6 ແຜນງານຍຸດທະສາດ ໄດ້ຖືກກຳນົດໃນກອງ ປະຊຸມວຽກງານວິທະຍາສາດ ແລະ ເຕັກ ໂນໂລຊີ ທົ່ວປະເທດ ຄັ້ງທີ II
ຂປລ. ກອງປະຊຸມວຽກງານວິທະຍາສາດ ແລະ ເຕັກໂນໂລຊີ ທົ່ວປະເທດ ຄັ້ງທີ II ປີ 2016 ໄດ້ກຳນົດແຜນງານຍຸດທະສາດ, 9 ວຽກຈຸດສຸມ, 12 ຄາດໝາຍສູ້ຊົນ ແລະ 130 ວຽກບູລິມາສິດ ຂອງຂະແໜງວິທະຍາສາດ ແລະ ເຕັກໂນໂລຊີ. ພ້ອມທັງໄດ້ຮັບຮອງເອົາແຜນຍຸດທະສາດ ການພັດທະນາວິທະຍາສາດ ແລະ ເຕັກໂນໂລຊີ ຮອດປີ 2025 ແລະ ວິໄສທັດຮອດປີ 2030. ເຊິ່ງກອງປະຊຸມດັ່ງກ່າວ ໄດ້ປິດລົງດ້ວຍຜົນສຳເລັດອັນຈົບງາມ ໃນວັນທີ 13 ຕຸລາ 2016 ທີ່ ນະຄອນຫລວງວຽງຈັນ, ພາຍຫລັງທີ່ໄດ້ດຳເນີນມາເປັນເວລາ 3 ວັນ ພາຍໃຕ້ການເປັນປະທານຂອງທ່ານ ບໍ່ວຽງຄຳ ວົງດາລາ ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ພ້ອມດ້ວຍບັນດາພາກສ່ວນທີ່ກ່ຽວຂ້ອງເຂົ້າຮ່ວມ.
ກອງປະຊຸມໄດ້ເຫັນດີໂດຍພື້ນຖານ ຕໍ່ບົດລາຍງານການຈັດຕັ້ງປະຕິບັດວຽກງານ 3 ສ້າງຂອງຂະແໜງວິທະຍາສາດ ແລະ ເຕັກໂນໂລຊີ ໃນຊຸມປີຜ່ານມາ ແລະ ທິດທາງແຜນການສືບຕໍ່ປະຕິບັດວຽກງານ 3 ສ້າງຢ່າງແຂງແຮງ, ໂດຍມີການແບ່ງຂັ້ນຄຸ້ມຄອງ ລະຫວ່າງ ສູນກາງ ແລະ ທ້ອງຖິ່ນຢ່າງຈະແຈ້ງ ແລະ ມີປະສິດທິຜົນ. ພ້ອມທັງເປັນເອກະພາບ ຮັບຮອງເອົາຄາດໝາຍທີ່ສຳຄັນ ເພື່ອສູ້ຊົນປະຕິບັດສຳລັບໄລຍະນີ້ເຖິງປີ 2020 ຂອງຂະແໜງວິທະຍາສາດ ແລະ ເຕັກໂນໂລຊີ ໃຫ້ປະກົດຜົນເປັນຈິງ ເຊັ່ນ ສ້າງວາລະສານວິທະຍາສາດ, ສ້າງສູນຂໍ້ມູນທາງດ້ານວິທະຍາສາດ ແລະ ເຕັກໂນໂລຊີແຫ່ງຊາດ, ສູມການລົງທຶນພັດທະນາວິທະຍາສາດ ແລະ ເຕັກໂນໂລຊີ, ຈັດສັນງົບປະມານກອງທຶນພັດທະນາວິທະຍາສາດແລະ ເຕັກໂນໂລຊີ, ສົ່ງເສີມການພັດທະນານັກຄົ້ນຄວ້າ ຢູ່ບັນດາມະຫາວິທະຍາໄລຕ່າງໆທົ່ວປະເທດ, ປັບປຸງ ແລະ ຍົກລະດັບສະຖາບັນຄົ້ນຄວ້າວິທະຍາສາດ. ນອກຈາກນັ້ນ, ສ້າງໃຫ້ໄດ້ນັກຄົ້ນຄວ້າວິທະຍາ ສາດໃຫ້ໄດ້ 11 ຄົນຕໍ່ 10,000 ຄົນ ຂອງພົນລະເມືອງພາຍໃນປີ 2020 ແລະ ອື່ນໆ.
ໃນກອງປະຊຸມດັ່ງກ່າວ, ຄະນະຜູ້ແທນມີຄວາມເຊື່ອໜັ້ນຢ່າງໜັກແໜ້ນວ່າ ດ້ວຍແນວທາງນະໂຍບາຍອັນຖືກຕ້ອງ, ການນຳພາອັນປີຊາສາມາດຂອງພັກ ແລະ ລັດຖະບານ, ຄວາມສາມັກຄີເປັນເອກະພາບຂອງຄະນະພັກ-ຄະນະນຳ ແລະ ຄວາມຮັບຜິດຊອບຕໍ່ພາລະໜ້າທີ່ ທີ່ຖືກມອບໝາຍຂອງບັນດາສະມາຊິກພັກ, ພະນັກງານ-ລັດຖະກອນ ຂອງຂະແໜງການວິທະຍາສາດ ແລະ ເຕັກໂນໂລຊີ ໃນທົ່ວປະເທດ ຈະສາມາດພັດທະນາວິທະຍສາດ ແລະ ເຕັກໂນໂລຊີ ໃຫ້ເປັນກຳລັງແຮງ ແລະ ເປັນພາຫານະບຸກທະລຸທີ່ແທ້ຈິງ ເພື່ອປະກອບສ່ວນຢ່າງໜັກແໜ້ນ ເຂົ້າໃນການພັດທະນາເສດຖະກິດ-ສັງຄົມ, ເຂົ້າໃນການຫັນເປັນອຸດສາຫະກຳ ແລະ ທັນສະໄໝ, ສ້າງເສດຖະກິດ-ສັງຄົມແຫ່ງພູມປັນຍາ ແລະ ພັດທະນາປະເທດຊາດໃຫ້ຈະເລີນຮຸ່ງເຮືອງຕາມທິດສັງຄົມນິຍົມ.
