ເມັກຊິກ ສັ່ງອົບພະຍົບ ປະຊາຊົນ ຈາກ ພູໄຟລະເບີດ

ຂປລ. ຕາມ​ຂ່າວ ຕ່າງປະ​ເທດ, ວັນ​ທີ12 ຕຸລາ2016, ​ເຈົ້າ​ໜ້າ​ທີ່ ໜ່ວຍ​ງານ ປ້ອງ​ກັນ ​ພົນລະ​ເຮືອນ ຂອງ​ເມັກ​ຊິກ ສັ່ງອົບພະຍົບ ປະຊາຊົນ ຫລາຍຮ້ອຍຄົນ ອອກຈາກ ພື້ນທີ່ ໃກ້ພູໄຟ ໂຄລິມາ ລະເບີດ ຮຸນແຮງ ​ມີ​ຄວາມ​ສູງ​ ເຖິງ3.820​ ແມັດ ຕັ້ງ​ຢູ່​ຫ່າງ​ ຈາກ ນະຄອນຫລວງ ​ເມັກ​ຊິກໂກ ໄປ​ທາງ​ພາກ ​ຕາ​ເວັນ​ຕົກ ​ປະມານ 690 ​ກິ​ໂລ​ແມັດ ຍັງເກີດລະເບີດ ຂຶ້ນຢ່າງຕໍ່ເນື່ອງ ເຮັດໃຫ້ ຂີ້ເທົ່າໄຟ ​ແລະ ກຸ່ມຄວັນ​ໄຟ ປີວຂຶ້ນສູ່ ອາກາດ ສູງເຖິງ 2 ກິໂລແມັດ. ຂະນະນີ້ ເຈົ້າໜ້າທີ່ ກ່ຽວຂ້ອງ ຍັງເຝົ້າລະວັງ ຢ່າງໃກ້ຊິດ ເພື່ອປ້ອງກັນ ຄວາມອັນຕະລາຍ ທີ່ອາດ ເກີດຂຶ້ນ ໃນເຂດ ທີ່ໃກ້ຄຽງ.




ທີ່ມາ: KPL