ຍົກລະດັບຄວາມຮູ້ ໃຫ້ພະນັກງານ ວິເຄາະການແພດ
ຂປລ. ເມື່ອບໍ່ດົນມານີ້, ພາກວິຊາວິເຄາະການແພດ ຄະນະເຕັກນິກການແພດ ມະຫາວິທະຍາໄລ ວິທະຍາສາດ ສຸຂະພາບ ໄດ້ຈັດຊຸດອົບຮົມກ່ຽວກັບ ວຽກງານວິເຄາະ ໃຫ້ແກ່ແພດ 9 ຕົວເມືອງ ໃນ ນະຄອນຫລວງວຽງຈັນ ແລະ 3 ຕົວເມືອງ ຂອງແຂວງວຽງຈັນ ຢູ່ຫ້ອງວ່າການປົກຄອງ ເມືອງວັງວຽງ ແຂວງວຽງຈັນ, ເພື່ອຍົກສູງຄຸນນະພາບ ທາງດ້ານຄວາມຮູ້ ໃຫ້ກັບພະນັກງານ ວິເຄາະການແພດ ຢູ່ໃນຂະ ແໜງວິເຄາະ ຂອງແຕ່ລະໂຮງໝໍເມືອງ ໃຫ້ສາມາດກວດວິເຄາະ ຫາເຊື້ອພະຍາດຕ່າງ ທັງຊ່ວຍທ່ານໝໍ ໃນການບົ່ງມະຕິພະຍາດ ໃຫ້ຖືກຕ້ອງ ແລະ ຊັດເຈນ ຕາມອາການຂອງຄົນເຈັບ ເຮັດໃຫ້ການປິ່ນປົວຂອງທ່ານໝໍ ສະດວກຂຶ້ນສາມາດວາງຢາ ໃຫ້ຖືກກັບພະຍາດໄດ້.
ທ່ານ ດຣ.ນາລີ ຄຳອິນຊູ ຫົວໜ້າພາກວິຊາ ວິເຄາະການແພດ, ຄະນະເຕັກນິກ ການແພດ, ມະຫາວິທະຍາໄລ ວິທະຍາສາດ ສຸຂະພາບ ໃຫ້ຮູ້ວ່າ: ການອົບຮົມຄັ້ງນີ້ ແມ່ນໄດ້ເລັ່ງໃສ່ ການວິເຄາະກວດຫາເຊື້ອພະຍາດ ທີ່ຕິດຕໍ່ທາງ ລະບົບສືບພັນ ເຊິ່ງມັນເປັນສາເຫດ ທີ່ເຮັດໃຫ້ເກີດການ ຕິດຕໍ່ກັນໄດ້ໄວ. ດັ່ງນັ້ນ, ຖ້ານັກວິເຄາະການແພດ ກວດບົ່ງມະຕິບໍ່ຖືກຕ້ອງ ແລະ ບໍ່ໄດ້ຮັບການປິ່ນປົວ ໃຫ້ຫາຍຂາດ ມັນຈະເຮັດໃຫ້ ເຊື້ອພະຍາດດັ່ງກ່າວ ຕິດຕໍ່ໃສ່ກັບຄົນອື່ນ ໂດຍສະເພາະ ແມ່ນທາງເພດສຳພັນ ເຮັດໃຫ້ຕິດໃສ່ຄົວຄອບ ແລະ ບຸກຄົນອື່ນນຳອີກ.
ປັດຈຸບັນ ທາງມະຫາວິທະຍາໄລ ວິທະຍາສາດສຸຂະພາບ ກໍາລັງເຮັດບົດວິໄຈ ກ່ຽວກັບພະຍາດດັ່ງກ່າວ ເພື່ອເຮັດໃຫ້ການປິ່ນປົວ ມີປະສິດທິຜົນ.
ທີ່ມາ: kpl
ທ່ານ ດຣ.ນາລີ ຄຳອິນຊູ ຫົວໜ້າພາກວິຊາ ວິເຄາະການແພດ, ຄະນະເຕັກນິກ ການແພດ, ມະຫາວິທະຍາໄລ ວິທະຍາສາດ ສຸຂະພາບ ໃຫ້ຮູ້ວ່າ: ການອົບຮົມຄັ້ງນີ້ ແມ່ນໄດ້ເລັ່ງໃສ່ ການວິເຄາະກວດຫາເຊື້ອພະຍາດ ທີ່ຕິດຕໍ່ທາງ ລະບົບສືບພັນ ເຊິ່ງມັນເປັນສາເຫດ ທີ່ເຮັດໃຫ້ເກີດການ ຕິດຕໍ່ກັນໄດ້ໄວ. ດັ່ງນັ້ນ, ຖ້ານັກວິເຄາະການແພດ ກວດບົ່ງມະຕິບໍ່ຖືກຕ້ອງ ແລະ ບໍ່ໄດ້ຮັບການປິ່ນປົວ ໃຫ້ຫາຍຂາດ ມັນຈະເຮັດໃຫ້ ເຊື້ອພະຍາດດັ່ງກ່າວ ຕິດຕໍ່ໃສ່ກັບຄົນອື່ນ ໂດຍສະເພາະ ແມ່ນທາງເພດສຳພັນ ເຮັດໃຫ້ຕິດໃສ່ຄົວຄອບ ແລະ ບຸກຄົນອື່ນນຳອີກ.
ປັດຈຸບັນ ທາງມະຫາວິທະຍາໄລ ວິທະຍາສາດສຸຂະພາບ ກໍາລັງເຮັດບົດວິໄຈ ກ່ຽວກັບພະຍາດດັ່ງກ່າວ ເພື່ອເຮັດໃຫ້ການປິ່ນປົວ ມີປະສິດທິຜົນ.
ທີ່ມາ: kpl
No comments