ລາວ ຮ່ວມ​ກຸ່ມ​ແຊັມ​ເກົ່າ ບານ­ເຕະ ຢູ-19 ຊີງ​ແຊັມ​ອາ​ຊຽນ

ການ​ແຂ່ງ­ຂັນ​ບານ­ເຕະ​ຊາຍ ຊີງ​ແຊັມ​ອາ​ຊຽນ 2016 ຮຸ່ນ​ອາ­ຍຸ​ບໍ່​ເກີນ 19 ປີ (AFF U19 CHAMPIONSHIP 2016) ທີ່​ນະ­ຄອນ­ຫຼວງ​ຮ່າ​ໂນ້ຍ ສສ ຫວຽດ­ນາມ ໃນ​ລະ­ຫວ່າງ​ວັນ​ທີ 11-24 ກັນ­ຍາ 2016 ໂດຍ​ຫຼ້າ​ສຸດ​ໄດ້​ມີ​ການ​ຈົກ​ສະ­ຫຼາກ​ແບ່ງ​ກຸ່ມ​ເປັນ​ທີ່​ຮຽບ​ຮ້ອບ​ແລ້ວ ເຊິ່ງ​ມີ 11 ປະ­ເທດ​ເຂົ້າ​ຮ່ວມ​ແບ່ງ​ອອກ​ເປັນ 2 ກຸ່ມ ປະ­ກົດ​ວ່າ: ກຸ່ມ A: ສສ ຫວຽດ­ນາມ (ເຈົ້າ­ພາບ) ມາ​ເລ​ເຊຍ ຕີ​ມໍ ເລ​ສ​ເຕ ສິງ­ກະ­ໂປ ແລະ ຟີ​ລິບ​ປິນ ສ່ວນ ກຸ່ມ B: ໄທ (ແຊັມ​ເກົ່າ) ສສປ ລາວ ມຽນ​ມາ ອົດ​ສະ​ຕຣາ​ລີ ກຳ­ປູ­ເຈຍ ແລະ ອິນ​ໂດ​ເນ​ເຊຍ.

ສ່ວນ​ຕາ­ຕະ­ລາງ​ການ​ແຂ່ງ­ຂັນ ຂອງ​ທີມ​ຊາດ​ລາວ ຢູ-19 ນັດ​ທີ 1 ວັນ​ທີ 12 ກັນ­ຍາ ເວ­ລາ 16:00 ໂມງ ພົບ ທີມ​ຊາດ​ໄທ ແຂ່ງ­ຂັນ​ຢູ່​ທີ່​ສະ­ໜາມ Hang Day ນັດ​ທີ 2 ວັນ​ທີ 14 ກັນ­ຍາ ເວ­ລາ 16:00 ໂມງ ພົບ ທີມ​ຊາດ​ກຳ­ປູ­ເຈຍ ແຂ່ງ­ຂັນ​ຢູ່​ທີ່​ສະ­ໜາມ Youth Football Training Centre 3 ນັດ​ທີ 3 ວັນ​ທີ 16 ກັນ­ຍາ ເວ­ລາ 19:00 ໂມງ ພົບ ທີມ​ຊາດ​ມຽນ​ມາ ແຂ່ງ­ຂັນ​ຢູ​ທີ່​ສະ­ຫນາມ Hang Dayນັດ​ທີ 4 ວັນ​ທີ 18 ກັນ­ຍາ ເວ­ລາ 16:00 ໂມງ ພົບ ທີມ​ຊາດ​ອິນ​ໂດ​ເນ​ເຊຍ ແຂ່ງ­ຂັນ​ຢູ່​ທີ່​ສະ­ໜາມ Youth Football Training Centre 3 ແລະ ນັດ​ສຸດ​ທ້າຍ​ຂອງ​ຮອບ​ແບ່ງ​ກຸ່ມ ວັນ​ທີ 20 ກັນ­ຍາ 2016 ເວ­ລາ 16:00 ໂມງ ພົບ ທີມ​ຊາດ​ອົດ​ສະ​ຕຣາ​ລີ ແຂ່ງ­ຂັນ​ຢູ່​ທີ່​ສະ­ໜາມ Youth Football Training Centre 3.

ທີ່ມາ: www.vientianemai.net/