ມາຮູ້ຈັກກັບລາຍການຜະລິດຕະພັນໄມ້ທຳມະຊາດ ແລະ ໄມ້ປູກທີ່ລັດຖະບານອະນຸຍາດ ແລະ ຫ້າມສົ່ງອອກ

ກອງປະຊຸມນາຍົກ- ຮອງນາຍົກລັດຖະມົນຕີ ໃນທ້າຍເດືອນ ສິງຫາຜ່ານມາ ໄດ້ຕົກລົງຮັບຮອງ ໂດຍຫລັກການຕໍ່ ການສະເໜີ ຂອງກະຊວງ ອຸດສາຫະກຳ ແລະການຄ້າ ກ່ຽວກັບລາຍການ ຜະລິດຕະພັນໄມ້ ທີ່ອະນຸມັດ ໃຫ້ສົ່ງອອກ ແລະ ຫ້າມສົ່ງອອກດັ່ງນີ້:

* ອະນຸມັດໃຫ້ສົ່ງອອກ

- ຜະລິດຕະພັນໄມ້ຂີ້ເລ່ືອຍອັດແທ່ງ ແລະ ອັດເມັດ

-ຜະລິດຕະພັນຖ່ານໄມ້ (ຖ່ານຂາວ)

- ຜະລິດຕະພັນໄມ້ປັກເກ້,ໄມ້ປູ ພື້ນສຳລັບພາຍໃນ

- ຜະລິດຕະພັນໄມ້ອັດ

-ເຄື່ອງໃຊ້ສອຍທີ່ເຮັດດ້ວຍໄມ້

-ຜະລິດຕະພັນໄມ້ປະກອບໃນອາຄານ

-ເຄື່ອງຫັດຖະກຳທີ່ເຮັດດ້ວຍໄມ້

-ເຄື່ອງເຟີນີເຈີເຮັດດ້ວຍໄມ້

-ຜະລິດຕະພັນທີ່ເຮັດດ້ວຍໄມ້ໄຜ່ ແລະ ຫວາຍ

-ໄມ້ປູກສຳລັບເຮັດໄມ້ຄ້ຳແບບ, ໄມ້ຮົ້ວ, ໄມ້ຂ້າວ, ໄມ້ວິກ ແລະ ໄມ້ກະຖິນນະລົງ ທີ່ມີໜ້າຕ້າງ 12 ຊັ ຕີແມັດ ລົງມາລວມທັງ ຜະລິດຕະພັນໄມ້ ທຸກຊະນິດ

-ຜະລິດຕະພັນເຫຍື່ອໄມ້ຈາໄມ້ປູກ

-ໄມ້ເກດສະໜາທີ່ສັບເປັນປ່ຽງນ້ອຍໆ ແລະ ບົດເປັນຝຸ່ນ

- ໄມ້ປ່ອງ ແລະ ຜະລິດຕະພັນໄມ້ປ່ອງ.

ສຳລັບປະເພດ ຜະລິດຕະພັນໄມ້ທຳມະຊາດ ຫລື ໄມ້ປູກທີ່ຫ້າມສົ່ງອອກ ປະກອບມີ:

ລາຍການໄມ້ ແລະ ຜະລິດຕະພັນໄມ້ ທຸກປະເພດ ທີ່ບໍ່ໄດ້ບັນຈຸ ຢູ່ໃນລາຍການ (ບັນຊີ) ຜະລິດຕະພັນໄມ້ ເພື່ອສົ່ງອອກຂອງ ສປປ ລາວ ແມ່ນຫ້າມສ່ົງອອກ.ຕົວຢ່າງ: ລາຍການ(ບັນຊີ) ຜະລິດຕະພັນໄມ້ ທີ່ຫ້າມສົ່ງອອກ ຈຳນວນໜຶ່ງດັ່ງນີ້:

- ຜະລິດຕະພັນໄມ້ເສົາໂຊ

- ຜະລິດຕະພັນໄມ້ໂຕະ, ຕັ່ງ ທີ່ເປັນໜ້າໄມ້ທຳມະຊາດແຜ່ນດຽວທີ່ມີຂະໜາດໃຫຍ່

- ຜະລິດຕະພັນຂຽງຂະໜາດໃຫຍ່

- ຜະລິດຕະພັນໄມ້ເສົາ ແລະ ຄານອັດປະສານ

- ໄມ້ປູກທີ່ເປັນລຳຕົ້ນຂະໜາດໃຫຍ່ (ມີຂະໜາດໜ້າຕ້າງ 12 ຊັງ ຕີແມັດຂຶ້ນໄປ)

-ຖ່ານດຳທຸກຊະນິດ

-ໄມ້ປູກພື້ນສຳລັບພາຍນອກ, ໄມ້ບົວ

-ໄມ້ປະກອບຖັງລົດ, ໂລງສົບ

- ລູກຕິ່ງ, ຮາວພະນັກ, ຮາວ ພະນັກອັດເຊ່ືອມຕໍ່ປະສານ.