ເກີດ ເຫດ ນ້ຳຖ້ວມ-ດິນເຈື່ອນ ຢູ່ຈີນ ເສຍຊິວິດ ຢ່າງໜ້ອຍ 6 ຄົນ

ຂປລ. ຕາມຂ່າວ ຕ່າງປະເທດ, ວັນທີ 29 ກັນຍາ 2016, ເນື່ອງຈາກ ພາຍຸໄຕ້ຝຸ່ນ ເມກີ, ເຊິ່ງມີຄວາມໄວລົມ 120 ກິໂລແມັດ ຕໍ່ຊົ່ວໂມງ ໄດ້ພັດເຂົ້າຈີນ ເຮັດໃຫ້ຝົນຕົກ ຢ່າງໜັກ, ດິນເຈື່ອນ ແລະ ນ້ຳຖ້ວມ ຢູ່ເຂດມົນທົນ ເຈີຈຽງ ທາງພາກຕາເວັນອອກຂອງຈີນ ສົ່ງຜົນໃຫ້ມີ ຜູ້ເສຍຊິວິດ 6 ຄົນ, ສູນຫາຍ 33 ຄົນ, ອາຄານ ເປ່ເພ 20 ຫລັງ, ເຮືອນຈົມຢູ່ໃຕ້ນ້ຳ 17 ຫລັງ, ປະຊາຊົນ 1.500 ຄົນ ຕ້ອງອົບພະຍົບ ອອກຈາກ ພື້ນທ່ີດັ່ງກ່າວ. ປັດຈຸບັນ, ເຈົ້າໜ້າທ່ີ ກູ້ໄພ 1.200 ຄົນ ພວມເຂົ້າໄປຊ່ວຍເຫລືອ ແລະ ຊອກຫາຜູ້ປະສົບເຄາະຮ້າຍ ດັ່ງກ່າວ.