ນໍ້າໝາກຍໍ ທິບສະຫວ່າງ ເປັນທີ່ຕ້ອງການຫລາຍ ໃນຕະຫລາດຈີນ
ຂປລ. ປັດຈຸບັນ ຜະລິດຕະພັນ ທີ່ຜະລິດຈາກ ສີມືຄົນລາວ ມີຢ່າງຫລວງຫລາຍ ແລະ ສາມາດຕອບສະໜອງ ຕາມຄວາມຮຽກຮ້ອງຕ້ອງການ ຂອງສັງຄົມໄດ້, ນໍ້າໝາກຍໍ ເປັນອີກໜຶ່ງຜະລິດຕະພັນ ທີ່ຊາວຈີນ ໃຫ້ຄວາມນິຍົມ ນໍາໄປບໍລິໂພກ ແລະ ເປັນທີ່ຕ້ອງການຫລາຍ ໃນຕະຫລາດຈີນ ເພື່ອນໍາໄປເປັນຢາບຳລຸງ ສຸຂະພາບ ແລະ ມີປະໂຫຍດຕໍ່ຮ່າງກາຍ ເຊິ່ງມີຊັບພະຄຸນ ຊ່ວຍຄວບຄຸມ ຄວາມດັນເລືອດສູງ, ເພີ່ມກໍາລັງ ໃນເວລາອິດເມື່ອຍ, ຊ່ວຍການລົດໄຂມັນ, ເບົາຫວານ ພ້ອມຊ່ວຍຕ້ານພະຍາດຕ່າງໆ.
ປ້າ ບົວທິບ ຫອມຈັນດີ ເຈົ້າຂອງຜະລິດຕະພັນ ນໍ້າໝາກຍໍ ທິບສະຫວ່າງ ໄດ້ໃຫ້ສໍາພາດ ທີ່ໜານໜິງ ເມື່ອບໍ່ດົນຜ່ານມານີ້ວ່າ: ເປັນປີທີ່ 5 ໄດ້ນໍາເອົາ ຜະລິດຕະພັນດັ່ງກ່າວ, ເຂົ້າຮ່ວມງານ ວາງສະແດງສິນຄ້າ ທີ່ໜານໜິງ ເຫັນວ່າແຕ່ລະຄັ້ງ ມີການຕອບຮັບທີ່ດີ ຈາກປະຊາຊົນຈີນ ໄດ້ນິຍົມ ແລະ ໃຫ້ຄວາມສົນໃຈຫລາຍ ເປັນຕົ້ນ ນໍ້າໝາກຍໍເຂັ້ມຂຸ້ນ 100% ທີ່ຄົນຈີນ ຊື້ນໍາໄປບໍລິໂພກ ເປັນຢາບໍາລຸງຮ່າງກາຍ. ກ່ອນນີ້ໃນເບື້ອງຕົ້ນແມ່ນ ເຮັດໄວ້ສໍາລັບຕົນເອງເທົ່ານັ້ນ, ແຕ່ຕໍ່ມາຫລາຍໆຄົນ ທີ່ຮູ້ຈັກໄດ້ມາກິນ ແລະ ຊື້ໄປເປັນ ຂອງຕ້ອນຂອງຝາກ ກໍໄດ້ແຜ່ອອກເປັນວົງກວ້າງ ຫລັງຈາກນັ້ນ ຈຶ່ງຄິດເຮັດເປັນແບບທຸລະກິດ ເພື່ອເຮັດໃຫ້ສັງຄົມຮັບຮູ້ ແລະ ຄົນລາວກໍສາມາດ ຜະລິດຢາບໍາລຸງ ສຸຂະພາບ ທີ່ຜະລິດຈາກທຳມະຊາດ ຈົນຜະລິດຕະພັນດັ່ງກ່າວ ໄດ້ຮັບການຢັ້ັງຢືນ ໃຫ້ເປັນສິນຄ້າໜຶ່ງເມືອງ ໜຶ່ງຜະລິດຕະພັນ ເຊິ່ງໄດ້ສ້າງໃບໜ້າອັນໃໝ່ ໃຫ້ກັບການດຳເນີນ ທຸລະກິດ ຂະຫຍາຍຕົວອອກ. ໃນປີ 2013 ກໍໄດ້ເຮັດສັນຍາຮ່ວມກັບ ນັກທຸລະກິດຈີນ ຮ່ວມມືໃນການປັບປຸງ ຄຸນນະພາບ ເລີ່ມແຕ່ການປູກ, ການປຸງແຕ່ງການຫຸ້ມຫໍ່ ເພື່ອສົ່ງອອກ ໄປຈໍາໜ່າຍຢູ່ ສປ ຈີນ ປີໜຶ່ງກໍປະມານ 10 ພັນລິດ. ປັດຈຸບັນ ຜະລິດຕະພັນ ນໍ້າໝາກຍໍໄດ້ມີ ຢ່າງຫລາກຫລາຍ ມີເຖິງ 10 ຊະນິດເພື່ອໃຫ້ ລູກຄ້າສາມາດເລືອກຊື້ ເພື່ອບໍລິໂພກ ເຊັ່ນ: ມີແບບແຄັບຊຸນໝາກຍໍ, ຊາໝາກຍໍ, ນໍ້າໝາກຍໍ 35%, ນໍ້າໝາກເຂັ້ມຂຸ້ນ 100%, ມີລົດສົມ, ລົດຫວານ ແລະ ອື່ນໆ.
ທ່ານ ອາຈ້າວ ຄູ່ສັນຍາ ໄດ້ໃຫ້ຮູ້ຕື່ມວ່າ: ຕະຫລາດຢູ່ ສປ ຈີນ ແມ່ນມີຄວາມຕ້ອງການ ຜະລິດຕະພັນ ດັ່ງກ່າວສູງ ເພາະຄົນຈີນ ສ່ວນໃຫຍ່ມັກຢາບໍາລຸງ ທີ່ຜະລິດຈາກ ທໍາມະຊາດ ເຫັນໄດ້ຜ່ານມາ ຜະລິດຕະພັນ ທີ່ພວກເຮົານໍາມາຈໍາໜ່າຍ ແມ່ນມີຈໍານວນເພີ່ມຂຶ້ນ ໃນແຕ່ລະປີ. ນອກຈາກນີ້, ຕະຫລາດຢູ່ເຂດເອີຮົບ ຍັງໃຫ້ຄວາມສົນໃຈ ແລະ ໄດ້ຕິດຕໍ່ເພື່ອຮັບຊື້ ຜະລິດຕະພັນດັ່ງກ່າວ. ທັງພວກເຮົາກໍເລັ່ງປັບປຸງ ທາງດ້ານຄຸນນະພາບ ແລະ ເພີ່ມການຜະລິດ ໃຫ້ຫລາຍຂຶ້ນຕື່ມອີກ.
ທີ່ມາ: www.kpl.gov.la
ປ້າ ບົວທິບ ຫອມຈັນດີ ເຈົ້າຂອງຜະລິດຕະພັນ ນໍ້າໝາກຍໍ ທິບສະຫວ່າງ ໄດ້ໃຫ້ສໍາພາດ ທີ່ໜານໜິງ ເມື່ອບໍ່ດົນຜ່ານມານີ້ວ່າ: ເປັນປີທີ່ 5 ໄດ້ນໍາເອົາ ຜະລິດຕະພັນດັ່ງກ່າວ, ເຂົ້າຮ່ວມງານ ວາງສະແດງສິນຄ້າ ທີ່ໜານໜິງ ເຫັນວ່າແຕ່ລະຄັ້ງ ມີການຕອບຮັບທີ່ດີ ຈາກປະຊາຊົນຈີນ ໄດ້ນິຍົມ ແລະ ໃຫ້ຄວາມສົນໃຈຫລາຍ ເປັນຕົ້ນ ນໍ້າໝາກຍໍເຂັ້ມຂຸ້ນ 100% ທີ່ຄົນຈີນ ຊື້ນໍາໄປບໍລິໂພກ ເປັນຢາບໍາລຸງຮ່າງກາຍ. ກ່ອນນີ້ໃນເບື້ອງຕົ້ນແມ່ນ ເຮັດໄວ້ສໍາລັບຕົນເອງເທົ່ານັ້ນ, ແຕ່ຕໍ່ມາຫລາຍໆຄົນ ທີ່ຮູ້ຈັກໄດ້ມາກິນ ແລະ ຊື້ໄປເປັນ ຂອງຕ້ອນຂອງຝາກ ກໍໄດ້ແຜ່ອອກເປັນວົງກວ້າງ ຫລັງຈາກນັ້ນ ຈຶ່ງຄິດເຮັດເປັນແບບທຸລະກິດ ເພື່ອເຮັດໃຫ້ສັງຄົມຮັບຮູ້ ແລະ ຄົນລາວກໍສາມາດ ຜະລິດຢາບໍາລຸງ ສຸຂະພາບ ທີ່ຜະລິດຈາກທຳມະຊາດ ຈົນຜະລິດຕະພັນດັ່ງກ່າວ ໄດ້ຮັບການຢັ້ັງຢືນ ໃຫ້ເປັນສິນຄ້າໜຶ່ງເມືອງ ໜຶ່ງຜະລິດຕະພັນ ເຊິ່ງໄດ້ສ້າງໃບໜ້າອັນໃໝ່ ໃຫ້ກັບການດຳເນີນ ທຸລະກິດ ຂະຫຍາຍຕົວອອກ. ໃນປີ 2013 ກໍໄດ້ເຮັດສັນຍາຮ່ວມກັບ ນັກທຸລະກິດຈີນ ຮ່ວມມືໃນການປັບປຸງ ຄຸນນະພາບ ເລີ່ມແຕ່ການປູກ, ການປຸງແຕ່ງການຫຸ້ມຫໍ່ ເພື່ອສົ່ງອອກ ໄປຈໍາໜ່າຍຢູ່ ສປ ຈີນ ປີໜຶ່ງກໍປະມານ 10 ພັນລິດ. ປັດຈຸບັນ ຜະລິດຕະພັນ ນໍ້າໝາກຍໍໄດ້ມີ ຢ່າງຫລາກຫລາຍ ມີເຖິງ 10 ຊະນິດເພື່ອໃຫ້ ລູກຄ້າສາມາດເລືອກຊື້ ເພື່ອບໍລິໂພກ ເຊັ່ນ: ມີແບບແຄັບຊຸນໝາກຍໍ, ຊາໝາກຍໍ, ນໍ້າໝາກຍໍ 35%, ນໍ້າໝາກເຂັ້ມຂຸ້ນ 100%, ມີລົດສົມ, ລົດຫວານ ແລະ ອື່ນໆ.
ທ່ານ ອາຈ້າວ ຄູ່ສັນຍາ ໄດ້ໃຫ້ຮູ້ຕື່ມວ່າ: ຕະຫລາດຢູ່ ສປ ຈີນ ແມ່ນມີຄວາມຕ້ອງການ ຜະລິດຕະພັນ ດັ່ງກ່າວສູງ ເພາະຄົນຈີນ ສ່ວນໃຫຍ່ມັກຢາບໍາລຸງ ທີ່ຜະລິດຈາກ ທໍາມະຊາດ ເຫັນໄດ້ຜ່ານມາ ຜະລິດຕະພັນ ທີ່ພວກເຮົານໍາມາຈໍາໜ່າຍ ແມ່ນມີຈໍານວນເພີ່ມຂຶ້ນ ໃນແຕ່ລະປີ. ນອກຈາກນີ້, ຕະຫລາດຢູ່ເຂດເອີຮົບ ຍັງໃຫ້ຄວາມສົນໃຈ ແລະ ໄດ້ຕິດຕໍ່ເພື່ອຮັບຊື້ ຜະລິດຕະພັນດັ່ງກ່າວ. ທັງພວກເຮົາກໍເລັ່ງປັບປຸງ ທາງດ້ານຄຸນນະພາບ ແລະ ເພີ່ມການຜະລິດ ໃຫ້ຫລາຍຂຶ້ນຕື່ມອີກ.
ທີ່ມາ: www.kpl.gov.la
No comments