ໂຮງງານອົບຂີ້ເບຍຢຸດເຊົ່າການຜະລິດເພາະສົ່ງຜົນ ກະທົບຕໍ່ສິ່ີງແວດລ້ອມ
ຂປລ.ລັດຖະບານສັ່ງໃຫ້ເຈົ້າຂອງໂຮງງານອົບຂີ້ເບຍ ໂຈະການການຜະລິດຢ່າງຖາວອນນັບແຕ່ວັນທີ 12 ຕຸລາ 2016 ເປັນຕົ້ນໄປ ພາຍຫລັງປະຊາຊົນ 160 ກວ່າຫລັງຄາເຮືອນ ໄດ້ຮັບຜົນກະທົບຈາກກິ່ນເໝັນ ເຮັດໃຫ້ປະຊາຊົນເຈັບປວ່ຍເປັນຈໍານວນບໍ່ໜ້ອຍ. ໂຮງງານດັ່ງກ່າວ, ເປັນຂອງບໍລິສັດ ບອນທູບີ ອາກິເທັກ ຈໍາກັດ ຕັ້ງຢູ່ບ້ານດຸງ ເມືອງໄຊເສດຖາ ນະຄອນຫລວງວຽງຈັນ, ຜ່ານມາອໍານາດການປົກຄອງ ແລະ ພາກລັດ ໄດ້ແຈ້ງເຕືອນ, ອົບຮົມ ແລະ ສັ່ງໃຫ້ຫັນເຂົ້າສູ່ລະບຽບຫລາຍຄັ້ງ ແຕ່ບໍ່ເຫັນເຈົ້າຂອງໂຮງ ງານປັບປຸງ. ໂຮງງານດັ່ງກ່າວ, ແມ່ນຜະລິດເພື່ອສະໜອງສົ່ງອອກຕ່າງປະເທດເພື່ອ ໄປປຸງແຕ່ງເປັນຫົວ ອາຫານສັດ, ຝຸ່ນກະສິກໍາ ແລະ ອື່ນໆ.
ໃນວັນທີ 11 ຕຸລາ ນີ້ ທ່ານ ຈະເລີນ ເຢຍປາວເຮີ ລັດຖະມົນຕີ ປະຈໍາສໍານັກງານນາຍົກ, ໂຄສົກລັດຖະບານ, ພ້ອມດ້ວຍພາກສ່ວນກ່ຽວຂ້ອງ ໄດ້ລົງໄປຕິດຕາມເບິ່ງຄວາມເປັນຈິງຂອງໂຮງງານ ເຊິ່ງໄດ້ຮັບຟັງການລາຍງານຂອງທ່ານ ໄຊຍະເດດ ວົງໄຊ ຜູ້ອໍານວຍການໂຮງງານ ບອນທູບີ ອາກີເທັກ ໃຫ້ຮູ້ວ່າ: ໂຮງງານແມ່ນໄດ້ເລີ່ມການຜະລິດແຕ່ຕົ້ນປີ 2015 ຜ່ານມາ ໂດຍໄດ້ມີການເຊັນສັນຍາກັບບໍລິ ສັດເບຍລາວ ນໍາເອົາຂີ້ເບຍມາຜະລິດອົບແຫ້ງ, ຄວາມສາມາດການຜະລິດແມ່ນ 100ໂຕນ/ມື້ ຖ້າອົບແຫ້ງຈະເຫລືອ 25 ໂຕນ, ສະເລ່ຍການສົ່ງອອກ 150 ໂຕນ/ທິດ, ເຊິ່ງຜ່ານການປະຕິບັດມາດົນພໍສົມຄວນ ແລະ ຕໍ່ມາທາງໂຮງງານໄດ້ຮັບແຈ້ງການກ່ຽວກັບການເກີດກິ່ນເໝັນ. ສະນັ້ນ, ພາກສ່ວນກ່ຽວຂ້ອງກໍໄດ້ປຶກສາກັບຫລາຍພາກສ່ວນ ພະຍາຍາມຫາວິທີແກ້ໄຂດ້ວຍການຫລຸດຈໍານວນການຜະລິດລົງແລ້ວ ຫາທາງອອກດ້ວຍການສົ່ງອອກຂີ້ເບຍສົດ ໃຫ້ກັບບໍລິສັດຊີພີປະເທດໄທ, ແຕ່ເນື່ອງຈາກການຮັບຊື້ຈໍາກັດພຽງ 60 ໂຕນ/ມື້. ໃນນັ້ນ, ວັນພັກລັດຖະການ (ເສົາ-ອາທິດ) ບໍ່ໄດ້ສົ່ງອອກ ຈຶ່ງເຮັດໃຫ້ຂີ້ເບຍຕົກຄ້າງຈໍານວນໜຶ່ງມີຂີ້ເບຍລົ້ນສາງ ແລະ ປະກອບກັບການເຜົາໄດ້ນໍາໃຊ້ເຄື່ອງຈັກຖ່ານຫີນ ຈຶ່ງໄດ້ຫາວິທີແກ້ໄຂໂດຍໄດ້ນໍາເອົາເຄື່ອງຈັກໃໝ່ເຂົ້າມາ ທີ່ໃຊ້ນໍ້າມັນກະຊວນເປັນເຊື້ອໄຟແທນ.
