ລາວ ໄດ້ຮັບລາງວັນດີເດັ່ນຈາກນະຄອນໂຮ່ຈີມິນ
ງານວາງສະແດງທ່ອງທ່ຽວສາກົນ ຄັ້ງທີ 12 ປະຈຳປີ 2016 ໄດ້ຈັດຂຶ້ນລະຫວ່າງວັນທີ 7-10 ກັນຍາ 2016 ທີ່ນະຄອນໂຮ່ຈີມິງ ສສ ຫວຽດນາມ ເປັນປະທານຮ່ວມຂອງທ່ານ ຫງວຽນ ງ໋ອກ ຕ໋ຽນ ລັດຖະມົນຕີກະຊວງວັດທະນະທຳ ກີລາ ແລະ ທ່ອງທ່ຽວ ສສ ຫວຽດນາມ ແລະ ທ່ານ ເຈິນ ວິງຕຽນ ຮອງປະທານຄະນະກຳມະການປະຊາຊົນ ນະຄອນໂຮ່ຈີມິງ ມີບັນດາປະເທດອາຊຽນ ແລະ ເອີຣົບ ຈຳນວນ 20 ກວ່າປະເທດເຂົ້າຮ່ວມ.
ການຈັດງານຄັ້ງນີ້ ເປັນການສົ່ງເສີມຈາກພາກລັດຕໍ່ທຸລະກິດການທ່ອງທ່ຽວ ເປັນຕົ້ນແມ່ນກະຊວງວັດທະນະທຳ ກີລາ ແລະ ການທ່ອງທ່ຽວຂອງ ສສ ຫວຽດນາມ ຮ່ວມກັບຄະນະກຳມະການນະຄອນໂຮ່ຈີມິງ ແລະ ກະຊວງທີ່ກ່ຽວຂ້ອງຂອງ 4 ປະເທດຄື: ລາວ ໄທ ກຳປູເຈຍ ແລະ ມຽນມາ ໄດ້ຮ່ວມກັນຈັດກິດຈະກຳໃນທຸກໆປີ ແນໃສ່ສົ່ງເສີມການທ່ອງທ່ຽວຂອງບັນດາປະເທດໃນອະນຸພາກພື້ນລຸ່ມແມ່ນ້ຳ ຂອງ ແລະ ສົ່ງເສີມດ້ານການຕະຫຼາດ ການທ່ອງທ່ຽວຂອງບັນດາປະເທດອາຊຽນ ແລະ ເອີຣົບ ພ້ອມນັ້ນ ອົງການທ່ອງທ່ຽວແຫ່ງຊາດຫວຽດນາມ ຮ່ວມກັບພະແນກທ່ອງທ່ຽວນະຄອນໂຮ່ຈີມິງ ຍັງໄດ້ຈັດງານ VINEXAD ເຊິ່ງມີກິດຈະກຳມອບລາງວັນດີເດັ່ນ ປະຈຳປີ 2016 ໃຫ້ກັບບັນດາອົງການຕ່າງໆ ລວມທັງໝົດ 8 ລາງວັນ ເພີ່ມຈາກປີຜ່ານມາ 3 ລາງວັນ ແລະ ສປປ ລາວ ໄດ້ຮັບ 7 ລາງວັນຄື: ການບໍລິການທ່ອງທ່ຽວສົ່ງອອກປະຈຳປີດີເດັ່ນ ການສົ່ງເສີມການທ່ອງທ່ຽວນຳເຂົ້າດີເດັ່ນ ສາຍການບິນດີເດັ່ນປະຈຳປີ ຣີສອດດີເດັ່ນ ການໂຄສະນາເວັບໄຊ ການທ່ອງທ່ຽວດີເດັ່ນ ການໂຄສະນາສົ່ງເສີມການທ່ອງທ່ຽວດີເດັ່ນ ແລະ ງານບຸນປະເພນີດີເດັ່ນປະຈຳປີ ໃນນີ້ ນະຄອນຫຼວງວຽງຈັນ ໄດ້ລາງວັນງານບຸນປະເພນີດີເດັ່ນຈາກການຈັດງານບຸນປະເພນີບຸນທາດຫຼວງ ໂດຍຕາງໜ້າຮັບລາງວັນຂອງທ່ານ ຄຳປະດິດ ເຂັມມານິດ ຫົວໜ້າພະແນກຖະແຫຼງຂ່າວ ວັດທະນະທຳ ແລະ ທ່ອງທ່ຽວ ນະຄອນຫຼວງວຽງຈັນ ຕາມການມອບໝາຍຂອງທ່ານເຈົ້າຄອງ ນວ ນອກນັ້ນຍັງມີກອງປະຊຸມແອັກແມັກ ທີ່ຈັດຂຶ້ນເພື່ອເປັນການຮ່ວມມືດ້ານເສດຖະກິດລະຫວ່າງບັນດາປະເທດ ທີ່ຢູ່ລຽບຕາມແມ່ນ້ຳເອລາວະດີ ແມ່ນ້ຳຂອງ ແລະ ແມ່ນ້ຳເຈົ້າພະຍາ ເຊິ່ງມີ 5 ນະຄອນ ແລະ ຂົງເຂດປະເທດໃກ້ຄຽງຂອງຈີນ ເຂົ້າຮ່ວມປະມານ 8 ນະຄອນ ຕື່ມອີກ.
