ເປີດຕະຫຼາດສົດ ເມືອງຫົງສາ
ທ້າຍເດືອນມັງກອນ 2016 ຜ່ານມາ ເມືອງຫົງສາ ແຂວງໄຊຍະບູລີ ຈັດພິທີເປີດການນຳໃຊ້ຕະຫຼາດໃໝ່ເພື່ອອຳນວຍຄວາມສະດວກໃນການບໍລິການຊື້-ຂາຍ
ແລະຈຳໜ່າຍສິນຄ້າຕ່າງໆ ໂດຍການເປັນກຽດເຂົ້າຮ່ວມຂອງທ່ານ ຍັນຍົງ ສີປະເສີດ ຮອງເຈົ້າແຂວງໄຊຍະບູລີ ທ່ານ ຄຳເພັດ ພົມມະລາດ ເຈົ້າເມືອງໆຫົງສາ, ບັນດາແຂກຖືກເຊີນ ແລະຜູ້ປະ ກອບການຕ່າງໆເຂົ້າຮ່ວມ.
ທ່ານ ດາວເພັດ ສີອັກຂະສອນ ຜູ້ອຳນວຍການບໍລິສັດດາວເພັດ ກໍ່ສ້າງຈຳກັດໄດ້ລາຍງານຜົນສຳເລັດໃນການກໍ່ສ້າງຕະຫຼາດໃໝ່ເມືອງຫົງສາວ່າ: ການໂຄງການກໍ່ສ້າງຕະຫຼາດໃໝ່ເມືອງຫົງສາ ແຂວງໄຊຍະບູລີໄດ້ເລີ່ມລົງມືກໍ່ສ້າງແຕ່ ທ້າຍປີ 2014 ແລະສຳເລັດໃນຕົ້ນປີ 2016 ໃຊ້ເວລາໃນການກໍ່ສ້າງທັງໝົດ 13 ເດືອນ ຈິງສຳເລັດຕາມແຜນການທີ່ກຳນົດໄວ້ ຊຶ່ງຕະຫຼາດໃໝ່ນີ້ມີເນື້ອທີ່ທັງໝົດ 18 ພັນຕາແມັດ, ສ້າງເປັນອາຄານໃຫຍ່ 6 ອາຄານ, ແຕ່ລະອາຄານສ້າງດ້ວຍເບຕົງເສີມເຫຼັກ, ມຸງດ້ວຍສັງກະສີ, ມີລະບົບໄຟຟ້າ ແລະນ້ຳປະປາຄົບຊຸດ, ປະກອບມີຫ້ອງຂາຍເຄື່ອງ 63 ຫ້ອງ, ມີແຜງຂາຍເຄື່ອງສົດ-ອາຫານ 400 ແຜງ, ຫ້ອງນ້ຳ 2 ຫຼັງປະກອບມີ 18 ຫ້ອງ ແລະບ່ອນຈອດລົດໃນເນື້ອທີ່ 6 ພັນຕາ ແມັດໂຄງການດັ່ງກ່າວເປັນການລົງທຶນຂອງບໍລິສັດເອກະຊົນພາຍໃນ 100% ໂດຍການຮ່ວມມືລະຫວ່າງບໍລິສັດດາວເພັດ ກໍ່ສ້າງຈຳກັດກັບບໍລິສັດພະລັງງານບົວສະຫວັນສາຂາແຂວງໄຊຍະບູລີ.
ຍ້ອນເຫັນໄດ້ຄວາມສຳຄັນ ແລະ ຄວາມຈຳເປັນໃນການບໍລິການຊື້-ຂາຍຂອງພໍ່ແມ່ປະຊາຊົນນັບມື້ນັບເພີ່ມຂຶ້ນ ແຕ່ສະຖານທີ່ບ່ອນເກົ່າຄັບແຄບບ່ອນຈອດລົດບໍ່ພຽງພໍ ແລະອີງໃສ່ແຜນຍຸດທະສາດເມືອງຫົງສາກໍຄືແຂວງໄຊຍະບູລີ ທີ່ຈະພັດທະນາຕະຫຼາດບ່ອນເກົ່າໃຫ້ ເປັນຕະຫຼາດທີ່ສະອາດ ແລະທັນສະໄໝ ໃນອະນາຄົດ, ໃນພິທີ ທ່ານ ຍັນຍົງ ສີປະເສີດ ຮອງເຈົ້າແຂວງໄຊຍະບູລີພ້ອມດ້ວຍອຳນາດການປົກຄອງເມືອງ ແລະ ຜູ້ເຂົ້າຮ່ວມໄດ້ຕັດແຖບຜ້າ ເພື່ອເປັນສັນຍະລັກໃຫ້ແກ່ການເປີດບໍລິການຂອງຕະຫຼາດຫຼັງໃໝ່ເມືອງຫົງສາ ແຂວງໄຊຍະບູລີ.