ທີ່ມາ: KPL
ກອງປະຊຸມໄດ້ເຫັນດີໂດຍພື້ນຖານ ຕໍ່ບົດລາຍງານການຈັດຕັ້ງປະຕິບັດວຽກງານ 3 ສ້າງຂອງຂະແໜງວິທະຍາສາດ ແລະ ເຕັກໂນໂລຊີ ໃນຊຸມປີຜ່ານມາ ແລະ ທິດທາງແຜນການສືບຕໍ່ປະຕິບັດວຽກງານ 3 ສ້າງຢ່າງແຂງແຮງ, ໂດຍມີການແບ່ງຂັ້ນຄຸ້ມຄອງ ລະຫວ່າງ ສູນກາງ ແລະ ທ້ອງຖິ່ນຢ່າງຈະແຈ້ງ ແລະ ມີປະສິດທິຜົນ. ພ້ອມທັງເປັນເອກະພາບ ຮັບຮອງເອົາຄາດໝາຍທີ່ສຳຄັນ ເພື່ອສູ້ຊົນປະຕິບັດສຳລັບໄລຍະນີ້ເຖິງປີ 2020 ຂອງຂະແໜງວິທະຍາສາດ ແລະ ເຕັກໂນໂລຊີ ໃຫ້ປະກົດຜົນເປັນຈິງ ເຊັ່ນ ສ້າງວາລະສານວິທະຍາສາດ, ສ້າງສູນຂໍ້ມູນທາງດ້ານວິທະຍາສາດ ແລະ ເຕັກໂນໂລຊີແຫ່ງຊາດ, ສູມການລົງທຶນພັດທະນາວິທະຍາສາດ ແລະ ເຕັກໂນໂລຊີ, ຈັດສັນງົບປະມານກອງທຶນພັດທະນາວິທະຍາສາດແລະ ເຕັກໂນໂລຊີ, ສົ່ງເສີມການພັດທະນານັກຄົ້ນຄວ້າ ຢູ່ບັນດາມະຫາວິທະຍາໄລຕ່າງໆທົ່ວປະເທດ, ປັບປຸງ ແລະ ຍົກລະດັບສະຖາບັນຄົ້ນຄວ້າວິທະຍາສາດ. ນອກຈາກນັ້ນ, ສ້າງໃຫ້ໄດ້ນັກຄົ້ນຄວ້າວິທະຍາ ສາດໃຫ້ໄດ້ 11 ຄົນຕໍ່ 10,000 ຄົນ ຂອງພົນລະເມືອງພາຍໃນປີ 2020 ແລະ ອື່ນໆ.
ໃນກອງປະຊຸມດັ່ງກ່າວ, ຄະນະຜູ້ແທນມີຄວາມເຊື່ອໜັ້ນຢ່າງໜັກແໜ້ນວ່າ ດ້ວຍແນວທາງນະໂຍບາຍອັນຖືກຕ້ອງ, ການນຳພາອັນປີຊາສາມາດຂອງພັກ ແລະ ລັດຖະບານ, ຄວາມສາມັກຄີເປັນເອກະພາບຂອງຄະນະພັກ-ຄະນະນຳ ແລະ ຄວາມຮັບຜິດຊອບຕໍ່ພາລະໜ້າທີ່ ທີ່ຖືກມອບໝາຍຂອງບັນດາສະມາຊິກພັກ, ພະນັກງານ-ລັດຖະກອນ ຂອງຂະແໜງການວິທະຍາສາດ ແລະ ເຕັກໂນໂລຊີ ໃນທົ່ວປະເທດ ຈະສາມາດພັດທະນາວິທະຍສາດ ແລະ ເຕັກໂນໂລຊີ ໃຫ້ເປັນກຳລັງແຮງ ແລະ ເປັນພາຫານະບຸກທະລຸທີ່ແທ້ຈິງ ເພື່ອປະກອບສ່ວນຢ່າງໜັກແໜ້ນ ເຂົ້າໃນການພັດທະນາເສດຖະກິດ-ສັງຄົມ, ເຂົ້າໃນການຫັນເປັນອຸດສາຫະກຳ ແລະ ທັນສະໄໝ, ສ້າງເສດຖະກິດ-ສັງຄົມແຫ່ງພູມປັນຍາ ແລະ ພັດທະນາປະເທດຊາດໃຫ້ຈະເລີນຮຸ່ງເຮືອງຕາມທິດສັງຄົມນິຍົມ.
ທີ່ມາ: KPL
No comments