ທີ່ມາ: www.news.com.la
ການຈັດງານຄັ້ງນີ້ ເປັນການສົ່ງເສີມຈາກພາກລັດຕໍ່ທຸລະກິດການທ່ອງທ່ຽວ ເປັນຕົ້ນແມ່ນກະຊວງວັດທະນະທຳ ກີລາ ແລະ ການທ່ອງທ່ຽວຂອງ ສສ ຫວຽດນາມ ຮ່ວມກັບຄະນະກຳມະການນະຄອນໂຮ່ຈີມິງ ແລະ ກະຊວງທີ່ກ່ຽວຂ້ອງຂອງ 4 ປະເທດຄື: ລາວ ໄທ ກຳປູເຈຍ ແລະ ມຽນມາ ໄດ້ຮ່ວມກັນຈັດກິດຈະກຳໃນທຸກໆປີ ແນໃສ່ສົ່ງເສີມການທ່ອງທ່ຽວຂອງບັນດາປະເທດໃນອະນຸພາກພື້ນລຸ່ມແມ່ນ້ຳ ຂອງ ແລະ ສົ່ງເສີມດ້ານການຕະຫຼາດ ການທ່ອງທ່ຽວຂອງບັນດາປະເທດອາຊຽນ ແລະ ເອີຣົບ ພ້ອມນັ້ນ ອົງການທ່ອງທ່ຽວແຫ່ງຊາດຫວຽດນາມ ຮ່ວມກັບພະແນກທ່ອງທ່ຽວນະຄອນໂຮ່ຈີມິງ ຍັງໄດ້ຈັດງານ VINEXAD ເຊິ່ງມີກິດຈະກຳມອບລາງວັນດີເດັ່ນ ປະຈຳປີ 2016 ໃຫ້ກັບບັນດາອົງການຕ່າງໆ ລວມທັງໝົດ 8 ລາງວັນ ເພີ່ມຈາກປີຜ່ານມາ 3 ລາງວັນ ແລະ ສປປ ລາວ ໄດ້ຮັບ 7 ລາງວັນຄື: ການບໍລິການທ່ອງທ່ຽວສົ່ງອອກປະຈຳປີດີເດັ່ນ ການສົ່ງເສີມການທ່ອງທ່ຽວນຳເຂົ້າດີເດັ່ນ ສາຍການບິນດີເດັ່ນປະຈຳປີ ຣີສອດດີເດັ່ນ ການໂຄສະນາເວັບໄຊ ການທ່ອງທ່ຽວດີເດັ່ນ ການໂຄສະນາສົ່ງເສີມການທ່ອງທ່ຽວດີເດັ່ນ ແລະ ງານບຸນປະເພນີດີເດັ່ນປະຈຳປີ ໃນນີ້ ນະຄອນຫຼວງວຽງຈັນ ໄດ້ລາງວັນງານບຸນປະເພນີດີເດັ່ນຈາກການຈັດງານບຸນປະເພນີບຸນທາດຫຼວງ ໂດຍຕາງໜ້າຮັບລາງວັນຂອງທ່ານ ຄຳປະດິດ ເຂັມມານິດ ຫົວໜ້າພະແນກຖະແຫຼງຂ່າວ ວັດທະນະທຳ ແລະ ທ່ອງທ່ຽວ ນະຄອນຫຼວງວຽງຈັນ ຕາມການມອບໝາຍຂອງທ່ານເຈົ້າຄອງ ນວ ນອກນັ້ນຍັງມີກອງປະຊຸມແອັກແມັກ ທີ່ຈັດຂຶ້ນເພື່ອເປັນການຮ່ວມມືດ້ານເສດຖະກິດລະຫວ່າງບັນດາປະເທດ ທີ່ຢູ່ລຽບຕາມແມ່ນ້ຳເອລາວະດີ ແມ່ນ້ຳຂອງ ແລະ ແມ່ນ້ຳເຈົ້າພະຍາ ເຊິ່ງມີ 5 ນະຄອນ ແລະ ຂົງເຂດປະເທດໃກ້ຄຽງຂອງຈີນ ເຂົ້າຮ່ວມປະມານ 8 ນະຄອນ ຕື່ມອີກ.
ທີ່ມາ: www.news.com.la
No comments