ຂອງສັນຂອງຄູບາ ຕ້ອງກວດກາໃຫ້ຄັກໆ
ນັກບວດ ຫຼື ຄູບາອາຈານນັ້ນ ເພິ່ນຢູ່ໃນສິນກິນໃນທຳ ນອກຈາກສິນ 227 ຂໍ້ສຳລັບຄູບາ ແລະ ສິບຂໍ້ສຳລັບສຳມະເນນແລ້ວ ກໍ່ຍັງມີຫຼັກການປະພຶດອື່ນໆອີກທີ່ຈະຕ້ອງປະຕິບັດຢ່າງເຄັ່ງຄັດ ໃນນັ້ນ ການສັນ (ກິນ) ອາຫານ ກໍ່ຕ້ອງມີການສັງລວມ ບໍ່ໃຊ້ສຽງດັງ ບໍ່ຍົກຕ່ອນຂຶ້ນມາກັດ ຫຼື ແຫ້ນ ບໍ່ໃຫ້ມີສຽງດັງຈິບໆຈັບໆ ດັ່ງນັ້ນ ການເຮັດອາຫານໄປເຄນຄູບານັ້ນ ຕ້ອງໄດ້ເອົາໃຈໃສ່ເປັນພິເສດ ບໍ່ໃຫ້ເຮັດຕ່ອນໃຫຍ່ ຕ້ອງເຮັດພໍດີຄຳ ອາຫານປະເພດເສັ້ນ (ເຂົ້າປຸ້ນ-ໝີ່) ກໍ່ຕ້ອງຕັດເສັ້ນໃຫ້ສັ້ນ ອ່ອມຫອຍຈູບບໍ່ຄວນເອົາໄປເຄນ ຄູບາ ເພາະເວລາຈູບຈະມີສຽງດັງ ບໍ່ສຸພາບ ທີ່ເລົ່າມານີ້ຢູ່ບ້ານເກີດຂອງຜູ້ຂຽນປະຕິບັດຢ່າງເຄັ່ງຄັດ ດັ່ງນັ້ນ ອາຫານເຄນຄູບາ ນອກຈາກເຮັດຕ່ອນໃຫ້ພໍດີຄຳແລ້ວ ຍັງບໍ່ຄວນໃສ່ຖ້ວຍຈົນລົ້ນ ທຸກສິ່ງທຸກຢ່າງຕ້ອງໃຫ້ພໍດີພໍງາມວ່າຊັ້ນ!.
ໂດຍ: ສາວສິ້ນແຕ້ມ
ໂດຍ: ສາວສິ້ນແຕ້ມ
No comments