ກວຕ ສະຫລຸບການ ເຄື່ອນໄຫວວຽກງານ ວິທະຍາສາດ-ເຕັກໂນໂລຊີ ທົ່ວປະເທດ
ຂປລ. ກະຊວງວິທະຍາສາດ ແລະ ເຕັກໂນໂລຊີ (ກວຕ) ໄດ້ຈັດກອງປະຊຸມ ວິທະຍາສາດ ແລະ ເຕັກໂນໂລຊີ ທົ່ວປະເທດ ຄັ້ງທີ II ໃນວັນທີ 11-13 ຕຸລາ 2016 ຢູ່ນະຄອນຫລວງວຽງຈັນ, ເພື່ອສະຫລຸບຕີລາຄາ ການເຄື່ອນໄຫວວຽກງານ ວິທະຍາສາດ-ເຕັກໂນໂລຊີ ທົ່ວປະເທດ ໃນໄລຍະຜ່ານມາ ແລະ ກຳນົດທິດທາງ ການເຄື່ອນໄຫວວຽກງານ ໃນຕໍ່ໜ້າ ໂດຍມີທ່ານ ບໍ່ວຽງຄຳ ວົງດາລາ ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ, ບັນດາຮອງລັດຖະມົນຕີ, ຜູ້ຊີ້ນຳວຽກງານ ວິທະຍາສາດ-ເຕັກໂນໂລຊີ ຈາກບັນດາແຂວງ, ນະຄອນຫລວງ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ໂອກາດດັ່ງກ່າວ, ທ່ານ ບໍ່ວຽງຄຳ ວົງດາລາ ກ່າວວ່າ: ກອງປະຊຸມໃນຄັ້ງນີ້, ໄດ້ສະຫລຸບຕີລາຄາ ຖອດຖອນບົດຮຽນ ໃນການເຄື່ອນໄຫວວຽກງານ ວິທະຍາສາດ-ເຕັກໂນໂລຊີ ໃນໄລຍະຜ່ານມາ ແລະ ສັງເກດຕີລາຄາສະພາບ ຄວາມເປັນຈິງ ຂອງວຽກງານການຄຸ້ມຄອງ ໃນຂົງເຂດວຽກງານ ວິທະຍາສາດ-ເຕັກໂນໂລຊີ ຂອງ ສປປ ລາວ ທີ່ຕິດພັນກັບວຽກງານ 3 ສ້າງ, ທັງເປັນການໂຄສະນາເຜີຍແຜ່ ໃຫ້ສັງຄົມຮັບຮູ້, ເຂົ້າໃຈ ແລະ ເປັນເອກະພາບ ຕໍ່ການເຄື່ອນໄຫວວຽກງານ ວິທະຍາສາດ-ເຕັກໂນໂລຊີ ແນໃສ່ປະກອບ ໃນການຄຸ້ມຄອງສັງຄົມ ໃຫ້ມີຄວາມຍຸຕິທຳ, ນຳໃຊ້ວຽກງານ ວິທະຍາສາດ ເຂົ້າໃນການປົກປັກຮັກສາ ແລະ ສ້າງສາພັດທະນາ ປະເທດຊາດ ໃຫ້ຫລຸດພົ້ນອອກຈາກ ສະຖານະພາບ ຄວາມດ້ອຍພັດທະນາ ກໍຄື ການແກ້ໄຂລົບລ້າງ ຄວາມທຸກຍາກຂອງປະຊາຊົນ ບັນດາເຜົ່າ, ພ້ອມນັ້ນ, ຍັງຈະໄດ້ພ້ອມກັນ ກຳນົດທິດທາງ ການເຄື່ອນໄຫວວຽກງານ ວິທະຍາສາດ-ເຕັກໂນໂລຊີ ໃນຕໍ່ໜ້າ ເພື່ອຮອງຮັບ ໜ້າທີ່ການເມືອງ ໃນການປົກປັກຮັກສາ ແລະ ພັດທະນາປະເທດຊາດ, ເປັນເຈົ້າການ ໃນການເຊື່ອມໂຍງ, ຮ່ວມມືກັບຕ່າງປະເທດ ແລະ ອົງການຈັດຕັ້ງສາກົນຕ່າງໆ ໃນພາກພື້ນ ແລະ ສາກົນ ຕາມແນວທາງ ນະໂຍບາຍຂອງພັກ-ລັດ.
ທີ່ມາ: KPL
ໂອກາດດັ່ງກ່າວ, ທ່ານ ບໍ່ວຽງຄຳ ວົງດາລາ ກ່າວວ່າ: ກອງປະຊຸມໃນຄັ້ງນີ້, ໄດ້ສະຫລຸບຕີລາຄາ ຖອດຖອນບົດຮຽນ ໃນການເຄື່ອນໄຫວວຽກງານ ວິທະຍາສາດ-ເຕັກໂນໂລຊີ ໃນໄລຍະຜ່ານມາ ແລະ ສັງເກດຕີລາຄາສະພາບ ຄວາມເປັນຈິງ ຂອງວຽກງານການຄຸ້ມຄອງ ໃນຂົງເຂດວຽກງານ ວິທະຍາສາດ-ເຕັກໂນໂລຊີ ຂອງ ສປປ ລາວ ທີ່ຕິດພັນກັບວຽກງານ 3 ສ້າງ, ທັງເປັນການໂຄສະນາເຜີຍແຜ່ ໃຫ້ສັງຄົມຮັບຮູ້, ເຂົ້າໃຈ ແລະ ເປັນເອກະພາບ ຕໍ່ການເຄື່ອນໄຫວວຽກງານ ວິທະຍາສາດ-ເຕັກໂນໂລຊີ ແນໃສ່ປະກອບ ໃນການຄຸ້ມຄອງສັງຄົມ ໃຫ້ມີຄວາມຍຸຕິທຳ, ນຳໃຊ້ວຽກງານ ວິທະຍາສາດ ເຂົ້າໃນການປົກປັກຮັກສາ ແລະ ສ້າງສາພັດທະນາ ປະເທດຊາດ ໃຫ້ຫລຸດພົ້ນອອກຈາກ ສະຖານະພາບ ຄວາມດ້ອຍພັດທະນາ ກໍຄື ການແກ້ໄຂລົບລ້າງ ຄວາມທຸກຍາກຂອງປະຊາຊົນ ບັນດາເຜົ່າ, ພ້ອມນັ້ນ, ຍັງຈະໄດ້ພ້ອມກັນ ກຳນົດທິດທາງ ການເຄື່ອນໄຫວວຽກງານ ວິທະຍາສາດ-ເຕັກໂນໂລຊີ ໃນຕໍ່ໜ້າ ເພື່ອຮອງຮັບ ໜ້າທີ່ການເມືອງ ໃນການປົກປັກຮັກສາ ແລະ ພັດທະນາປະເທດຊາດ, ເປັນເຈົ້າການ ໃນການເຊື່ອມໂຍງ, ຮ່ວມມືກັບຕ່າງປະເທດ ແລະ ອົງການຈັດຕັ້ງສາກົນຕ່າງໆ ໃນພາກພື້ນ ແລະ ສາກົນ ຕາມແນວທາງ ນະໂຍບາຍຂອງພັກ-ລັດ.
ທີ່ມາ: KPL
No comments