ຢ່າງໃດກໍດີ, ທ່ານລັດຖະມົນຕີ ໄດ້ກ່າວໃຫ້ທິດຊີ້ນໍາເພື່ອຜົນປະໂຫຍດສ່ວນລວມ ແລະ ບໍ່ໃຫ້ເກີດຜົນກະທົບ ຕໍ່ຄວາມເປັນຢູ່ຂອງປະຊາຊົນ ຕ້ອງໄດ້ຫາວິທີແກ້ໄຂ ໂດຍສະເພາະເມື່ອມີກິ່ນ, ຄັວນ ກໍຕ້ອງໄດ້ປຶກສາຫາລືກັບພາກສ່ວນກ່ຽວຂ້ອງ ເພື່ອເຮັດການວິເຄາະສຶກສາ ແລະ ມີການບໍາບັດ, ຄຽງຄູ່ກັນນັ້ນກໍໃຫ້ຮີບຮ້ອນຫາທາງຍົກຍ້າຍ ທີ່ຕັ້ງໂຮງງານໄປຢູ່ບ່ອນທີ່ເໝາະສົມ ຫລື ຖ້າຈະຢູ່ບ່ອນເກົ່າກໍຕ້ອງຮັບປະ ກັນຄວາມປອດໄພທາງດ້ານສິ່ງແວດລ້ອມເປັນສຳຄັນ.
ໃນວັນທີ 11 ຕຸລາ ນີ້ ທ່ານ ຈະເລີນ ເຢຍປາວເຮີ ລັດຖະມົນຕີ ປະຈໍາສໍານັກງານນາຍົກ, ໂຄສົກລັດຖະບານ, ພ້ອມດ້ວຍພາກສ່ວນກ່ຽວຂ້ອງ ໄດ້ລົງໄປຕິດຕາມເບິ່ງຄວາມເປັນຈິງຂອງໂຮງງານ ເຊິ່ງໄດ້ຮັບຟັງການລາຍງານຂອງທ່ານ ໄຊຍະເດດ ວົງໄຊ ຜູ້ອໍານວຍການໂຮງງານ ບອນທູບີ ອາກີເທັກ ໃຫ້ຮູ້ວ່າ: ໂຮງງານແມ່ນໄດ້ເລີ່ມການຜະລິດແຕ່ຕົ້ນປີ 2015 ຜ່ານມາ ໂດຍໄດ້ມີການເຊັນສັນຍາກັບບໍລິ ສັດເບຍລາວ ນໍາເອົາຂີ້ເບຍມາຜະລິດອົບແຫ້ງ, ຄວາມສາມາດການຜະລິດແມ່ນ 100ໂຕນ/ມື້ ຖ້າອົບແຫ້ງຈະເຫລືອ 25 ໂຕນ, ສະເລ່ຍການສົ່ງອອກ 150 ໂຕນ/ທິດ, ເຊິ່ງຜ່ານການປະຕິບັດມາດົນພໍສົມຄວນ ແລະ ຕໍ່ມາທາງໂຮງງານໄດ້ຮັບແຈ້ງການກ່ຽວກັບການເກີດກິ່ນເໝັນ. ສະນັ້ນ, ພາກສ່ວນກ່ຽວຂ້ອງກໍໄດ້ປຶກສາກັບຫລາຍພາກສ່ວນ ພະຍາຍາມຫາວິທີແກ້ໄຂດ້ວຍການຫລຸດຈໍານວນການຜະລິດລົງແລ້ວ ຫາທາງອອກດ້ວຍການສົ່ງອອກຂີ້ເບຍສົດ ໃຫ້ກັບບໍລິສັດຊີພີປະເທດໄທ, ແຕ່ເນື່ອງຈາກການຮັບຊື້ຈໍາກັດພຽງ 60 ໂຕນ/ມື້. ໃນນັ້ນ, ວັນພັກລັດຖະການ (ເສົາ-ອາທິດ) ບໍ່ໄດ້ສົ່ງອອກ ຈຶ່ງເຮັດໃຫ້ຂີ້ເບຍຕົກຄ້າງຈໍານວນໜຶ່ງມີຂີ້ເບຍລົ້ນສາງ ແລະ ປະກອບກັບການເຜົາໄດ້ນໍາໃຊ້ເຄື່ອງຈັກຖ່ານຫີນ ຈຶ່ງໄດ້ຫາວິທີແກ້ໄຂໂດຍໄດ້ນໍາເອົາເຄື່ອງຈັກໃໝ່ເຂົ້າມາ ທີ່ໃຊ້ນໍ້າມັນກະຊວນເປັນເຊື້ອໄຟແທນ.
ຢ່າງໃດກໍດີ, ທ່ານລັດຖະມົນຕີ ໄດ້ກ່າວໃຫ້ທິດຊີ້ນໍາເພື່ອຜົນປະໂຫຍດສ່ວນລວມ ແລະ ບໍ່ໃຫ້ເກີດຜົນກະທົບ ຕໍ່ຄວາມເປັນຢູ່ຂອງປະຊາຊົນ ຕ້ອງໄດ້ຫາວິທີແກ້ໄຂ ໂດຍສະເພາະເມື່ອມີກິ່ນ, ຄັວນ ກໍຕ້ອງໄດ້ປຶກສາຫາລືກັບພາກສ່ວນກ່ຽວຂ້ອງ ເພື່ອເຮັດການວິເຄາະສຶກສາ ແລະ ມີການບໍາບັດ, ຄຽງຄູ່ກັນນັ້ນກໍໃຫ້ຮີບຮ້ອນຫາທາງຍົກຍ້າຍ ທີ່ຕັ້ງໂຮງງານໄປຢູ່ບ່ອນທີ່ເໝາະສົມ ຫລື ຖ້າຈະຢູ່ບ່ອນເກົ່າກໍຕ້ອງຮັບປະ ກັນຄວາມປອດໄພທາງດ້ານສິ່ງແວດລ້ອມເປັນສຳຄັນ.
No comments