ທີ່ມາ: sedthakid
ແລະຈຳໜ່າຍສິນຄ້າຕ່າງໆ ໂດຍການເປັນກຽດເຂົ້າຮ່ວມຂອງທ່ານ ຍັນຍົງ ສີປະເສີດ ຮອງເຈົ້າແຂວງໄຊຍະບູລີ ທ່ານ ຄຳເພັດ ພົມມະລາດ ເຈົ້າເມືອງໆຫົງສາ, ບັນດາແຂກຖືກເຊີນ ແລະຜູ້ປະ ກອບການຕ່າງໆເຂົ້າຮ່ວມ.
ທ່ານ ດາວເພັດ ສີອັກຂະສອນ ຜູ້ອຳນວຍການບໍລິສັດດາວເພັດ ກໍ່ສ້າງຈຳກັດໄດ້ລາຍງານຜົນສຳເລັດໃນການກໍ່ສ້າງຕະຫຼາດໃໝ່ເມືອງຫົງສາວ່າ: ການໂຄງການກໍ່ສ້າງຕະຫຼາດໃໝ່ເມືອງຫົງສາ ແຂວງໄຊຍະບູລີໄດ້ເລີ່ມລົງມືກໍ່ສ້າງແຕ່ ທ້າຍປີ 2014 ແລະສຳເລັດໃນຕົ້ນປີ 2016 ໃຊ້ເວລາໃນການກໍ່ສ້າງທັງໝົດ 13 ເດືອນ ຈິງສຳເລັດຕາມແຜນການທີ່ກຳນົດໄວ້ ຊຶ່ງຕະຫຼາດໃໝ່ນີ້ມີເນື້ອທີ່ທັງໝົດ 18 ພັນຕາແມັດ, ສ້າງເປັນອາຄານໃຫຍ່ 6 ອາຄານ, ແຕ່ລະອາຄານສ້າງດ້ວຍເບຕົງເສີມເຫຼັກ, ມຸງດ້ວຍສັງກະສີ, ມີລະບົບໄຟຟ້າ ແລະນ້ຳປະປາຄົບຊຸດ, ປະກອບມີຫ້ອງຂາຍເຄື່ອງ 63 ຫ້ອງ, ມີແຜງຂາຍເຄື່ອງສົດ-ອາຫານ 400 ແຜງ, ຫ້ອງນ້ຳ 2 ຫຼັງປະກອບມີ 18 ຫ້ອງ ແລະບ່ອນຈອດລົດໃນເນື້ອທີ່ 6 ພັນຕາ ແມັດໂຄງການດັ່ງກ່າວເປັນການລົງທຶນຂອງບໍລິສັດເອກະຊົນພາຍໃນ 100% ໂດຍການຮ່ວມມືລະຫວ່າງບໍລິສັດດາວເພັດ ກໍ່ສ້າງຈຳກັດກັບບໍລິສັດພະລັງງານບົວສະຫວັນສາຂາແຂວງໄຊຍະບູລີ.
ຍ້ອນເຫັນໄດ້ຄວາມສຳຄັນ ແລະ ຄວາມຈຳເປັນໃນການບໍລິການຊື້-ຂາຍຂອງພໍ່ແມ່ປະຊາຊົນນັບມື້ນັບເພີ່ມຂຶ້ນ ແຕ່ສະຖານທີ່ບ່ອນເກົ່າຄັບແຄບບ່ອນຈອດລົດບໍ່ພຽງພໍ ແລະອີງໃສ່ແຜນຍຸດທະສາດເມືອງຫົງສາກໍຄືແຂວງໄຊຍະບູລີ ທີ່ຈະພັດທະນາຕະຫຼາດບ່ອນເກົ່າໃຫ້ ເປັນຕະຫຼາດທີ່ສະອາດ ແລະທັນສະໄໝ ໃນອະນາຄົດ, ໃນພິທີ ທ່ານ ຍັນຍົງ ສີປະເສີດ ຮອງເຈົ້າແຂວງໄຊຍະບູລີພ້ອມດ້ວຍອຳນາດການປົກຄອງເມືອງ ແລະ ຜູ້ເຂົ້າຮ່ວມໄດ້ຕັດແຖບຜ້າ ເພື່ອເປັນສັນຍະລັກໃຫ້ແກ່ການເປີດບໍລິການຂອງຕະຫຼາດຫຼັງໃໝ່ເມືອງຫົງສາ ແຂວງໄຊຍະບູລີ.
ທີ່ມາ: sedthakid
No comments