ສ ເກົາຫຼີ ແລະ ສ ອາເມຣິກາ ບໍ່ບັນລຸຂໍ້ຕົກລົງກ່ຽວກັບການດັດແກ້ FTA ແບບສອງຝ່າຍ
ກ່ອນໜ້ານັ້ນໃນວັນດຽວກັນ ລັດຖະມົນຕີການຄ້າ ສ ເກົາຫຼີ ກິມ ຮູນຈົງ ກ່າວຕໍ່ກອງປະຊຸມສະພາແຫ່ງຊາດຂອງປະເທດນີ້ ໂດຍຫວັງວ່າ KORUS FTA ຈະໄດ້ຮັກສາໄວ້ໃນສະພາບທີ່ມີຢູ່ແລ້ວ.
ການເຈລະຈາເພື່ອດັດແກ້ KORUS FTA ໄດ້ເລີ່ມຂຶ້ນດ້ວຍການປະຊຸມຜ່ານເຄືອຂ່າຍອິນເຕີເນັດ ແກ່ຍາວເປັນເວລາ 30 ນາທີ ລະຫວ່າງທ່ານ ກິມ ຮູນຈົງ ກັບຜູ້ແທນການຄ້າ ສ ອາເມຣິກາ ໂຣເບີດ ໄລທີເຊີ ຫຼັງຈາກນັ້ນກໍແມ່ນການພົບປະໂດຍກົງລະຫວ່າງ ນາງ ຢູ ມຽງຮຸຍ ກັບທ່ານ ຈາມີສັນ ເກຣເອີ ຄູ່ຮ່ວມຕຳແໜ່ງຈາກ ສ ອາເມຣິກາ ໂດຍຈັດຂຶ້ນທີ່ນະຄອນຫຼວງເຊອູນ ຂອງ ສ ເກົາຫຼີ.
KORUS FTA ມີຜົນບັງຄັບໃຊ້ມາແຕ່ປີ 2012 ແລະ ຖືວ່າເປັນສັນຍະລັກທີ່ເຮັດໃຫ້ໃຫ້ການພົວພັນທາງດ້ານເສດຖະກິດ ລະຫວ່າງ ສ ເກົາຫຼີ ກັບ ສ ອາເມຣິກາ ມີຄວາມເລິກເຊິ່ງຂຶ້ນ ແຕ່ວ່າປະທານາທິບໍດີ ສ ອາເມຣິກາ ເອີ້ນເອກະສານດັ່ງກ່າວວ່າເປັນ “ໄພພິບັດ” ແລະ ໃຫ້ສັນຍາທີ່ຈະມີການດັດແກ້.
ມູນຄ່າການຄ້າສອງຝ່າຍ ສ ເກົາຫຼີ-ສ ອາເມຣິກາ ໄດ້ເພີ່ມຂຶ້ນຈາກ 100,8 ຕື້ໂດລາສະຫະລັດ ໃນປີ 2011 ເປັນ 109,6 ຕື້ໂດລາສະຫະລັດໃນປີ 2016 ໂດຍທີ່ເກີນດຸນການຄ້າຂອງ ສ ເກົາຫຼີ ບັນລຸປະມານ 27 ຕື້ໂດລາສະຫະລັດ ໃນປີ 2016 ເພີ່ມຂຶ້ນຢ່າງແຮງເມື່ອທຽບໃສ່ຕົວເລກ 11,6 ຕື້ໂດລາສະຫະລັດ ເມື່ອກ່ອນໜ້ານັ້ນ 5 ປີ.
No comments