ປຸ່ນ ຍິນດີໃຫ້ການຊ່ວຍເຫຼືອໃນດ້ານການພັດທະນາຊັບພະຍາກອນມະນຸດ ສາທາລະນະສຸກ ແມ່ຍິງ-ເດັກນ້ອຍ ການສຶກສາ ນະວັດຕະກຳ ແລະ ອື່ນໆ ນອກນີ້ ຜູ້ນຳອາຊຽນ-ຍີ່ປຸ່ນ ຍັງໄດ້ແລກປ່ຽນຄຳຄິດຄຳເຫັນຢ່າງກົງໄປກົງມາ ສ້າງສັນຍາກ່ຽວກັບບັນຫາພາກພື້ນ-ສາກົນທີ່ມີຄວາມສົນໃຈ ແລະ ເປັນຫ່ວງເຖິງສິ່ງທ້າທາຍ ຄວາມໝັ້ນຄົງທີ່ກ່ຽວຂ້ອງ ເຊັ່ນ: ການກໍ່ການຮ້າຍ ລັດທິຫົວຮຸນແຮງ ໄພພິບັດທຳມະຊາດ ການປ່ຽນແປງດິນຟ້າອາກາດ ແລະ ອື່ນໆ.
ຜູ້ນຳອາຊຽນສະແດງຄວາມຂອບໃຈ ຕໍ່ການປະກອບສ່ວນເຂົ້າໃນການສ້າງຕັ້ງປະຊາຄົມອາຊຽນຂອງຍີ່ປຸ່ນ ໂດຍສະເພາະ ການຊ່ວຍເຫຼືອດ້ານການພັດທະນາຊັບພະຍາກອນມະນຸດ ສ້າງຂີດຄວາມສາມາດໃຫ້ວິສາຫະກິດຂະໜາດນ້ອຍ-ກາງ ການຈັດຕັ້ງປະຕິບັດແຜນແມ່ບົດອາຊຽນ ແລະ ຂໍ້ລິເລີ່ມເພື່ອການເຊື່ອມຈອດອາຊຽນ ໃນກອງປະຊຸມຄັ້ງນີ້ ຍີ່ປຸ່ນໄດ້ໃຫ້ຄຳໝັ້ນສັນຍາຈະສືບຕໍ່ໃຫ້ການຊ່ວຍເຫຼືອ ສະໜັບສະໜູນການເຊື່ອມຈອດອາຊຽນ ລວມທັງການຮັດແຄບຄວາມແຕກໂຕນພາຍໃນອາຊຽນ ໂດຍຜ່ານການຈັດຕັ້ງປະຕິບັດແຜນແມ່ບົດ ເພື່ອການເຊື່ອມຈອດອາຊຽນ 2025 ແລະ ວຽກງານຂໍ້ລິເລີ່ມເພື່ອເຊື່ອມໂຍງອາຊຽນໄລຍະສາມ (2016-2020) ລວມທັງຂໍ້ລິເລີ່ມໃໝ່ຂອງຍີ່ປຸ່ນ ໃນການເປັນຄູ່ຮ່ວມເພື່ອພັດທະນາພື້ນຖານໂຄງລ່າງທີ່ໄດ້ມາດຕະຖານ ແລະ ການສະໜອງທຶນໃຫ້ແກ່ການພັດທະນາພື້ນຖານໂຄງລ່າງໃນພາກພື້ນ.
ຍີ່ປຸ່ນ ຍິນດີໃຫ້ການຊ່ວຍເຫຼືອໃນດ້ານການພັດທະນາຊັບພະຍາກອນມະນຸດ ສາທາລະນະສຸກ ແມ່ຍິງ-ເດັກນ້ອຍ ການສຶກສາ ນະວັດຕະກຳ ແລະ ອື່ນໆ ນອກນີ້ ຜູ້ນຳອາຊຽນ-ຍີ່ປຸ່ນ ຍັງໄດ້ແລກປ່ຽນຄຳຄິດຄຳເຫັນຢ່າງກົງໄປກົງມາ ສ້າງສັນຍາກ່ຽວກັບບັນຫາພາກພື້ນ-ສາກົນທີ່ມີຄວາມສົນໃຈ ແລະ ເປັນຫ່ວງເຖິງສິ່ງທ້າທາຍ ຄວາມໝັ້ນຄົງທີ່ກ່ຽວຂ້ອງ ເຊັ່ນ: ການກໍ່ການຮ້າຍ ລັດທິຫົວຮຸນແຮງ ໄພພິບັດທຳມະຊາດ ການປ່ຽນແປງດິນຟ້າອາກາດ ແລະ ອື່ນໆ.
No comments